عتيم الإنسان

[هايم]

..

هذي رديه بيني وبين عتيم ..


عتيم .. هو رجل لا تربطني به علاقة دم

ولكني عتبره اخ وإبن عم وزميل .. وقدوه ..


والله ما اقولها نفاق


مرت علي ضروف قبل فتره ليست بالبعيده .. ضروف صعبه ماديه وغير ماديه ... ولم يخطر ببالي إلا هذا الرجل الشهم ..

اتصلت فيه ..

وما كان منه إلا ان قال : إحتزم وابشر بعزك

طبعا الموقف لم يكن بسيط .. وايضا المبلغ لم يكن بسيط

وحقيقه في خلال يومين .. انتهت كل تلك الضروف

ويشهد الله إني بكيت امام هذه الوقفه الصادقه منه ..


فأرسلت له هذه الأبيات المتواضعه .. من باب الشكر .. والإستحقاق

وانا اعلم بأنه سيزعل مني وبشده .. لأني ذكرت هذه القصه هنا وامام الجميع ..

ولكن وش اسوي


هنا ابياتي .. وبعدها رد عتيم
..
...

انا كريم وصاحب للكريمين
ماني خوي اللي شحوحه يمينه
..
نخيت من يسوى بعيني ملايين
من تقطع اشكوك الدهر يا يقينه
..
رجل يسوق الرجل لو حده البين
اللي على نهج الكرم خابرينه
..
من طيب راسه ما يعيب الوفيين
اهل المواقف والعلوم السمينه
..
واللي يحسب انها مبلا دواوين
قله عساك تذوق طعم الغبينه
..
خوة نقا تقضي لزومك مع الدين
ماهي مخوة جالبين الضغينه
..
والموت لاشفت الفتى قاصر يدين
وألى كبر ما بر في والدينه
..
تحس في دنياك شبر وشبرين
ويضيق بك حتى البحر منكبينه
..
وإلا ابن عمك لا تردى على وين
مالك مصده لو فعايله شينه
..


وهنا الرد من ( عتيم )

..

لي صاحبن لا قلت ما قال بعدين
لي شان وجهك يالزمن ذاخرينه
..
من طيب راسه ما يعقد الحجاجين
ولا تردى لو ذراعه يعينه
..
ما هو بخيل ولا يحب البخلين
ولا يغل من الكرم راحتينه
..
كريم وليا مد مداته تعين
من قصرت سود الليالي يمينه
..
نزيه واصفى من مياه الفراتين
ولا يشيح من الحيا ناظرينه
..
ولا يداني من تعامل بوجهين
ولا يداهن مدعين السكينه
..
جتني قوافيه وانا خاطري شين
اداري الونه واداري حنينه
..
الشاعر اللي يقسم الصف صفين
شبحه سما لو كان برض المدينه
..
والموقف اللي صار لا تذكره لين
ينقال لك بن صاحبك دافنينه

...


قلم .. هايم .. عتيم


..

[مرجانة]

جميل أن يجد المرء في مثل هذا الوقت شخص بهذه الشهامة

صح لسانك
و صح لسان عتيم

[آسيرة حرف]

الفاضل / هايم

مرحبا من بعد طول غياب
الله يديم اخرتكم وصداقتكم وتواصلكم يارب
دنيا واخره
والله لايفرقكم اجمعين



..
نخيت من يسوى بعيني ملايين
من تقطع اشكوك الدهر يا يقينه

صح لسانك
وبما ان مقامه بالعين يفوق الملايين
فقد اخوته لايضاهي قدر ابداً
واضح معزتكم لبعض

هناك من لا نستغني عنهم في حياتنا
ليست رابطة الدم التي تحكم ولكن الاهم
رابطه تكونت من خيث لانعلم


..
نزيه واصفى من مياه الفراتين
ولا يشيح من الحيا ناظرينه


الفاضل / عتيم
صح لسانك

راق لي التشبيه هنا
بذات اصفى من الماء
تشبيه جداً بليغ

انا برسل لصحباتي ابيهم يكتبون لي هاكا :MonTaseR_115:

تقبل ردي وعبق وردي مع خالص احترامي لسموك
آسيرة حرف

[شموخ رجل]

مااشاء الله ربي يديم المحبه بينكم
صح لسانك ولسانه وعساك علي القوه

[هايم]

..

جعل عيني ما تبكيكم كلكم ياللي مريتوا

ولا هنتوا

..

بس انتمى من أي إداري عنده الصلاحيه يحذف الموضوع يحذفه

هذا رجاء .. اتمنى ما تفشلوني

انا بغيت ارسل للإداره او اي احد .. يحذف الموضوع .. بس ما قدرت ارسل .. الظاهر المشكله في جوالي

. :MonTaseR_203::MonTaseR_203:

[مرجانة]

ما راح ينحذف

[هايم]

...


