المساعد الشخصي الرقمي

مشاهدة النسخة كاملة : زوجي مايعجبه طبخ


مشكلتي
07-20-17, 12:03 AM
تحطمت ماعد لي خلق اطبخ
اجتهد واسوي واسوي ومايضبط معي
زوجي يحب الاكلات الشعبيه ماعرفت اضبطها خاصه الجريش. ابدا ماعرفت له يطلع حب والقرصان ماحس له طعم
واللقيمات اشكال
والبسبوسه ماتنتفش وتصير شوي محروقه من تحت مدري ليش على اني اجلس بالمطبخ عشان انتبه واخر شي يخرب
وحتى القهوه احس مالها ريحه مثل قهاوي الناس
مدري ماعرف اطبببببخ باختصار ماعرفت شريت كتب احاول اتعلم ماقدرت
حتى لو نفسي بحلا انا ماستمتع باكلي طعمه مو حلووو مو مثل اختي ماشاء الله طباخه حاولت تعلمني ماقدرت
شسوي بنات زوجي واضح ياكل مجامله كذا وحتى اهله اذا ارسلو واضح عليه ياكل من اكلهم لان اكلي ماله طعم مالومه
طيب ماقدرت اتفنن حتى ماعرف اتفنن ومره اختي ارسلت لنا اكل قال ماشاء الله ويمدح طبخها طيب اختي ارسلت لي وصفات وقالت لي امشي عليها بالضبط بس ابد الابد ماعرفت
الحين برمضان اللي فات ماعرفت اسويله لقيمات امس احاول ولاحطيت منها الا كم حبه الحبات الباقيه مدري شلون قايله
وسايله
وحتى السمبوسه مالها طعم والله بنات اتكلم معكم بجد
مدري وش اسوووي عشان اطبخ زين علموووني لاتبخلووون علي وفي احد منكم كانت ماتعرف تطبخ وعرفت
ساعدوني بنصايح باي شي يطورني ويخليني اعرف اطبخ. الله يجززززززاكم خييييير

غينّ
07-20-17, 01:28 AM
اهلاً أختي:رحيق:.

أولاً يومك تقوليِن ماعرف وماعرفت ومن هالكلام..خذيِهاا مني ماراح تعرفيِن تطبخيِن ولا شيء..
أنا مثلاً كنتّ مثلِك كان كل كلامِي "يوه ماعرف اطبخ،ومستحيل اعرف وافهم فِي الطبخ" الى إن جاء اليوم اللِي مسكتنِي فيه قريبتي ودخلتنِي معها المطبخ وقالت لِي "لاتسوين شيء بس ناظرِي لي وانا اطبخ" قلت طيب ناظرت الى ماخلصت..طبقتّ الطبخه نفسها وضبطت معِي..وضليّت يومين ثلاث ورجعت بأسوي نفس الطبخه ماعرفتّ..او إنِي نسيت،رجعتّ تحطمت ماعرف وماعرف وقلت فشيله اروح اقول للبنت إنِي نسيت شلون سويتيهاا توكلتّ على الله وقلتّ انا اعرف والطباخ سهل وذا "اسلكّ لروحِي مع شويّة رفع معنويات" وافتح لِك النت على انواع الطبخات واشوف اشلون يسوونهاا وانا اطبق معهم بنفِس الوقت وعلى هالحال إلى ما اتقنت الطباخ ،وبَس والله الزبده من هالكلام كله إنه قولِي انك تقدرين وراح تقدرين ان شاءالله :22: :نبض: :نبض:..

سحاابة عطر
07-20-17, 04:34 AM
اختي مادري ليش احس شايله هم الطبخ لحد ما وسوستسي وخايفه مايضبط
تراا انا نفسي وما اتفاخر فيها احس طبخي اقل من عادي لان انا مو كل يوم اطبخ واعرف بالبدايه ماراح يضبط كل شي بس مع الممارسه راح اصير طباخه لان انا ماعندي بيت وحتى لو عندي بيت نفسك راح اجيب محهودي ضبط ما ضبط وش اسوي بتقوم الدنياء يعني ناكل من هالنعمه ونحمد ربنا غيرنا يدورها انا احس ان طبخك حلو بس من كثر ما انتي خايفه تحسينه مو حلو خايفه مايعجب زوجك انتي لا تخليني الطبخ اكبر همومك راح يضبط بعدين صدقيني واذا على القيمات كثيييير مااتضبط معاهم واولهم انا بتضحكين لحد ماتفطسين قبل ما تاكلين :blush-anim-cl::blush-anim-cl:

ماضي الماضي
07-20-17, 04:48 AM
ولو ان الموضوع خاص بالبنات


لكن راح ادلي بدلوي من حيث خبرتي في الطباخ



انااا بصراحه يوم كنت عزابي تعلمت الطباخ


الطبخ على العموم يبغاله شي اسمه النفس في الطبخ

من البدايه ماراح يكون الاكل جيد يعني زياده في الملح او يحترق الاكل او يصير حب وهلم جرا


بس مع الوقت الشخص يتعلم من اخطأه ويصير يعرف المقادير ويعرف الكميه ويعرف كيف يضبط الوضع



اناااا اقول الخبره هي الاساس

انتي تعلمي تطبخي مع الوقت راح يصير طباخك حلو




اتمنى افدتك



تحياتي

آسيرة حرف
07-20-17, 05:47 AM
الفاضله / مشكلتي

اجتهد واسوي واسوي ومايضبط معي
زوجي يحب الاكلات الشعبيه ماعرفت اضبطها خاصه الجريش.
:24: نص كرشات شباب السعوديه من الاكلات الشعبيه
موب شرط اكل شعبي
تفنني بالشيء اللي تقدري تطبخيه راح يحب اكلاتك مع الزمن
وينسى الاكلات الشعبيه

والبسبوسه ماتنتفش وتصير شوي محروقه من تحت مدري ليش على اني اجلس بالمطبخ عشان انتبه واخر شي يخرب
وحتى القهوه احس مالها ريحه مثل قهاوي الناس

دام البسبوسه مانفشت هذا يعني ماحطيتي بيكنج بودر
شيء مهم في المعجنات والحلويات والكيكات
حطي ملعقه اكل كبيره تراه ينفش مايضر ابد يعني هو عامل اساسي لنفش الحلويات المنفوشه

القهوه العربيه اساسها الهيل مو قالت سميره توفيق بالله صبو هالقهوه وزيدوها هيل
والشيء الثاني البن الفاتح كل ماكان البن فاتح كان فواح خذي نوعيه جيده والافضل خولاني حمسه اولى لجل مايكون غامق
لان المحروق والغامق تقل ريحته

والله انا اتكلم عن نفسي تعلمت من كتب الطبخ تحديداً
كتاب الطبخ اسمه
اطباق النخبة لـ ( امل بنت يحي الجهيمي )
عندي الكتاب القديم الاحمر
بصراحه شيء مذهل للامانه اكلي يجنن استفدت كثير منه
وذحين ناويه ع كتابها الجديد يقولون حلوياته تهوس :MonTaseR_172:

ومن بعد كتاب امل صرت افتح مواقع اجنبيه اخذ الطبخه واترجمها واطبقها
وللامانه بفضل الله ضابطه معي كل طبخه اطبخها :0005:

والاكلات الشعبيه لو تقطعني امي تقطيع قطعه قطعه مابطبخها
اذا الطبخ دوري اطبخ ع ذوقي حلو التغيير اقلهم اللي بياكل حياه واللي مايبي يصوم
وفي كل مره ياكلونه ويحبونه والامور طيبه الحمد لله

يعني بالمختصر مو مقيده نفسي ع اكله يحبونها اهم شيء انا احبها والسبب
الطبخ نفس بمد النون وذوووق فاذا ماحبيتها مابعطيها نفس مني فبتطلع شينه
نفسيتك لازم تكون حلوه لجل طبخك يكون حلو
والاهم تطبخي بحب والله جد لو تطبخي بحب راح يكون حلو اكلك من الله لو هو بيض حتى في صحن التقديم يكون غير

ذحين المهم وشوله تهمين بالجريش ذا :MonTaseR_94: انا اسمع به ماقد ذقتووو
المهم ماعلينا ممكن تعملي اكله ثانيه يحبها وينسى سنين الجريش احس دمر طبخك هو
انتي حابه تضبطينه
تمرني في اطباق جانبيه وبعدها راح يزين معك لان ثقتك رجعت لك


