المساعد الشخصي الرقمي

مشاهدة النسخة كاملة : ((غاب الصديق وعز فعل الرجولة))


القارظ العنزي
08-14-17, 11:58 PM
سر يا قلم واكتب من الحرف . قيفان
وسطر على بيض الورق ..... ما نقوله
وارسم بحرف القاف صورة . وعنوان
يم الصديق الا انتحرى ........ وصوله
الياغاب عن عيني له القلب .... ولهان
والياحضر النفس ترتاح .......... حوله
يا قافي الياجيته صافح ....... بليهان
صافح عريب الجد عم ......... وخولة
وان نشدك عني ترى البال ..... حيران
تعاقب الونات بنفس ........... خجولة
والبارحة نومي ما من نوم ... يا فلان
غاب الصديق وعز فعل ....... الرجولة
مضيت ليلي بالتفاكير........... سهران
والنوم عيني موقها ........... ما ينوله
مثل السجين اللي على يدين . سجان
شد الكلبشة والرجلين ......... معقولة
يسوقه الشرطي مع الفين ....... ديان
والكل منهم وده يكسب ......... ذلولة
وش عاد لو عندك من الوقت . ما كان
ما ينفعك والجيب ما به ....... سيولة
تبقى حبيس البيت وحرمة .. وبزران
وبلاك من اللي جاك وينقل .... نعوله
توه صغير ولا بعد ينطق ....... السان
مير انت تفهم اللي وده ......... يقوله
وده تزمه وترفعه فوق ........ الامتان
ويبيك تاخذ به على السوق .... جولة
وياويلك ولو قلت ماقدر ...... وتعبان
والنفس مالك نفس ونفسك ... زعولة
يجيك من ضرب الغلا بكف ... زعلان
ولا شفت انا اشقى من شقاوة طفولة
الورع ورع وسالي وسط ...... ورعان
مير البلا نفس تهوم ............ مهبولة
تبي لها درب مسكر .............. ابيبان
درب صعيب ومحكمات ........ قفوله
وكم خير جته المنية ......... كحيلان
يموت واللي بخاطره ....... ما يطوله
ولولا الجزع ما صار بالناس .. فرسان
ولولا الفقر ما شفت ولد ..... الحمولة
الناس مثل الناس ترجع ...... للانسان
مير الرجل بالطيب تفرق ....... فعوله
كم واحد يعجبك بزوله ......... وفنان
يعجبك بالمنطوق وهندام ........ زوله
واليابخنته بالعرب صار ......... كوبان
نصيحتي لا يقرب نزلك .......... نزوله

من قديم القارظ العنزي

نجم ضاوي
08-15-17, 04:14 AM
ابشر بعزك .. وانا ولد . سلمان
قول وفعل . . وابن . . الحموله

اقولها من عقل .. وقلب . صنيان
ولا قلت قول . . يا القارظ اطوله

انا الصديق اللي لا هدتك الازمان
جبل ما يهزني ريح . يفزعك زوله

حزت الجد . . تلقاني .. رص بنيان
صادق القول . . وفي عز ورجوله

ماني كما اللي .. بتعامله . تعبان
لا قام .. وتكلم . . يعجبك .. قوله

يا شارح ن وضعك . وحالك بقيفان
وضعك عرفته .. وراعني . . هوله

توكل على ربك . رحيم ن ورحمان
وخلك من الهرج . . وعلوم منقوله

واترك كلام اللي يسرح مع الورعان
لا يؤخذ .. بهرجه .. ولا حد . حوله

ارمي همك على الضاوي ولد سلمان
وشوف علوم القبايل وفعل الرجوله

القارظ العنزي
08-15-17, 06:31 AM
كفو يا بو ضاوي يا كحيلان
عساك ودايم على ..... القوة
يالعامري فعلك مبطي .. بان
ما هو جديد ن ولا ....... توه
واللي يبينا ذاك ...... الميدان
ان جابها بخير .... وفي سوة
بالشر ما يكسب .... الشيطان
وبالخير حنا اهل ...... الخوة
الله يديمك لنا يا ........ فلان
يديمك بالعز .......... وبالقوة
ادري بك حر وحش . شيهان
عند اللوازم بك ......... مروة
للمرجلة دايم .......... عنوان
مثل المطر يسبقه ....... نوه
يفرح به من البشر . عطشان
والا فقير فقد ........... جوه

نجم ضاوي
08-15-17, 03:40 PM
ما عليك زود .. يا ذيب .. سرحان
واللي فراسك . تبي تسويه سوه

تلقاني سند .. ثقل جبل .. حسان
راسي وشامخ .. في عز ن وقوه

الا يا التغلبي .. يالعاشق الولهان
ياللي كل العرب تلفي على ضوه

يا مروض الشعر وتطيعك القيفان
يا ذيب القوافي .. ونعم . الاخوه

يا معز الخوي . . ومكرم الضيفان
يا كريم الاصل . ومن اهل المروه

مقامك عندنا بالقلب ووسط الاعيان
واللي فراسك . . تبي تسويه سوه

القارظ العنزي
08-15-17, 04:00 PM
غلبتني ابيتك الاول وله ........... شان
بيت جميل وحط بالقلب .......... هوة
اي والله انا احب والحب ....... عنوان
واللي ما عاش الحب ما به ..... مروة
العشق عشق القلب واحساس الانسان
واللي فقدهن احذر تدخل ...... بجوه
حيثه بليد احساس وفاطس وخربان
ما ينفعه اصلاحه مبطي ......... وتوه
التغلبي ياسيدي دوم ............طربان
مع قافك اللي يشعل الحب ..... ضوه
نعم الخوي يالعامري ودم ..... جيزان
انت الشرف كله ورمزه ......... وخوه
اعجبتني في ردك يا تل ....... حسان
وقولك اللي تبي تسويه .......... سوه

نجم ضاوي
08-15-17, 06:09 PM
من حقك تحب . ومن حقي النصحان
ولي عليك يا القارظ .. حق . الاخوه

حب بالقلب .. وخل العقل في اتزان
واحذر لا تعطي اسرار القلب لعدوه

الحب ماهو عيب يا مسلسل القيفان
الحب .. صدق ووفا . وطيب ومروه

اما انا في شان . . والحب في شان
الحب ان ماقسمه الله مايجيك بالقوه

انا . . احب الفن . . شاعر . . وفنان
والقلب اخضر .. بعد ما عاش . جوه

ما عرف درب المها ولا شاف غزلان
بعده . غشيم توه بدا في الحب توه

ماضي الماضي
08-15-17, 07:03 PM
صح لسانك الجميع


قصايد فوق المستوى

تحياتي

القارظ العنزي
08-17-17, 07:43 AM
نصيحتك على الراس والعين يا فلان
واحطها بالقلب والروح .......... جوة
واحطها ابرواز معلق ......... بجدران
وجدران قلبي تنتعش مع ..... سموه

القارظ العنزي
08-17-17, 07:44 AM
صح بدنك يابو ماضي ولا عليك زود وكله من ذوقك


SEO by vBSEO 3.6.1