لا يا مرجانه ضروري :MonTaseR_11::MonTaseR_11:

لحاجه في نفسي ما ودي اقولها ..

لأن فيه زعل وكذا .. يعني لازم ينحذف


..

[هايم]

..

بعدين .. ما اعتقد ان الموضوع اذا انحذف بيضر المنتدى

او على الاقل لا يحذفوه .. بس يحرروا الموضوع .. يعني يتركوا الصفحه فاضيه

..

[هايم]

..

خلاص انا ارسلت للدعم الفني يحذفه .. رسالة زوار .. الرسايل الخاصه عندي فيها مشكله .. ومدير المنتدى مقفل رسائل الزوار وإلا كان ارسلت له

[هايم]

..

فيه شي اسمه تحرير الموضوع .. ما قلت لازم تحذفوه .. بس تقدروا تحررو الموضوع .. يعني اخذفوا المحتوى ..

لا تقولوا ماهي من صلاحياتكم .. انتي يا اسيره .. ونجم ضاوي

اعتبروه موضوع مخالف


انتوا من اول حررتوا اكثر من موضوع

..:MonTaseR_222::MonTaseR_222:

[مرجانة]

انت نشبه ههههههه

خل نقلب الموضوع سوالف و يحررونه هههههه

[آسيرة حرف]

..

فيه شي اسمه تحرير الموضوع .. ما قلت لازم تحذفوه .. بس تقدروا تحررو الموضوع .. يعني اخذفوا المحتوى ..

لا تقولوا ماهي من صلاحياتكم .. انتي يا اسيره .. ونجم ضاوي

اعتبروه موضوع مخالف


انتوا من اول حررتوا اكثر من موضوع

..:MonTaseR_222::MonTaseR_222:

:bnat30:
اشبك يا هايم الموضوع مزين والله انا قدني غيرانه منكم وجالسه اخاصم صحباتي

وترا لوني الكحلي بويا فقط مجرد لون
انا وانت هنا في الهواء سوا مابيدي شيء ابد:MonTaseR_187:

الموضوع حتى لو سولفنا راح يغلق ولكن لن يتم تحريره :wallbash: كلامي مو لاني اعارض ماتريد ابداً
بس لان سبق مريت ع موقف مشابه لك ولم يمنح استجابه
في التحرير او الحذف

:bnat30: انا لو اني شاعره وحذفو ردي كان سمعت بهم العالم
وانتم هاكا تكتبون وتحذفونه :MonTaseR_187: الله يالزمن


ابااااااااااااو صادق انت
انا حررت اكثر من موضوع
متى هالكلام

:MonTaseR_115: يتم تحرير الردود ام صلب الموضوع لايمكن :MonTaseR_115:

وانا لاذي ولاذي انا تدري وش صلاحياتي بعد الرد
اسجل دخول واسجل خروجي

قال احرر مواضيع قال :MonTaseR_115:

[هايم]

هههههههههه


بس انا ما سبق وطلبت من احد يحذف لي موضوع

هذي اول مره


..

[هايم]

انت نشبه ههههههه

خل نقلب الموضوع سوالف و يحررونه هههههه

هههههه


باقي ما شفتي شي .. فيني بكيه

يعني لو قلبناها سواليف بيحذفونه
..

ما عندي مشكله لو اقلبها قرقره

يعني قر قر

:MonTaseR_213::MonTaseR_213:

[هايم]

..

اسيره .. اكيد الموضوع ما يستاهل ينحذف او يتحرر

بس لازم ضروري :eiwp::eiwp:


..

[آسيرة حرف]

..

اسيره .. اكيد الموضوع ما يستاهل ينحذف او يتحرر

بس لازم ضروري :eiwp::eiwp:


..

اكيدين وربي مايستاهل مره يجنن الموضوع الابيات جميله

بحكي لك قصة في يوم من الايام احد الاعضاء طالب بحذف موضوع
تخيل وش صار !!
يمديك تتخيل
جينا شفنا الموضوع في اعلى المنتدى
يعني بالمختصر حصلنا تنبيه في الهيدر بالموضوع فانتبه له الجميع وشارك به
وبدل مايحذف الموضوع اخذ شهره عبر مواقع التواصل الاجتماعي
اذا استمريت في طلب الحذف
راح تجي تحصله فوق
:MonTaseR_122:

وراح يصير اشهر موضوع عبر نطاق قوقل
عاد شلون لو يجيك برساله واتساب :MonTaseR_155: