((يلعنك يا تويتر ويلعنك يالفيس))

[القارظ العنزي]

يلعنك يا تويتر ويلعنك ............. يالفيس
يا لعن ابوكم ما وديتوا ............... اشارة
قصايدي راحت ومن عبركم ......... خيس
وانا احسب انه وقعت .............. بالأمارة
لو صحت انا بعيال وايل ........... وفريس
باملوكها باحرارها ................... والوزارة
تجابوا في دحة تجلب ............... العيس
يفرح بهم من يشتكي من ......... الخسارة
ولو صحت انا بجدودنا طي مع ..... قيس
تفجرت اقبورهم في .................. حرارة
ولو صحت انا في خندف ما يقعد . ابليس
عاف الجزيرة وراح يبني ............. عمارة
ولو صحت انا بالبايدة طسم ..... وجديس
تصالحوا ثم اقبلوا في ................. نمارة
ولو صحت انا في جيش تبع ..... وبلقيس
الكل منهم جاك وينفض .............. اغباره
ولو صحت انا باللي يسمونه ........ الهيس
تنظيم داعش يمكن جتني .......... اخبارة
ضيعتني يالفيس وياتويتر .......... التيس
وانا احسب ان العلم فيكم ........... شرارة
ما باقي الا اصيح يا ويس ........ يا ويس
يمكن تجاوب مع ظروفي ............ وزارة

القارظ العنزي

[نجم ضاوي]

توتر هايف .. واهيف منه الفيس
المشاركه فيهم .. عز الله خساره

عديمين الفايده . . مثل أم عويس
لا تحسب إن فيهم فايده او تجاره

افعالهم يا صاحبي .. كلها . هيس
ترفع عندك الظعط وتزيد الحراره

صح لسانك وسلم نبض قلمك وبنانك ...

[القارظ العنزي]

يا مرحبا بك يالوفي هادي العيس
يا شوق بنت كل ابوها ...... نظارة
الفيس يخفف من كثير الهواجيس
وتويتر الملعون ما به ........ نمارة
نبي نمضيها بينهم .... والكراريس
ونكتب من القيفان وننشر . عبارة
عسى الفرج ياتي باتويتر . التيس
والا بعض الفيسات ترسل . اشارة

[ماجده العتيبي]

صح لسانك يابن وايل

بانتظار جديدك 💐

لاعدمناك

[القارظ العنزي]

هلا بك يا بنت الهيلا عسى الله يجملنا معاك ، اشكرك على مرورك .

[ماضي الماضي]

اليوم بسميك

صاحب القلم الذي لايتوقف


لعل تسميتي لك بهذا اللقب ان يلقى ترحيب من سموك

صح لسانك واعتلى شانك

دمت بود
تحياتي شاعرنا الموقر

[القارظ العنزي]

لولا هاجوسي يا بو ماضي توقفت
هم فرغوني واشغلوني ..... بحالي
هم غربوا بي وانا منهم ..... تغربت
وابا امضيها والقوافي ....... تسالي

اشكرك ماضي الماضي على طيبتك المعهودة ووفاءك الذي لا ينضب ولا يغيض واحساسك الرجولي الشريف .

[الصولجان]

-


هههههههههههه ماشاء الله عليكم ..!


خلني اقرا بعدها ارد لا انت ولا نجم


ماشاء الله


:MonTaseR_197:

[القارظ العنزي]

حياك الله يالصولجان شرفني مرورك وردودك العذبة .