المساعد الشخصي الرقمي

مشاهدة النسخة كاملة : ((قل له ترى القارظ لو اصله من الطين))


القارظ العنزي
08-15-17, 09:29 AM
البارحة والليل وشلة ....... شياطين
قمنا على ذرب القوافي ......... نشله
جوني ودحوا دحة تطرب ..... العين
تشفي غليل اللي وقع له ......... بعلة
من هرجة الخايب احس .. بسكاكين
احسها وسط الحنايا ............. تخله
والا كما سيف شطير .......... بحدين
السيف ابو حدين يذبح ......... بسله
يا قافي يا قاف الشقى هب هالحين
عجل علينا لا تجي ............ بالمذلة
سر يا قلم واكتب من القاف .. بيتين
للي رمى شين الحروف ...... بسجله
قله ترى معه من الوقت ...... يومين
اما يجي والا نجي له ............ وقله
قله ترى القارظ لو اصله من .. الطين
نار تلظى بالعدو ثم ............... تمله
والله لو ربي ما نزل ........ لنا الدين
عبدت انا المبدأ بدقه ........... وجله
اركع له واسجد له واكبر له ... اثنين
الهي اللي بالمراجل .............. نجله
والا مثلك نوعك يمر ....... الكثيرين
ما قالوا الاجواد كنا .............. بظله

القارظ العنزي

مسكك الغلا
08-15-17, 11:34 AM
قصيده جزله
صح لسانك واعتلا شانك
يعطيك العافيه

القارظ العنزي
08-15-17, 12:08 PM
الجزالة كلها يالغالية تكمن في مرورك العطر لا عدمتك أخت وأبنة أخ وافي يالوافية مسك الغلا .

نجم ضاوي
08-16-17, 12:02 AM
سطرت لك . من خاطري يا الغلا بيتين
اشرح لك الخاطر واللي به مليون عله

اعجبني .. من سطور القصيد . قافين
كل قاف ن بالوزن .. وضعته .. بمحله

كل ابونا بشر . والله خلقنا من الطين
والله عطانا العقل ودرب الشهامه ندله

ترى اللسان .. سيف يا القارظ بحدين
ان صنته صانك .. من الاذى . والمذله

لا تلتفت يا اخوك .. لصغار . الثعابين
وشراعك . . في بحر الكرم فكه وفله

خابرك عاقل . . وتمشي .. بالقوانين
واللي سفيه يا صاحبي جنب عنه وخله

القارظ العنزي
09-10-17, 08:16 PM
نصيحتك يالضاوي على الراس والعين
وعلى ما قلت اليوم خله ......... وخله
ابشر وانا حاضر من اول .... وهالحين
اسمع كلامك يا بعد كل ............. علة
وانا تراني احب الخير ........... واللين
لكن بلاي ابليس وناس ............. تتله

ماضي الماضي
09-10-17, 09:57 PM
صح لسانكم جميع

دايمن تذهلونا بما تقدمون من ابداع

لله دركم

تحياتي لكم

القارظ العنزي
09-10-17, 10:41 PM
صح بدنك يا بو ماضي لا عدمتك


SEO by vBSEO 3.6.1