((نعم المليك اللي خواله سدارى))

[القارظ العنزي]

يا حسرتي على العرب حالهم ... دون
زمانهم ذاك القديم ............ استدارا
ولا فيهم اللي ينقذ الناس .... بالعون
غير المليك اللي خواله ....... سدارى
عطوه الراية ويلكم ......... لا تنامون
يا ويلكم ما غيره والله ........ اخيارا
سلمان الحزم وحكمه واضح وله لون
له بصمته مثل القمر .......... والنهارا
فعله تبين يم الحوثي ...... ومجنون
ولد عفاش اللي يخون ........ الديارا
قرا عليهم سورة الحمد ....... والنون
وتصرعوا مع المجوس ..... ... بمغارا
وان ما رفعكم للسماء .... لا تطيحون
ارموا كلامي والعلوم ........... الكبارا
هو نصركم هو عزكم لا ....... تتيهون
اخر نصيحة قلتها ............... للغيارا
والا يجيكم فاسد الدين ....... مفتون
بنهج اليهود الخاينة ........ والنصارى
الباطني اللي منهجه دين .... صهيون
اول ما يذبح عجزكم ........ والصغارا
عينه على الكعبة وزمزم ..... ومامون
نبينا اللي بالمدينة .............. امجارا
واعيدها واكرر قولي .......... ومليون
نعم المليك اللي خواله ......... سدارى

القارظ العنزي

[ماضي الماضي]

واعيدها واكرر قولي .......... ومليون
نعم المليك اللي خواله ......... سدارى

والله ونعم في ملكنا وخواله

ونعم بعد فيك ياراعي القصيد الجزل

ارفع لك عقالي على مثل هذا الابداع


وفقك الله لمى يحب ويرضى

ويردك الى ديارك سالم غانم

تحياتي بو سلمان

[القارظ العنزي]

الله يرفع مقدارك يا بو ماضي ويعلي شأنك . انت والله جمهوري بهالمسك . كنت معتمد على ابو ضاوي ، والرجال غير مذهبه حنفي ههههههههه

[ماضي الماضي]

ههههههههههه

افا عليك يابو سلمان

ابد انا اتشرف اكون من جمهورك

وقصيدك الرائع يجبر الواحد يرد ويعلق

تحياتي

[القارظ العنزي]

الله يجبر بخاطرك يا بو ماضي ، كفو والله ومثلك ما تفوته لاهنت

[نجم ضاوي]

تمون .. على نجم .. يا القارظ تمون
ياشاعر .. ومتعب .. قلوب العذارى

الله يصبرني .. وكان لي في العون
الصبر يا اخوك . . دايم لي شعارى

الله يا الدنيا صرت انا اليوم شارون
واني انا اليوم .. غيرت . المسارى

لي ظرف .. يا القارظ . يهد المتون
وانت فيني يامحزمي تحط العذارى

قلبي اليوم صار من كلمتك محزون
ليتك تحس من كلمتك ذقت المرارى


.. صح لسانك وسلم نيض قلمك وبنانك ...
ما قصرت كفيت ووفيت وفالك البيرق ...

لا خلا ولا عدم ...

[القارظ العنزي]

العذارى والعذارى شلوا قلبك ............. يالمفتون
وروحوا بك روحوا بك درب الساحل ... من يسارا
شلوا قلبك روحوا به وانا قاعد ......... كالمحزون
انتظر متى ترجع لي وانشد واسأل .... ما الخبارا
ولا وحدة طالعت بي كله منك .......... يالمجنون
ولا بيضاء رضيت بيه ولا رضين بي .... السمارى
:قلبك ازرق ما هو ابيض بعتني من اجل ميسون
بكرة تمشي هي وتكبك وتقولك شايب ..... كبارا
وش عاد ينفع لو ترجع لي وتقولي والله واتمون
مثلك غير مذهب له واصبح من مذهب . نصارى
خلك في مذهب حنيفة ارحمك لك تاكل . زيتون
وتشرب سوبي بالخضرية وابو حنيفة لك ... زارا
وانا اتحنبل اريح لي ما لي في مذهب ... ذالنون
حنا لنا شريعتنا ياللي تنسون .............. الجوارا
يا بو ضاوي يا حبيبي العن ابليس ....... الملعون
ارجع يمي تب لربك بلاش تلعب ......... بالمهارا

[احلام عابره]

الله الله
صح لسانك يالقارض العنزي
مدد بلا عدد
قصيده جزله
وصح لسان
ابوماضي
وابو ضاوي
اجزلو بالردود

وانا من اليوم اعتبرني من جمهورك

تحية الود

[القارظ العنزي]

احلام عابرة صح خفوقك ، والله كفو واتشرف بك ، فقط احذر من ابو ضاوي سارق القلوب والأفءدة ، كم من جماهير كانت تنتظر على مدرجي ، سرقهم من عندي ما خاف من ربه وهو من جيران مكة ، وأحيانا يجاور بالبيت العتيق لأيام طوال ، لكنه كدين الاندنوسيين دينهم فقط بالمسجد ، فالحذر الحذر والا سحرك ساحر الملك فرعون ، كذلك له وزير اسمه هامان هذا هو رءيس السحرة ووكيله عليهم ، الله يحفظك من ابو ضاوي وسحره يا رب . أعيد واشكر مرة اخرى على تعطير متصفحي احترامي .

[احلام عابره]

ههههههههههههه
اضحك الله سنك
ماتخاف علي كل يوم قبل ادخل المنتدى رح احصن حالي
بآية الكرسي والمعوذات
وابو ضاوي هاد ماعليك منه مايقدر علي
هو يخاف على حاله وبس
والله يشرفني انك قبلتني ظمن جمهورك

تحية الود

[القارظ العنزي]

هو بقى لي جمهور اصلا . ما عندي الا أنت وفرحان فيك
لكن قلبي على يدي من الخوف . آسف قصدي يدي على قلبي . والله بديت اتلخبط انت ما تعرف قوة سحره ، هذا عنده سحر اسمه الأكحل ، ما يوجد مثله الا بالمغرب العربي ، لكن آيت الكرسي وحية موسى تنفع باذن الله تعالى فتحصن جيدا والله هو الحافظ .

[احلام عابره]

وش رايك انا بسحرلك اياه
وبرجعه لجمهورك بالغصب
ههههههههه
الله يبعدنا عن السحر والسحره ويبعدهم عنا
ولا يهمك انا بصفك ضد مين ماكان

[وهج]

صح لسانك شاعرنا
دمت متألقًا
تقديري

[القارظ العنزي]

كفو احلام عابرة ، فقط ركز على كبيرهم الذي علمهم السحر لاهنت .

[القارظ العنزي]

تدوم يا وهج وصح خفوقك

[نجم ضاوي]

فاصخ انت مجنون والله يعذر المجنون
وشلون ما اعذر مجنون الاطبا به حيارا

الله يكون لأبو ماضي منك في العون
لا بد يا القارظ ضروري تراجع شهارا

القلب من وضعك المزري صار محزون
شايب وعايب كل يوم وانت في ديارا

ماهو بحنا الذي ننسى انتم الذي تنسون
اصول الاخوه . وكيف تصون الجوارى

تقدر تقول يا الذكي وش دين ذا النون
ماهو رسول ارسله الله بدين النصارى

عز الله . رسمي صرت عندنا مجنون
او . . مريض وصايبك يا الخوي زارا

[القارظ العنزي]