تقبلي ردي وعبق وردي مع خالص احترامي لسموك
آسيرة حرف

العـ(احمد)ـالمي
07-20-17, 06:37 AM
الشخص اذا يعطي عقله الباطن رسائل سلبيه
يصدقها ويرسلها للعقل الواعي وبالتالي تكون مفهومك
والعكس اذا ارسلت له رسائل ايجابية لذلك انصحك
تعززين ثقتك بنفسك وتقولين ان طبخك حلو وراح يصير حلو
او التحقي بدورات تهتم بالطبخ

ربي يوفقك

دُرة
07-20-17, 08:01 AM
الشخص اذا يعطي عقله الباطن رسائل سلبيه
يصدقها ويرسلها للعقل الواعي وبالتالي تكون مفهومك
والعكس اذا ارسلت له رسائل ايجابية لذلك انصحك
تعززين ثقتك بنفسك وتقولين ان طبخك حلو وراح يصير حلو
او التحقي بدورات تهتم بالطبخ

ربي يوفقك



اتفق معه .

السهم الأخير
07-20-17, 08:49 AM
السلام عليكم ورحمة الله وبركاته

أختي الكريمة أول شيء المحاولات بحد ذاتها شي طيب وحلو الوحده تلوم نفسها ولا تلوم غيرها وانتي من كلامك مبين إنك بنت طيبة ولكن يمكن ما كان عندك ميول للطبخ وهالشغلات.

أنا شخصيا كنت مع جدي أيام الإعدادي وكنت أسوي خبز وأشوي لحم وأسوي الشاي وأعرف أطبخ رز ومرقة لحم أو سمك أو دجاج بالخضار .

أختي نحن في الخليج لو تضبطين الرز و مرقة اللحم أو الدجاج أو الخضار تكوني شيخة عربها عند الزوج :x30:

مثلا عشان تعملي السمبوسة أنا أول شي أسوي خلطة حشوة السمبوسة وهي عبارة عن بطاطس وقطع لحم صغيره أو دجاج مع فلفل وبصل وشوي بهارات للنكهة .

الطريقة سهله

حطي اللحم والبطاطس في مويه وخليها ع النار لين يصير اللحم شبه ناضج. طلعيها وقصي اللحم قطع صغيره والبطاطس شرائح صغيره.

جهزي البصل والثوم والفلفل والبهارات ولا بأس بصلصة طماطم.

حطي شوية زيت زيتون أو زيت عادي واقلي البصل والثوم والفلفل الأخضر مع بعض وحركيها لين تصير بعض قطع البصل لونها بني . (شوي زيت لا تنسي)

بعدها حطي قطع اللحم والبطاطس وحركي شوي وضيفي (كوب صغير مويه أو متوسط ) وصلصة طماطم .

رشي شوية ملح وخليها لين يستوي اللحم تماما وبعدها يصير عندك مرقة لحم طيبة تقدري تاكليها مع الرز والخبز وتقدري تلفيها في السمبوسه ويطلع طعمها رهيب.


كان معكم الشيف الإيطالي سهميرو :MonTaseR_213:

إحساس شاعر
07-20-17, 09:04 AM
ليس هناك من يولد عالماً أو طباخاُ أو طياراً ....
الحياة كلها طرق تؤدي إلى نهايات مختلفة حتى لو انطلقت من منطلق واحد ..
الأصل العدم والجهل بالأشياء .. ولكن هناك نقطة يجب ألا نتجاوزها وهو أنك اخطأت في شيء واحد وربما يتحمل معك الخطأ أهلك وهو عدم تدريبك وممارستك للطبخ قبل سن الزواج ,, ولا ألومك ولكن ليتنبه بذلك الأخوات حتى لا تتكرر مشكلتك وهي ليست مشكلة بذاتها ..

بل المشكلة في عدم تفهمك لها وعدم تفهم قدراتك التي دفنتيها بعبارات اللوم ونزع الثقة من نفسك..
أختي الكريمة
نصيحة من أخٍ لك : لا تظهري نقصانك وترددك بهذه الطريقة لأن ذلك سيؤدي إلى وقوعك في مشاكل كثيرة ليست في الطبخ فقط ..

