((على ملة العشاق واختبره)) [الأرشيف] - منتديات مسك الغلا

مشاهدة النسخة كاملة : ((على ملة العشاق واختبره))

القارظ العنزي

07-18-17, 01:48 PM

حسبت اني جاهل بالهوى وضايع
وحسبت ان الضاوي يملك الخبرة
اثر نجمنا مع الهوى ........ يشايع
يغش اليهودي وضيع ...... الدبرة
وانا اللي مشيت وللهوى ... مبايع
على ملة العشاق ......... واختبره
اول ما بدينا بالهوى ......... جايع
يا كم من هنوف ن جبتها .. جبرة
تمايل معاي بمشيت ........ المايع
كساها الحياء وفي مشيها كسرة
طلبت الفزع من صاحبي .. الرايع
ونصحني اطيعة واحسن .. النبرة
واثر صاحبي ينوي بي .... الخايع
حفر لي حفيرة وعمق .... الحفرة

القارظ العنزي

شيخه عربها

07-18-17, 02:00 PM

طلبت الفزع من صاحبي .. الرايع
ونصحني اطيعة واحسن .. النبرة
واثر صاحبي ينوي بي .... الخايع
حفر لي حفيرة وعمق .... الحفرة

الله الله

صح لسانك

القارظ العنزي

07-18-17, 02:05 PM

صح خفوقك شيخة عربها

ماضي الماضي

07-18-17, 05:46 PM

مجاره بسيطه لعلها تجد رحابة صدر من شاعرنا القارظ

اللي محبتنا على طول بايع

ماعاد تنفع معه يالقارظ العشره

وان كنت ياصاحبي لمحبته جايع

وان جيت لمه الاقي الهم والطفره

عذب فوأدي وخلاني معه ضايع

ياصبر قلبي على المحبوب ياصبره

فيما مضى كنت يالقارظ له مبايع

والحين ماعاد ابي منه ولا ذره

ارتاح قلبي وهذا يالخوي رايع

ماعاد افكر بخير الزين من شره

نسمة خجل

07-19-17, 12:37 AM

صح لسانك اخوي القارظ:ah11:

نجم ضاوي

07-19-17, 01:02 AM

.. ههههههههههههههه ..

انا كنت لعلمك . . داشر .. وصايع
خذ مني الخبره .. وتعلم .. العبره

كنت فحل يا خوك . . وماني بمايع
كنت إذا خطط . . احسن . . الدبره

واليوم يا صاحبي .. لدين الله طايع
وما زلت يا القارظ . . املك الخبره

اعجبني يا العنزي . إسلوبك الرايع
ويا زين منطوقك .. ويا حلوها نبره

كل بيمناك .. ولا تصبح . مثل جايع
وانتبه لا تغرق يا صاحبي في شبره

وانتبه امرك يصير في الناس شايع
وانتبه تصبح .. بين خلق الله .. عبره

هذي نصيحه . . لصاحب ن . . رايع
يكتب روعت القيفان . . بدمه وحبره

صح لسانك يا القارظ وسلم بنانك ...
واعذرني على التقصير هذا ما جادة به قريحتي ...
واتمنى انت تنول رضاك ورضي الاخ الشاعر ماضي الماضي ...
وبقيت الاخوه الاعضاء المتابعين ...
والمعذره اذا في الرد تقصير حيث انه من الكيبورد مباشره ...

القارظ العنزي

07-19-17, 07:49 AM

صح السانك ابو ماضي دايم وافي عزيزي ومجاراة جميلة ، واعذرني من الرد ، لا استطيع الحق عليك وعلى الضاوي بنفس الوقت ، رحم الله أمريء عرف قدره احترامي

القارظ العنزي

07-19-17, 07:50 AM

صح خفوقك نسمة خجل كلك ذوق احترامي

القارظ العنزي

07-19-17, 08:33 AM

الى الضاوي مع التحية

يا كم من سيد ن بالمرجلة ......... فايع
طيب ومطنوخ ومثلك وافي ن . شبره
سلك طريق الهوى والله ما هو .. ضايع
وهذي عادات العرب وايضا هي الفطرة
وانا هذي سنتي يالشاري ......... البايع
ديني في طرد الهوى ومطارد . الخفرة
خلك على توبتك يالتايب ........ الرايع
واسلوب حبك قديم وضاعت .. الخبرة
وانا مع اللي تشوق وتشبع ...... الجايع
الجادل اللي ما شفت من نوعها ابحرة
الياقبلت تسحرك في مشيها ..... المايع
واليادبرت تنعش المكبوت ..... والفكرة

نجم ضاوي

07-19-17, 03:43 PM

انتبه .. من داعج الاعيان مايع
يسحر . قلبك المرهف بسحره

ويصبح امرك .. بالمنتدى ذايع
هيامك يا صاحبي . سبته نظره

خابرك يا القارظ . لنصحنا طايع
وش بدل اوضاعك وغير الفكره

شوف ماضي كيف بفعله الرايع
اخذ مني النصح . وانجبر كسره

تعال يمنا جده وشوف الفضايع
شوف الضبى تزيد حسرتك حسره

تعال وشوف .. غزلان ن طلايع
يشبهن طلعة الشمس بعد فجره

طولهن يا القارظ . نخل ن فرايع
اللون حنطي والنهدين طلعة الثمره

شوفهن يشفي . . صدرك الفايع
يحرق هواهن . صميم قلبك بنظره

القارظ العنزي

07-19-17, 04:44 PM

ما عندك بجدة يا غير ..... البضايع
من باب مشرف لين قابل .. وبحرة
تعال وشوف الزين يولع ..... ولايع
ازهر عطر غطى الاشافي .. بحمرة
وانهوده اللي نصفها ....... بالودايع
والنصف الاخر يشعل بالقلب جمرة
وانا ما احب اللي تناسى .. الروايع
شايب وتايب ما لنا فيه .... وفكره
نبي شباب ن يسمع القول ... طايع
قلبه خضار وعنده بالعشق .. نظرة
وان كان ابو ماضي يطيعك ورايع
الله يعينه يفقد الحسن .. وخضرة

شيخه عربها

07-19-17, 06:31 PM

أبتسم للناس وأضحك للحياه
ولو تضيق اليوم قل باكر تزين

أعرف أن الله وحده .. لاسـواه
قادر أنه يبهج الصـدر الحزين

القارظ العنزي

07-19-17, 07:30 PM

واستعن في الله ربك في سماه
ينجي المخلوق من شر ن مبين
من يظن الخير في ربه .. عطاه
ولا يفوز بخير غير راع اليقين

شيخه عربها

07-19-17, 07:34 PM

مـن يزرع المعروف لابـد يجني
ومن يفعل الإحسان يجزَى بالإحسان

واللي يريـد المجـد لابـد يبني
في قـلـوب وعـقـول المخـاليـق بنيـان

القارظ العنزي

07-19-17, 07:51 PM

زدني من حكمتك يالترف زدني
ونور لي الدرب واشرح لي بيان
وعطني من عطاك بالخير عطني
زادك الله علم ومع حلمك ايمان

شيخه عربها

07-19-17, 08:12 PM

يا ﺷﺎﻛﻴﺎً ﻫَﻢَّ اﻟﺤﻴﺎة وﺿﻴﻘَﻬﺎ ،
أﺑﺸﺮ ﻓﺮبّكَ ﻗﺪ أﺑﺎن اﻟﻤﻨﻬﺠﺎ
من يتَّقِ الرحمنَ جلَّ ﺟﻼلُه ،
يجعل ﻟﻪ ﻣﻦ كل ضيقٍ ﻣﺨﺮﺟﺎ ،
اللهم صل على محمد

ماضي الماضي

07-19-17, 08:19 PM

على راسي يالقارظ

وماهم لازم ترد بقصيده كل مااحد رد

اهم شي الوناسه

تحياتي

القارظ العنزي

07-19-17, 08:31 PM

لست أنا من يخدع في بريقها
والعبرة فيمن أقام ...... ودرج
نقيم فيها ما قام عيش وبلغة
والى الله بعد ذلك ....... ندرج

القارظ العنزي

07-19-17, 08:34 PM

الله يحفظك ولا يهينك يا بو ماضي ومقامك دوما عندنا كبير ، اسعدني تعليق لا عدمتك .