ردك ذبحني وحطم ضلوع ... ومتون
من قسوته اظلم علي .......... النهارا
وين الحنان اللي تكنا لنا ....... وعون
وين الوفاء يا سيدي ........ والجوارا
ابكيتني وابكيت قلبي مع .... عيون
وصرنا مع اللي ينحبون ...... وسهارا
وخليتني عقب العقل لون ... مجنون
مع الخلايق اللي تسكن ....... اشهارا
وذا النون اللي في نينوى ذاك ذالنون
الدين مسلم ما هو دين ..... النصارى
الاصل واحد والشريعة .... يختلفون
لو ينبعث يتبع للشرعي ....... اجبارا
انت خبير بالغزل دوم ......... مفتون
والدين يمي خبرته .......... والخبارا
تبقى اخويه وامرك ملزم لي . وتمون
اطلب عيوني لو تبيها ............ تبارا
وش خانة الدنيا بلياك ........ يالعون
شايب وعايب ما لي غيرك ..... منارا

[نجم ضاوي]

عيوني .. من فقدتك . يا الغلا يبكون
مدري وش علومك . في ذيك الديارا

لك وحشة ن ماهي لمثلك بذا الكون
اقضي الليل عيوني من اجلك سهارا

ليت الخلايق .. عني اليوم .. يدرون
اني في بعدك منكوي يا القارظ بنارا

عيون الناس ترقد وعيوني يسهرون
من ضيقتي يا اخوك العين تقدح شرارا

صابني في القلب . سهم عين مزيون
جوهر ن مكنون في وسط شبه المحارا

اصبحت في عشقها يا محزمي مجنون
لا .. ليلي ليل .. ولا .. نهاري .. نهارا

مانفعني بحبها راقي ولا سحر مدفون
باقي علي العقل تكه . واوصل شهارا

يا معضدي ويامحزمي . العون العون
حياتي عقبها . . يا السند صارت دمارا

[القارظ العنزي]

قلبي مثل قلبك مع اللي ... ينوحون
كني الشيعي يلطم وسط .... المزارا
اللي يعوشر بالنجف تقل ... مجنون
واللي عاشوره بكربلاء ... واستطارا
عقلي غدا به من الهوى . كل مزيون
غدن به اللي يرضعن ........ ومهارا
وغديت انا من طردها بهم واحزون
العين تبكي مع دموع ........... تبارا
ليتك تمر وتشوفني حالتي .... دون
كني صريع ومندفن .......... بالغبارا
ان كان خلك ما يتواصل ..... تلفون
اقعد له وسط السوق بنصف النهارا
وخذ حبة من خدها ... لو يصيحون
ومرر شفاهك للشفاة ......... الدمارا
وان لبسك من ريشة الراس قلسون
احذر من اللي شفته ....... به حمارا
اخشى عليك من العجايز . يشوفون
باقي الجريمة على ثوبك ..... تمارا
خل حبتك في خدها وخشم وعيون
يكفيك ولا تعدا ذاك ........... العيارا

[احلام عابره]

له يانجم شلون تتهم استاذنا بالجنون
مايصير هاذ القارض العنزي سيد العاقلين
واستاذ الشعراء

لزوم تعتذر منه

[احلام عابره]

ولا يهم يالقارض لا تبكي يابعد كبدي
انا بصفك ضد هالضاوي على طول:ورد:

[القارظ العنزي]

الله يحفظك يا بعد حي احلام عابرة ، الضاوي قد تمكن سحره من قلبي وعقلي وروحي ، بل أصبحت انا أحد مريديه وهو مقدسي ، فكيف الشيخ يعتذر من مريده . بل رضاه عنا وعفوه واغتفاره لذنبي تجاه يكفيني ويجنبني ناره ، ويدخلني جنته ، جنة جيزان الفردوسية لاهنت يا احلام عابرة .