ومثل ما تبين لك من الأخوات هناك كتب وبرامج وفيديوهات تعليمية راح تفيدك ناظريها وبعد طبقيها بتأني وبثقة وبمتعة ..

وبالنسبة للأكلات الشعبية ترى ما يبي لها مهارات والدليل اننا مبدعين فيها :MonTaseR_187: .

الدعوى بسيطة يا بنت خلك متفائلة وشدي حيلك ..

وفقك الله .. وطعام شهي إن شاء الله

مسكك الغلا
07-20-17, 09:21 AM
هلا وغلا
وعليكم السلام
خليك ايجابيه ولل تكوني سلبيه
هي خطوة خطوة
حبي شغلك راح تتقنينه
والطبخ يبي نفس حلوة
والاكلات الشعبية تري مو الكل يتقنها صح
وكل وحده لها طريقتها وابدا لا تقولي ماعرفت
جبت لك هالكتاب روعه تريه
اما الجريش لتعدد الطرق هو الوحيد اللي ماجربت اسويه وبيني وبينتس (ماحب الجريش)
لذلك ماعطيته اهتمام

وعادي تعلمي ولا تقارني طبخك بطبخ غيرك خلي لك شي مميز :MonTaseR_38:

هذا الكتاب جربيه

http://www.almrsal.com/wp-content/uploads/2015/06/Rima.jpg

مطر الفجر
07-20-17, 09:46 AM
عليكم السلام
قبل ان اعطيك رايي اريد اعلق على جزئية انتي ذكرتيها
زوجي واضح ياكل مجامله

طالما ان زوجك ياكل ولم يشتكي لك من طبخك
اتركيه ياكل لان الرجل مستحيل يجامل في بطنه
ومستحيل يضرب عن الطعام لو كان جائعا
سياكله حتى لو محروق ^_^
__________

بالنسبة لتعلم الطبخ صدقيني سهل جدا
انا تعلمت اسوي كبسه بعد اخفاقات متكرره
دون المساعده من احد انا وين والكبسه وين
شغلي يوتيوب وطبقي بالخطوات
انا هكذا افعل اي شيئ احاول اجربه مره مرتين ثلاث
وان لم يعجبني طعمه احاول اغير البهارات واضافة نكهات
الى ان يتغير الطعم
جميع طباخين العالم لم يكونو متعلمين
ومع الايام والممارسه اصبحو طهاة محترفين
وانتي لا ينفصك شيئ واصلي التعلم والطبخ الى ان تتقنينه
لان هذا يبدو انك جديده على المطبخ والان تورطتي ^_^
واصبح همك الان ان ترضين ذائقة زوجك
لا يا عزيزتي ارضي نفسك انتي وتعلمي لاجلك انتي
لا تقارني اكلاتك باكلات غيرك لكل شخص ذوق وطريقته
الطبخ ممتع ان جعلتيه فن او لعبه وليس هم ثقيل وخوف من طعمه
اعتبريه نوع من انواع اعمال الفنية
كل يوم اختاري طبق تعمليه وشغلي يوتيوب وانظري
عدة طرق مختلفه واختاري اللتي تعجبك
ان اردتي ان تتعلمي اختاري الطريقة الاصعب وليس الاسهل
ثم بعد ذلك ضعي اضافات احترافيه بالتدريج على ذائقتك

بالتوفيق تحيتي لك ...

مرجانة
07-22-17, 02:52 PM
قلبي انتي ههههه
و الله انك سنعة فديتك
حبيت همتك لحب تعلم الطبخ
الله يوفقك طالما عندك الاصرار هذا راح تتقنين الطبخ و تكوني احسن وحدة تسوي الجريش


كلنا كنا ما نعرف نطبخ
الله وكيلك انا الرز العادي قبل لا اتزوج بشهر صرت اتعلم اطبخه ههههه
و اخواني المساكين كانوا فئران التجارب ههههههه مرررة ما كنت اضبطه

و تزوجت و انا ما اضبطه تمام
لكن مع الاستمرار و التعلم من الاخطاء و السؤال من هنا و هنا
و متااابعة برامج الطبخ صرت شاطرة

