((قلها صريحة لا تزيد المصيبة))

[القارظ العنزي]

البعد ما هو بعدنا ....... والمسافات
البعد بعد قلوبنا ............ يالحبيبة
الياصار قلبي ما له عندك . محطات
قلي واقسم لي قلبنا وش ... تبي به
من جفوتك بانت علوم ... وعلامات
والنفس من كثر الجفا .... مستريبة
انا صريح ولا اقبل اليوم خذ . هات
أما الوصل والا انتوادع ...... بطيبة
وشلون تنسى ما مضى مني وفات
وانا الوفاء والصدق ومنبع ... قليبه
بذلت لك جدي وجهدي مع .. الذات
ودفعت لك باقي حياتي .... ضريبة
وعند النهاية بعتني ..... بالخسارات
وهذي عجيبة منكم والله ... عجيبة
ان كان هذي رغبتك ...... والنهايات
الله يسهل دربكم ........... يالنجيبة
وحنا ترانا ما نبيعك ........... بزلات
نغفر ذنوب ونعترف ......... بالغليبة
اهم ما عندي صدقكم .... بالمودات
قلها صريحة لا تزيد ........ المصيبة

القارظ العنزي

[ماضي الماضي]

بذلت لك جدي وجهدي مع .. الذات
ودفعت لك باقي حياتي .... ضريبة

صح لسانك شاعرنا ابو سلمان

دايمن مبدع بما تقدم

دمت بود

تحياتي لك

[القارظ العنزي]

صحة أبدانك ابو ماضي لا عدمتك

[نيرڤانا]

بذلت لك جدي وجهدي مع .. الذات
ودفعت لك باقي حياتي .... ضريبة


أيجوز شرعًا دفع ضريبة في عُرف المشاعر؟
لله درك يالقارظ العنزي
اسقيتني شعرٍ من مزن الشعور .
لله درك وصح لسانك واحساسك




•

[القارظ العنزي]

نعم يجوز شرعا في عرف المشاعر يا سيدتي المبجلة نيرفانا ان ندفع حياتنا ضريبة لمن يستحقها وذلك فقط عندما تلتقي الارواح بالوفاء لتلك المشاعر الجياشة المعطاءة ، أشكرك على ذوقك الراقي حفظك الباري .

[القارظ العنزي]

ترى جديدي ما هو ما كان .. يالقرم
القاف ما هو القاف ولا ناسي الناس
حنا غدينا كالشجر يابس .... الجرم
واللي يريد الجرم ما يملك . الفاس
انت العزاء في طلة تجلي.... الظلم
يكفيني انك تكتب الرد .. باحساس

لا عدمناك اوراق منسية