[نجم ضاوي]

هذي سوات . شاب طايش ومجنون
اما انا شايب .. ويكسيني . الوقارا

صحيح اني في حبها مغرم ومفتون
والعقل من ودها يابو سلمان طارا

اسمي صار .. مع اسمها .. مقرون
حنطي اللون . . لا ابيض ولا سمارا

احلام ضاقت .. يوم قلت لك مجنون
وطالبتني لك . . بالاسف والإعتذارا

ابشري بالسعد والقارظ علي يمون
بس يا اخيه . ابو سلمان غير مسارا

كل العذارى .. من مذهبه . يشكون
حب المها عنده . . والمغازل شعارا

وانا اعرفه زين .. متهور . ومجنون
من يوم ترك قريته .. وكب .. الديارا

[القارظ العنزي]

طالبتني بالعون وقدمت .... انا العون
وخليتني طايش سفيه ........ المسارا
لا عاد تنشدني عن خضاب ... وعيون
ولا عاد تشكي لي بنات ....... الديارا
العشق يحتاج لشباب ........ يضحون
ما ينفع فيه العود وراع ........ الوقارا
خلك على دينك وما لك . .... بمزيون
ليلك صلاة الليل وصوم ........ النهارا
خل الهوى للي على النهج .... يمشون
ناس تقول الحب ما به .......... معارا
الياصار ما تاصل حبيبك على . الهون
غير طريقك واسلك درب ...... المغارا
كنت احسب ان احلام رجل له قرون
لي الشرف ما دامها من ....... .. مهارا
بنت اصيلها ما هي من اللي يخدعون
بين اليمين دروبهم ........... واليسارا

[احلام عابره]

صح لسانك يابو ضاوي
صح لسانك يابو سلمان
ثنيناتكم ابدعتم
طالت اعماركم
واعتلا شانكم
عز الله اني سعيده بوجودي بينكم
تحية الود

[نجم ضاوي]

وش عرفك بالحب يا خي شيطون
الحب امال ووفاء وكتم الاسرارا

خلك مع الزعتري بالاردن تمشون
وخل الحب لمثلنا . يخوض ابغمارا

زمان كان الظبى من ثقلنا يشكون
زمان .. يوم كان الحب يجني ثمارا

اما . . ظبى اليوم . . حبهم مجنون
وينهم ظبي اليوم .. يوم كنا جزارا

يا القارظ اسكت تراني منك مغبون
قافك .. الذي قلته فقع لي المرارا

[القارظ العنزي]

المعذرة يالضاوي ان كنت . شيطون
والمعذرة كان القوافي ....... سكارى
شربت انا خلطة على يدين . مزيون
ودارت بي الخلطة او القاف .... دارا
وعجزت اميز بين صاحي ومجنون
وقلب علي الليل مثل ......... النهارا
ونويت انا اصمت كما قلت . يالعون
ولا عاد اسطر بالقوافي ....... خبارا

[احلام عابره]

مالكم للقاف امسيتم تزعجون
القاف ماهو للهجاء مسارا

القاف بالمسا حب وشجون
وغزل وعشاق مع القمر سهارى

خلكم من الهجاء بالله تكفون
الهجا مو زين بحظور العذارا

ههههههههه

[القارظ العنزي]

يا احلام انا ما اقدر اعارض القانون
والغالي ابو ضاوي يرأس ...... مدارا
انا لو ما اداريه يمديني .... مسجون
والله الا يرميني في وسط ..... غارا
العامري لو صاح مجنون ... مجنون
اما ذبحني والا نزور .......... الأسارا
قلبه حديد ولا يلتطف .... .. بمزيون
ولا يهزنه بالعذارى ............. عذارى
ما قدرك يوم انك قلت ي على الهون
ما شفت كيف ارسلني لمركز اشهارا
الله يرحم حالتي صرت .... شيطون
وكنت احسب اني عنده بين الوقارا
خلاني شايب عايب ما يفتهم .. لون
ومن عقب قوله هذا حالي ..... دمارا

[احلام عابره]

يالقارض العنزي بالهون بالهون
مايقدر الضاوي يحوف الديارا

ديرة بها العنزي واحلام ما تهون
ولو غزاها الضاوي يلقى خسارا

محروسه من سحر كل شيطون
عليه عصيه وعالية ن اسوارا.!