استمري و ان شاء الله يجي يوم و ترضين عن طباخك
الله يسعدك

شيخه عربها
07-22-17, 03:04 PM
تحطمت ماعد لي خلق اطبخ
اجتهد واسوي واسوي ومايضبط معي
زوجي يحب الاكلات الشعبيه ماعرفت اضبطها خاصه الجريش. ابدا ماعرفت له يطلع حب والقرصان ماحس له طعم
واللقيمات اشكال
والبسبوسه ماتنتفش وتصير شوي محروقه من تحت مدري ليش على اني اجلس بالمطبخ عشان انتبه واخر شي يخرب
وحتى القهوه احس مالها ريحه مثل قهاوي الناس
مدري ماعرف اطبببببخ باختصار ماعرفت شريت كتب احاول اتعلم ماقدرت
حتى لو نفسي بحلا انا ماستمتع باكلي طعمه مو حلووو مو مثل اختي ماشاء الله طباخه حاولت تعلمني ماقدرت
شسوي بنات زوجي واضح ياكل مجامله كذا وحتى اهله اذا ارسلو واضح عليه ياكل من اكلهم لان اكلي ماله طعم مالومه
طيب ماقدرت اتفنن حتى ماعرف اتفنن ومره اختي ارسلت لنا اكل قال ماشاء الله ويمدح طبخها طيب اختي ارسلت لي وصفات وقالت لي امشي عليها بالضبط بس ابد الابد ماعرفت
الحين برمضان اللي فات ماعرفت اسويله لقيمات امس احاول ولاحطيت منها الا كم حبه الحبات الباقيه مدري شلون قايله
وسايله
وحتى السمبوسه مالها طعم والله بنات اتكلم معكم بجد
مدري وش اسوووي عشان اطبخ زين علموووني لاتبخلووون علي وفي احد منكم كانت ماتعرف تطبخ وعرفت
ساعدوني بنصايح باي شي يطورني ويخليني اعرف اطبخ. الله يجززززززاكم خييييير


السلام عليكم ورحمة الله وبركاته

الله يعطيك العافية علي كل شي تسوينه

اسمع ياخييه مع الايام رحت تضبط معكي
لاتكونين سلبييه .وكانوني ايجابيه .
تابعي . .برامج طبخ . او اشتري . كتاب طبخ .

مع الاستمرار. راح .تعرافين .صداقيني

https://youtu.be/koBswuIwrF0


https://upload.3dlat.net/uploads/12975055562.jpg

صعفق طاش كندي
07-23-17, 07:47 AM
خليه يعجب فيك ويحبك باندفاع

انهمري عليه كشلال نازل على حمل وديع
صدقيني راح يحب اكلك .. ولو كان مش ولا بد
راح يمدحه غصبن عنه

وانتي بهالفتره استغليها وحسني طبخك

لان الشاعر يقول ..

عيون الخل لايمكن تناظر
عيوب الخل لو هو عيب كله

حنين النوارس
07-23-17, 03:29 PM
السلام عليكم
هههههههههههههههههه لا اعلم المده وانت متزوجه
هوني عليك يااختاه
شوفي عني تزوجت وكنت صغيره قليلا واعتمد على اختي الككبرى فكلشي
اعرف تنظيف المنزل وغسل الاواني وبضع طبخات عاديه
الحمد لله ربي رزقني بزوج صالح وطباخ ماهر ههههه بدأت اتعلم في البدايه المطبخ يتحول لدخان ومره اعمل كيك وماينجح واخفيه ههههههه
المهم كنت في حرب ومره اغضب من تعليقات زوجي السخيفه وانا في غربه ومافي حد اتعلم منو واخواتي البنات ماشاء الله تبارك الرحمن
والان الحمد لله تعلمت كلشي فعلا الطبخ نفس وفي ناس اديها تنكال من لذة ماتطهو
شوفي لا تركزي على الاكلات الشعبيه تعلمي الاكلات البسيطه والمملحات السهله وفي عجائن تكون جاهزه انت فقط عليك تحشي
وطبعا الانسان لم يخلق متعلم بل نكتسب الاشياء من التجاريب فقط لا تقارني نفسك
والله المستعان عزيزتي

روزا
07-23-17, 09:50 PM
،

احسن حاجه حتى مايطلب منك
تطبخي كل يوم 😂
امم في وصفات سهله بالتوست
مايبغى لها وقت ومجهود تفنني له بها
بس مودايم تكريه فيه بعدين 😅


SEO by vBSEO 3.6.1