((يا سبق سوق ي بالخبر))

[القارظ العنزي]

يا سبق سوق ي ...... بالخبر
سوق ي خبرنا ........ للمليك
ومحمد نجله .......... الفخر
سوق ي خبرنا ...... ما عليك
قول ي ترى طال ...... الفجر
طال الأمل والقصة ..... ذيك
القارظ يا سبق ........ انفجر
ما له صديق غير ...... يديك
انت ي لساني ......... بالنشر
قول ي عسى ربي ... يهديك
ما باقي الا ............. ننتحر
وادخل النار وانت ي الشريك
وانخى علي ذيب ...... السبر
الحازمي رءيس ........ وبيك
شايب وراميه ........... الكبر
واليوم طاح ........ وينتخيك
يالحازمي ود ............ الخبر
وصل خبرنا ............ للمليك

القارظ العنزي

[ماضي الماضي]

صح لسانك

ومافيه في عهد سلمان الحزم
احد مظلوم

اكيد لو سمع قصتك ماراح يقصر معك او مع غيرك
من الشعب السعودي العظيم

تحياتي شاعرنا

[القارظ العنزي]

صح بدنك ابو ماضي ، بالتأكيد نحن في زمن الحزم ومليك الحزم ، وان شاء الله الخبر سوف يصل ، ونرجي من الله التيسير والتوفيق بأذنه تعالى . احترامي

[نجم ضاوي]

اذكر الله يا القارظ وتحلا بالصبر
وادعي المولى . وارفع له يديك

ولا بد في يوم .. يفرحك . الخبر
يسعد ويفرح القلب وتبكي عنيك

هذا عارض . . يالغلا .. مر وعبر
اختبرك الرب . . ومقدر .. عليك

جف مني الدمع . وانا ابكي جبر
وارجي الله يا عسى يحن المليك

ابشر بالسعد وابشر بزين الخبر
لا بد الله .. يا ابو سلمان يرضيك

[ماضي الماضي]

طيب يابو سلمان ليش ماتروح السفاره السعوديه اللي قريبه من
موقعك اللي انت فيه

لعل الله يفرجها عليك وتنحل مشكلتك

[القارظ العنزي]

حلي بيد الله ...... والامر
سبحانه ما له من . شريك
ويحميني ربي من الخطر
واللي عطل حقوقي ذيك
والظالم وجه ........ للقبر
مع ضغطة ترخي السميك
الله يديمك ......... يالنمر
ومن كل حسود يحتميك
نصيحتك مثل ..... المطر
فيها السعادة ... يالشريك
ان زرت الكعبة ..... تعتمر
بالملتزم ارفع ....... يديك
واطلب من ربي .. والبشر
ينجيني يالوفي . وينجيك

[القارظ العنزي]

هلا بك ابو ماضي من جديد موضوع السفارة تجده مشروح في هذين البيتين من قصيدتي راس الهرم :
قضيتي صارت قضية فلسطين
حتى السفارة عجزتها . القضية
ما قصروا تشفعوا لي . بيومين
وكبيرنا رفض شفاعة .... خويه

اظن الوضع واضح الان . لاهنت على تفاعلك وطيب احساسك يالطيب .

[ماضي الماضي]

الله المستعان

اجل الله يكون بعونك


ان شاء الله تنحل

تحياتي شاعرنا

[القارظ العنزي]

اللهم آمين والله يستجيب دعوتك يا رب اشكرك من اعماق القلب .

[نجم ضاوي]

القارظ وابنه . . عندي عزيزين
لو بيدي شي . . اعطيته عطيه

يا إبن ماضي .. يا نجل الوفين
يا نعل ابو خوي . ماينفع خويه

والله ثم والله . لو تنحل بملاين
لاسعى وراها لين احل القضيه

[القارظ العنزي]

كفو يالعامري يا نسل ........ العريبين
وعلومك دايم يا رفيقي ........ وفيه
انت الجزل وانت سليل ..... الوفيين
والروح مني لبو ضاوي ......... هدية
وترى ابو ماضي ما به قصور .ويعين
كريم سبلا واليمين ............. الندية
مار ان دنيانا ما هي بالكيف.. واللين
نوب تلين ونوب تصبح ....... قضية
واللي ما يعذر صاحبة من بلا البين
عز الله انه ما يبر .............. بخويه

[نجم ضاوي]

ما عليك زود يا قاهر العدوين
يا طيب القلب والنفس السليه

يا كريم . ومن نسل الكريمين
يا عزيز الجاه والروح الرضيه

تفداك الروح . يا نظر هالعين
يا نسل وايل والعزه التغلبيه

سببت في وسط هالروح جرحين
ليت الامر بيدي واحل القضيه

قضيتك في يد . . خادم البيتين
او ولي عهده . يسعدك بعطيه

[القارظ العنزي]

صدقت يا بو ضاوي والحل نوعين
اما نجي والا ترانا ........... ضحية
ضحية للي ما عاشوا مع .... الدين
ولا تماروا بالعزوة .......... اليعرببة
اللجنة اللي ماعدلت ..... بالفريقين
هذا حلال وذا حرام .......... وبلية
عسى الفرج والحل ياتي من اثنين
مليكنا والا محمد ............... وايه