افرش ونام وانت قرير العيون
عليك دوم ن عيوني سهارى
ههههههه

كيفني معك عاد

[القارظ العنزي]

كلك ذوق وشاعرة لا يشق لها غبار . والان أنام وانا قرير العين مرتاح ، وسلمت الراية لك لا تهونين ، وحيلك به ما شاء الله عليك وعيني عليك باردة من الضاوي والله يحرسك بعينه اللي ما تنام حفظك الباري من كل سوء ومكروه . احترامي

[احلام عابره]

كلك زوء يالقارض العنزي
كلامك بلسم
ووجودك دواء

[القارظ العنزي]

تسلمين الله يحفظك يا احلام

[نجم ضاوي]

اقرا قافكم .. يوم ن عليه .. تردون
اشرب الشاهي .. ومولع .. سجارا

واضحك على خبلان لبعضهم يحاكون
يشاور بعضهم بعض . يشبو الشرارا

القارظ اللي طاح . . في حب مزيون
شرب .. كاس الحب .. وزاد العيارا

انا القارظ والقارظ انا ياللي تسمعون
القارظ لي بالمواقف الصعبه شعارا

انا ما اهجيه . . والعنزي علي يمون
القارظ له عليه دين في عنقي سوارا

انا يا حلام .. في اخوته هايم ومجنون
القارظ .. للعامري اخو وكاتم اسرارا

[البدر]

الله الله و نعم و الله بسلمان الحزم و بالسدارى
لهم حب عجيييييب

[القارظ العنزي]

يالضاوي لا تجفي المزيون
خلك لطيف ..... ومحبوبي
وخل العذارى معي يمشون
وارسلك منهم .... بمندوبي
احبهم واطرب ..... ومنون
الياوافقوا والبسوا .. ثوبي
وسري وسرك معي مدفون
هو راس مالي .. ومطلوبي
ما ياصله بالبشر ... مفتون
ولو فتش القلب وجيوبي

[القارظ العنزي]

هلا بك يالبدر وكلامك مثل البدر ويستاهلون الملوك وخوالهم الطيب كله .

[احلام عابره]

يالي عن السر .....تكتبون
سركم ..ماهو...... مطلوبي

ولاناشدن عنه لو ...تخفون
ولا مفتش ن عنه...جيوبي

انا ناشد ن عن خل...مزيون
من ..بين الخلايق...مطلوبي

دايم. على قلبي ....يمون
بس تاهت عنه .....دروبي

لا تعذلوني به .....تكفون
كامل..ولا به.....عذروبي

لاموني بحبه.....اللايمون
وكانه من كبر....الذنوبي

بعده عقلبي .....مايهون
من فرقاه انا....مكروبي

كل نظرة منه.....بمليون
واطيح الياقبل...لصوبي

يالي بكتم السر...تباهون
سركم...ماهوب...مطلوبي

بقلمي
احلام عابره

[القارظ العنزي]

سلام يا شارب ........ الغليون
الياضاق صدرك ..... بمحبوبي
بين حبيبك عساك ... ما تهون
يمكن نساعدك ....... ونحوبي
ما دام شوفته ......... بمليون
عطني المليون ........ بذنوبي
ابي اتصدق ولو ...... يقولون
متى يا عودنا ........... اتوبي
ترى ابو ضاوي علي .... يمون
وانت ي على القلب لك. نوبي
غديت من بينكم ..... مجنون
ضيعت عقلي مع ...... دروبي
متى على الله ......... تتوبون
من ظلمكم شقق ...... جيوبي
ما خفتوا الله ولا ...... تنوون
في نية تستر .......... عيوبي
يالترف يا بو هدب .. وعيون
خفف ترى طاحت ... جنوبي

[احلام عابره]

