((عين الشقاء عيت لا تقبل على النوم)) [الأرشيف] - منتديات مسك الغلا

مشاهدة النسخة كاملة : ((عين الشقاء عيت لا تقبل على النوم))

القارظ العنزي

07-29-17, 02:02 PM

البارحة ما جاء لي بالكيف ..... نومي
عين الشقاء عيت لا تقبل على . النوم
زاد السهر وهموم قلبي ........ تعومي
مثل البحر موجه يردك عن ..... العوم
والا كما عود وقع ............ ما يقومي
عود كبير وما له بين العرب ...... قوم
على زمان ضاعت فيه ....... الحلومي
وتبدلت افراحنا بالحزن ........... دوم
وناس جفتني واصبحت من خصومي
وجزايه منهم بالشماتة مع ....... اللوم
لا يا زمان بالسعد ............ ما تدومي
حطيت في قلبي تباريح ...... ووسوم
ورميتني بين البشر ........ يا معدومي
وخليتني ما بين شاري ....... ومسيوم
وصديقي اللي بالوفاء دوم ...... يومي
يومين غايب ما نشد عني ....... اليوم
غرقان في نومه وزين ........ الحلومي
ومن عادته اليذكر فز ............ ويقوم
وراح يتفقدني كبير ............ العزومي
اشره على الضاوي ما يكثر من .. النوم
وينقذ عضيدة جعل عزه ....... يدومي
ينقذ عضيده من هواجيس .... وهموم

القارظ العنزي

نجم ضاوي

07-29-17, 04:00 PM

يامرحبا باللي يشره علينا ويلومي
ابشر بالسعد من .. نجم .. وعلوم

عزالله اني نجم . مو هذي علومي
وانت تخبر .. نجم .. ياسيد . القوم

مير الحب اتعبني وبقلبي سهومي
كيف يذوق النوم مصوب ومهموم

اشوفك يا ابو سلمان حتى بنومي
وادري انك . . يا محزمي مضيوم

القارظ العنزي

07-29-17, 04:17 PM

هلا بالوافي وقت ..... اللزومي
سلامتك من اللي رمتك بسهوم
همك بقلبي ويالوفاء كف نومي
همك من زاد البلا بي .. وهموم
وش اللي ودك اسوي . واقومي
تامر وقلي عسى يفدونك القوم

نجم ضاوي

07-29-17, 04:57 PM

الحال يا خوك . . صار معدومي
مير امشي . . مع الناس ملزوم

صار اكلي . ساندوتش واندومي
بعد ماكان مفطح وكوزي وعلوم

محروم يابو سلمان راحه ونومي
نجم يا القارظ من السعد محروم

ياتاج راسي ماخذك حزت لزومي
يا مهلهل القوافي . حزت الحوم

بك حزامي . يا القارظ محزومي
امس والبارح واليوم . وكل يوم

القارظ العنزي

07-29-17, 09:45 PM

اشوف راسك مع كل نسناس ..... يومي
متغير ن طبعك والفكر صار ..... معدوم
واثر بلاك من كثر ما تاكل ...... اندومي
من اسباب من حطت على قلبك ارسوم
اصبر مثل صبري وانس ....... الحلومي
وتعال يمي ونطرح سواليف .... وعلوم
ونفطر على الكبدة وكشنة ...... بثومي
وايضا الغدا تلقاه حمص ....... ومفروم
وايضا العشاء نقضيه مع بنت ... رومي
جمالها يالذيب يسحرك .......... وتعوم
من بين خفرات علينا ............ تقومي
نص كم وتنورة خفيفة....... بها اخروم
شبيك لبيك تأبرني ............ النجومي
شو بدك ابو زاوي تأمر ....... وانا أوم
خيو تعال وسيب سود ....... الحزومي
خيو تعال اهنيك واترك هل ..... اللوم
لك جلسة تفتح ضيقات ... الخشومي
يجري هواها مجرى الشرايين ويحوم

نجم ضاوي

07-30-17, 02:13 AM

يا مرحبا يا صقر ن على جده يحومي
يا مرحبا يا التغلبي . . يا سيد القوم

يامرحبا ياقرم . . من اصل القرومي
يا ليث ن غذنفر .. شاعر .. وشغموم

شكيت وشرحت لك بالقصايد علومي
وانا ادري انك نشمي والشنب مبروم

يا صاحبي .. انا فداك . عن كل لومي
الوفي مثلك .. لا عليه شرهه ولا لوم

أنا لي فيك . يا سيدي القارظ لزومي
ابيك تعطيني عن البنت تقارير وعلوم

الثريا .. اللي بعدها .. فوق النجومي
ما يحجب . . نورها . . نو . . وغيوم "

راح اشد الرحال . ويم الاردن قدومي
والفرح على يدك بإذن الله ياسيد القوم

ماضي الماضي

07-30-17, 09:30 AM

صح لسانكم جميع

قصيد جزل

وشعار اجزل

دمتم بود

تحياتي

القارظ العنزي

07-31-17, 08:16 AM

البنت يا سيد الرجاجيل ........ تومي
تاقف وتشر لك على طعوس وارجوم
تقول سلم لي عليه ............ بلزومي
تقول ما مرك الضاوي مع ....... القوم
ما شفت ابو ضاوي ونجم . النجومي
الصاحب اللي ما نشد عننا ....... يوم
اللي خذا قلبي وحطم ........ عزومي
قلت الحقيقة ما هو ناسيك . يا روم
الضاوي ضاع وضيعك ..... بالحلومي
يبي غزل جيزان ويغازل ....... الروم
له ظبية بديار ربعه ............ تعومي
والمشكلة ضاوي ما يتقن ...... العوم
ولا يحسن مغازلك ......... يالرحومي
والحب عنده كبسة وكشنة ..ومفروم
وش عرفه يا روح روحي .... وقومي
دام البليلة هي العيشة ...... ومطعوم
والحب عنده يالحبيبة ....... اندومي
والا لبن هو وجبته ....... لحظة النوم
الحب يبي له يالحبيبة ....... رسومي
يدفع ثمنها من يحبك على .... الدوم
وش عرف الضاوي للغلا .. والسلومي
سلم المحبة ما يتقنه غير .... محروم
اللي قضى عمره معاهن ..... يسومي
ذاك الذي يفهم وش قيمة ..... السوم

شموخ رجل

08-09-17, 03:11 PM

القصيدة جزله
فالك التوفيق

القارظ العنزي

08-09-17, 03:13 PM

الجزالة في مرورك 7up