((قصة حياتي وتعنيني))

[القارظ العنزي]

قصة حياتي ........ وتعنيني
ما هي تصانيف ......... فنية
عبرتها بدمعة ......... العيني
وسطرتها في ......... قوافيه
دورت انا الزيت .... والتيني
وقالوا لي ببلاد ....... شامية
وسافرت من وقتي . وحيني
وسافرت بخط .... الشمالية
يا سفرتي سفرت ..... البيني
اللي رمتني .......... بحورية
حورية جات ......... تباريني
تحمل شهادات ........ علمية
حطت على الجرح جرحيني
ويا كثر جروح ..... الهواوية
العمر بحدود ....... عشريني
او دون العشرين ..... بشوية
شفت انا انهوده ... مدافيني
مثل بالكما بارضنا .... الحية
ولو شفتهن شوفة ... العيني
ذنب اللمم ما حصل ..... ليه
يوم اقبلت بس .... تراعيني
وترسل باشارات ..... وهمية
ناظرت لسيد ...... المزاييني
واسررت بالعين ....... ما بيه
وابديت بعذر ..... وبراهيني
وشكيت من حال .... نفسية
تكفين يا بنت ...... تكفين ي
ويكفي من الموت ... ما فيه
ما تدري ان الخطر .... فيني
تضحك وانا وسط ... غورية
نار على الكبد ....... تكويني
من فوق كية على ....... كية
قالت : اعذارك ما هي شيني
وما عندك بالحب ..... خلفية
ولا عاد اشوفك تجي هيني
حرام ما فيك ......... قومية
قلت : القومية ما هي ديني
ديني عقيدة ........ اسلامية
من دونها ..... تذهب العيني
وابيع نفسي وما ......... ليه
ولولا التجارب ....... تعزيني
مصيبتي اثرت ........... بيه
وصبرك على الدمع يا عيني
والحل رحمة ............ الهية
قصة حياتي ........ وتعنيني
ما هي تصانيف ......... فنية
عبرتها بدمعة ......... العيني
وسطرتها في ......... قوافيه

القارظ العنزي

[أعيشك]

ارتشفت منا العيون اجمل الاحساسيس سلمَ فيك هذا النبض

ودمت بالحب غارق

لـ تنهل علينا جميل بوحك

تقبل حضوري في صرحك الجمال مع خالص الاحترام

زهور الياسمين لشخصك :رحيق: ..

[نجم ضاوي]

يا عاشق الحور . المزايني
اتعبت لي . قلبي وكلاويه

من قصتك يا خوك اعفيني
غزالتك . . مرباها .. بريه

تتعب . في صيدها سنيني
حراسها .. الداب . والحيه

الود . . ودك . . وتغويني
تبيني . . اصير مثلك كذيه

وتصير . . شامت ن فيني
وتشمت فيني . هذا وذيه

وبنار . . القهر .. تسقيني
تضحك علي بروحه والجيه

قصتك . . ما اظن تعنيني
لا إنت .. حولي . ولا هيه

دور على غيرها تشقيني
يكفيني .. الروح .. مبليه

اليوم رماني . نظر عيني
في حب . . شقراء تركيه

غزال .. بالود .. كاويني
ماني بمثلك احب سعليه

ايا القارظ تعال ساعدني
انا في الشمس وانت بالفيه

قافك هذا يا التغلبي اتعبني
به معاني .. علي مخفيه

يا القارظ تعال وانقذني
تعال .. وحط يديك بيديه

كاني اخوك بصدق جودني
خابرك ذيب .. حزت الهيه

عندي سؤال عليه جاوبني
كيف مثلك .. يحب سعليه



قصه رائعه وعذبه من عذب السجايا ...
صح اللسان وسلم نبض القلم والبنان ...
جزله من شاعر راقي وجزل ...
واعذرني على المجاراه كان فيها قصور ...

لا خلا ولا عدم ...

[عناق الغيم]

صح لسانك يالقارظ
ويعطيك ربي الف عافيه
قصيدة جميلة
لك كل الحب والتقدير

[القارظ العنزي]

هذا من ذوقك ولطفك غاليتي أعشيك ربي يحفظ لنا أحساسك الطيب ويحفظك الباري

[القارظ العنزي]

يالضاوي يا بعد ..... عيني
ياللي مولع ......... بتركية
انا حبي ......... البداويني
وتشوقني كل ..... سحلية
والضب دايم ... مخاويني
بين الصياهد ........ وبرية
افراشنا الطعس .. والزيني
تفرش لي الكف ..... زولية
وتلف ذراعه ...... تغطيني
والجذلة من فوق .. مرمية
ما فشلتني نظر ..... عيني
ضمه وبوسة على ..... فيه
والا انت حبك ما هو شيني
وتراقبك دوم ........ دورية
ما تهتني ........ بالمزاييني
يجلدك مطوع على ... النية
والا انا بين ..... الشياهيني
اغرد بالصبح ...... وعصرية
وبالليل نلعب مع .... الزيني
نلعب براءة مع .......... بنية
صغيرة وبالراس .... قرنيني
وتضمني كني ......... اوخية
ما دوجت ........ بالفراقيني
ولا عاشرت كل ........ تركية
بالصبح تركض ..... تصحيني
وتبوسني فوق ......... عينية
ان كان عندك مثل ...... ذيني
مبروك والعيشة ........ الحية
هذي حياة .......... البزاريني
ووخي ن يلعب مع ... اوخيه

[القارظ العنزي]

صح بدنك عنقودة كله من لطفك الله يعافيك

[نجم ضاوي]

عندنا .. نمشي بقوانيني
وعلى .. الدين . وشرعيه

اراعي .. الله . في عيني
نمشي على احكام سماويه

الله يعز . المملكه بالديني
ديننا .. مادين . . أبد زيه

الحب في شرع المحبيني
يعني يودع ايام العزوبيه

خلك على ممشاك الشيني
يا عاشق . . ظبيه سوريه

خلك مع الضب وام قريني
واخرتها .. لسعه من حيه

القارظ ما يكب النساويني
يبي له رقيا . وماء مقريه

بين عنيزه والاردن يمشيني
دايج .. مع شله .. زقرديه

[القارظ العنزي]

الحب والله ما له .. ديني
ولا فيه علوم .... شرعية
حب الدواعش ما يغنيني
ولا فيه يالقرم .... حورية
الا ان كانك ...... تلاقيني
بالجنة ......... الزعفرانية
تبيني اصبر بلا ..... شيني
واعيش متبلد ...... بفولية
والدين دين .... المسلميني
في كل ديرة ....... ومزوية
تلقى الخلايق ..... مصليني
وتلقى الشباب ..... الهواوية
لو زرتنا يا بعد ........ عيني
تقلع عن الدين ......... مولية
ويصير الرب ............ ربيني
وتركع وتسجد ........ للريمية

[ماضي الماضي]

صح لسانكم جميع

ابدعتوا واجدتوا


تحياتي لكم

[القارظ العنزي]

صح بدنك ابو ماضي لاهنت