يالقارض العنزي ما....بالهون
لا تكثر على احلام....بعتابي

لوخيروني بينك...ومليون
ارد خذومليونكم....مابي

هذاصديقي ولو...تدرون
العنزي ترا .اعز....الاحبابي

شاعر وعاشق.....ومجنون
وفاقد بعشقه....الصوابي

صوبه بالرمش.....مزيون
ولوماهو مزيون...ماصابي
رمش بتعذيبه له....فنون
من شوفته قلت....واعذابي

لك الله يالعاشق.....المفتون
الفاقد ن طريق....الصوابي

[القارظ العنزي]

يا ويل قلبي من .... المزيون
اللي رماني ما ...... سمى بي
ضيعني والله من ... المليون
ضيع مليوني ..... وتغدى بي
من عقب قافه فانا المجنون
مجنون ولا احد .. توصى بي
يا ربعنا من يرحم ... المفتون
قلبه تعلق ........... بالاحبابي
حبه سراب ما فيه ..... عيون
ولا له عنوان ......... ولا بابي
غدابي شارب ......... الغليون
اللي على ذبحتي ....... طابي
اظنه يركب على .... الصالون
ابيض اللون ........... وعنابي

[نجم ضاوي]

ياللي .. خلف الاحباب .. تسعون
والقلب . . خلف المحاني يذوبي

خلف السراب .. تجرون وتلهثون
ماتكسب . . خلفهم غير الذنوبي

لو صادقين الحب ماعنكم يغيبون
حب مثل هذا .. ما ابيه . صوبي

ياللي بكامل . عقلكم تستمتعون
ما فيكم . . عيب ولا .. عذروبي

المفروض تحمدو الله وتشكرون
توبي من الحب .. يا احلام توبي

هذي الحقيقه كان عنها تغفلون
انا صادق .. وهذا هو . اسلوبي

نجم والقارظ على النقى يمشون
ما بينهم .. كتم اسرار . وذنوبي

هم اخوان . على بعضهم يمونون
نحب الغزل في الظبي الطروبي

ادري انا . . ويش تقصد بمزيون
وادري انا ويش تقصد بمحبوبي

من قافك عرفت مين اللي تقصدون
مثل ما اعرف انا . تفصيل ثوبي

[احلام عابره]

يانجم الضاوي..بتمون
قلبي عن الحب... تابي

لكن العنزي.... بالعيون
بين الجفن....والاهدابي

علمني عن التوبه ...شلون
وسكر عن الحب ... بابي

لاتاخذك وتجيبك...ظنون
غيرمشاكسة الحرف...مابي

يالعنزي بدو عذالنا....يغارون
ويفصلون لعشقنا.....ثيابي

اسراركم بينكم...وكتمون
ماني لاسراركم.....طلابي

ماظنك عرفت ... المزيون
الي هو فرحي....وعذابي

واذا عرفته علي....بتمون
واعطيك كل الي..... تابي
وفر عليك الشك....والظنون
واقرا كلام الله....وكتابي

[القارظ العنزي]

ترى ابو ضاوي علي ...... يمون
اظنه مثلك تعشى .......... بي
لا تشرك مع الله ...... يالمزيون
وتقول كتاب الله ...... وكتابي
الله كتابه للي .......... يصلون
وكتابك يطرب له ....... النابي
هلا بك يام الهدب ..... وعيون
بدوان وتفهم ........ بالاحبابي
والضاوي يعشق وعشق جنون
واخر علومي به ....... ما تابي
احذر لا يقرصك ...... بالقانون
يقرص كما يقرص ...... الدابي

[نجم ضاوي]

عقلي وضميري علي يملون
انصح الغالي . . من الدابي

اللي له . . حسن . . وفتون
ومكره مثل .. مكر الغرابي

السم . داخل الانياب مدفون
وحتى .. وكر بيته .. خرابي

ماهو بنا من به شك وظنون
ولا .. على الغلطه . احابي

يا احلام كل اللي حولي يخبرون
انا نجم . . وماني ببنجابي

افهم المعنى ولغة العيون
واسألي عني كل اصحابي

يا احلام على صاحبي بالهون
صاحبي مابه شي ينعابي

خلقه الله .. طيب ومزيون
واعطاه الله حسن الخطابي

يا احلام لا تفتحي علم وعلوم
مانبي نفتح علم انصك له بابي

افهمو المعنى ياللي تفهمون
القارظ . مايوم الظن به خابي

[القارظ العنزي]

