قسم بالله مااخونك.. مدامك حيل تغليني"

[انثى البياض]

يضيق الصدر.. لاشفتك.. حبيبي تمسح دموعك
ترى مااقوى على حزنك.. لك الله لاتبكّيني



حبيبي للفرح دايم.. ابيك اتوّقد شموعك
وابا زورك.. وابفرح به.. لو انه مايدانيني



وش اللي صار باحوالك.. طلبتك قول موضوعك
ألى هالحد تغليني.. وماودك تعنيّني



تعال وشوفها احزانك.. بَنَت في روحي افروعك
هدمت افراح من شانك.. وماتن بي بساتيني



حرام ارتاح في نومي.. إذا ماارتحت بهجوعك
قسم بالله مااخونك.. مدامك حيل تغليني



تراك النور لعيوني ..طلبتك جود بطلوعك
أنا المجنونة والتايه.. وليل الهم معميني


ومدامك مكسف وذابل ..وزايد ياسك وروعك
أنا لامن دخلت الويل ضايع.. من يقدّيني؟!



وليل من الفرح يبكي ..يبيك اتجود برجوعك
وهمّاً ياتلف حالي.. كفر بي.. لاعباً فيني



حبيبي وش تبي قلي.. أنا كلي رهن طوعك
علامك يابعد عمري.. حزين وماتحاكيني



تعال وخذ من اشعاري.. تسّلا عطني سموعك
وإذا ماجاز لك شعري.. حرام تخطه يديني



تبي قلبي ترى جالك.. رحل لك ..داخل ضلوعك
تبي روحي ..تبي فرحي.. تبي مالي.. تبي عيني



حبيبي جيتك بدمعي.. وودي تمسح ادموعك
أنا غصّتني العبره.. دخيلك لاتبّكيني..!

:x124:

[e7sas_sha3er]

ماأجمل تلك المشاعر التي
يخطها لنا القلم ..
أبيات قمة في الجمال

[ماضي الماضي]

صح لسان شاعرها

قصيدة جميله جدا

تحياتي

[انثى البياض]

انرتو:خجول:

[فراشة كريستالية]

:0741: قصيدة جميــــلة و
تسلم يمينك على الاختيار الجميل

[صفاء]

يعْطِيك العافيه لطَرحك الرَّآَقي
فَلَكْ مزيد من الشُّكر ..
بإنتظآر جَديدككْ بكل شَوقْ
تَقْدِيري لسُمُوكْ

[اميرالرووح]

ساكتفى بالمرور على صفحتك
دون رد او تعقيب فربما تكون شهادتي مجروحه
تقبل منى اجمل تحيه واجمل تقدير .