يالضاوي تكفى علي بالهون
هون ترى القلب ... منصابي
اخوك يالعامري .... مطعون
طعني الترف واغرا ..... بي
سم الله والعن ذاك الملعون
وابليس يالقرم .... ما غابي
وانا تراني ماني .... مجنون
لا شك احب كل من هلا بي
واهلي باللي لي ...... يهلون
من ربعنا وايضا ... الاجنابي
واحب اغني واللي .. يغنون
واطرب مع الترف واحبابي
وانا بلاية من ...... المزيون
اللي تغدا ....... وتعشى بي
ليته يشوف قلبي المسكون
بحبه يومه تورى ........ بي
يالضاوي عمر لي .. الغليون
ركب له الجمرة ... لحسابي
ودي امزه فوق ..... القانون
حتى يتعدا الدخن .... بابي
الصدر ضايق وانا . المفتون
في ترفة حبها ........ طابي

[نجم ضاوي]

حاشاك يا الخوي منته بمجنون
اللي قال لك .. مجنون يبلابي

لا تفكر . . ولا تخالجك الظنون
ما اتركك حتى يغطيني ترابي

وينهم من قلبك عندهم مرهون
لافك رهنه .. لو حوله . ذيابي

احارب انا لاجلك جيش صهيون
الخوف مني يخاف مايوم يسطابي

قلبي .. وضميري . علي يملون
اكون .. صادق .. مع .. اصحابي

[القارظ العنزي]

كفو يالضاوي وانا الممنون
واللي تحيزم بك ما خابي
دايم على العهد ... ما مون
ما يوم غديت .... بحسابي
في ظلك اسرح مع المزيون
ومن يطلبن خاب ... طلابي
انا المتيم بسود ...... عيون
عيونها السود تسعى .... بي
يالضاوي قل له يجي بالعون
عجل والا رحت .... منصابي
تكفى يا خيي ترى .. القولون
زاد الزعل وانكسر ....... بابي
اخاف اخربط يا بو .. القانون
واروح ضحية ....... النصابي
بنات حواء ما هم ....... يفون
فيهن صدوق ........... ولعابي

[نجم ضاوي]

خابرك طيب .. وقلبك حنون
وما بك . . وصف .. ينعابي

حتى العذارى نككم يطرون
فيهن .. صادق الود ولعابي

لقافك .. كل ليله .. يتحرون
لا غاب نكك كن القمر غابي

يا ساكن الاردن علي بالهون
حرمت .. من النوم . اهدابي

صارن عيوني من السهر يشكون
وكل هم ن وهوجاس يسطابي

اهل الرياض قلبي عندهم مرهون
ظبي النفوذ .. به خافقي ذابي

يا القارظ .. غديت بحبها مفتون
شاب راسي .. وانا توي شبابي

[القارظ العنزي]

ما شفت انا عندهم .. مزيون
خشنات ودقون .... واشنابي
خلك بجده على .... الطبلون
بشاطي الحمراء ..... وعنابي
يجنك يالساحر ..... الفرعون
وتقول يالله ...... تمشى بي
وغزال العارض صغير سنون
واطول ما عنده ترى . النابي
وعجوزه اللي تقل . مشطون
ما تعطي الفرصة .. للاحبابي
بدوان ولا تتبع ....... القانون
كم من عجوز ....... تلهى بي

[احلام عابره]

ياهل الرياض الحب..مجنون
يلعب .....بالشايب..والشبابي

يالي عدرب الهوى...تمشون
لهواكم.....شرعت......بابي

نار الهوى بالضلع..تشبون
وتحرقو القلب.....بالعتابي

النوم... ما تهنتبه....عيون
من يوم ...مانجمكم....غابي

تعصف بين المحاني..شجون
وحبكم .....خذني....وتنحابي

يالي عن الشوق.....ماتدرون
ولا تدرو غيابكم....شسوابي

لو حبكم صادق....تعودون
من غير ملامه ولا....عتابي

[القارظ العنزي]

عليك بالضاوي هو المفتون
ويستاهل من يفتح . البابي
لطيف ويشرب ..... الغليون
ويستاهل الحب .. يالصابي
والا انا عود ما فيه . سنون
وعيوني شابت من اسنابي
لو شافني بالعرب .. مزيون
يصد عني ......... وينسابي
الزول غادي تقل .. عرجون
واللون اسود من .... غرابي

[نجم ضاوي]

اهل جده . . من ظبي النفوذ يشكون
وانا قلبي . من ظبي النفوذ منصابي

ايا صاحبي القارظ .. هلي علي يبكون
ياحسرتي وشلون . خلو فيني احبابي

يا الله طلبتك ..يا الله .. مدني بالعون
انا الجاني واستاهل كل اللي يجرابي

احلام تقول ياهل الرياض الحب مجنون
وانا اقول . . يا احلام .. الهوى غلابي

يلعن ابو الحب . . لا صار الحبيب يخون
ويلعن ابو الحبيب لو كان قصده يتسلابي

[القارظ العنزي]

احلام ما عندها خبرة ولا هي ...... تهون
بنت على النية وتعجبك ....... باحجابها
تطربني بنت البدو جريءة قلب . وتمون
تفهم ظروف القوافي وتفهم ..... اسبابها
اعجبني في ردها رد الفتاة ....... الفتون
اللي تدافع وتهاجم كل من .......... عابها
احذر يالضاوي ترمينا بقاف ما له . عيون
وتكثر حقوق علينا ويكثر .......... طلابها
بنات حواء يا خالي دايم .......... يلعبون
يرمون بلب الرجل العاقل ....... واشنابها
وترى الخطر بالرياض واسواقهم والفنون
وبناتهم ما يتهنى بشوفهن ........... دابها
واحلام تبقى اختنا عزيزة أصل وغصون
تاخذ مكان الغلا بالمسك وهو ...... جابها

[نجم ضاوي]

خل اللي . . داخل . . القلب . . مكنون
دام الظبيه .. صكت . . بوجهي . . بابها

لا تنبش . . ماضى . . له سنين مدفون
السنين . تكفلتبه .. هلت عليه .. ترابها

قلبي غدى .... لظلم الايام .... مرهون
وا نفسي اللي . . ظلم الايام . . صابها

هدتني الايام مدري يا التغلبي وشلون
عشعش .. على اطلال . . قلبي غرابها

والسبب . . ظبي النفوذ كان ما تدرون
خل صغار البوم .. تنعق .. على اطنابها

احلام .. تدق اوتارها .. على المضمون
الله . . يسعدها دوم . . ويزهي شبابها

قيفانها .. تهيض .. على نفسي .. حزون
قيفانها .. ذكرت نفسي . بماضي احبابها

يا التغلبي تكفى . قلها على نجم بالهون
بالهون يا العابره . يا ستر امها وحجابها

[القارظ العنزي]

أحرث الماضي وازرعه غصن زيتون
ينبت مع العرق القديم..... اخضابها
واعصر لها زيت المحبة ..... لا تهون
وادهن من زيت الحب واسق اترابها
ويلين القلب القاسي ويرحمك حنون
ما احلاها ما احلا دلها ..... وحجابها
عش الامل عش المحبة ... والسكون
واعمل لصالح جلبها ........ وجلبابها
دنياك ما تعطي بلاش ...... ولا تمون
على نفحاتها من دون ......... اسبابها