((الشعر فن وذوق واخلاق وبحور))

[القارظ العنزي]

يالقاف عود وانكمش داخل . الزور
ما عدت انا يالقاف لحبك القصايد
الشعر فن وذوق واخلاق .. وبحور
والحكمة اللي نورها دوم. .... قايد
ما دام حروفك ما لها صفق جمهور
تعال وعود وانكمش ...... بالجرايد
ترى جرايد صدري ارحم من الحور
وارحم من حور الفاتنات ... الولايد
تعال وخفف زايد الظلم ... والجور
اللي لحقني من نظام ....... وبدايد
ما لي صديق غيرك اليوم .. مخبور
واهل الوفاء صاروا علينا .... بعايد
يالقاف انا مقهور والباس .. مكسور
عجل علينا لا تزيد .......... الوعايد

القارظ العنزي

[نجم ضاوي]

يا لايمي لمتني . . بهتان ن . . وزور
اخوتك .. جنيت .. من وراها .. فوايد

يكفي .. إمنتك .. على بعض . الامور
انت .. الامين . . ولثقه .. ربان وقايد

دامك .. على النيه . بعون الله منصور
انت تستاهل من الذهب الصافي قلايد

مسعاك عند الله . . يا التغلبي مشكور
يا عسى من يشناك . . لنار الله وقايد

يكفي انا لك . . يا محزمي . . جمهور
يكفي انا .. في حديقة ابياتك .. ورايد

القاف منك .. ما عمره يجي . مكسور
دامك تنثر في مسك الغلا احلى القصايد

[احلام عابره]

يوم ..المعاني.. تئن.. بها...الصدور
ونار الهوى.. بين الحنايا...وقايد

وحالة بينك ..وبين الخل...بحور
والشوق لشوفة المحبين...زايد

والقلب على بعد الغوالي ...مفطور
وساكن ..الروح ماعاد لك...رايد

والخاطر المنيته بالوصل...مكسور
والهجر صار لمهجة العين...عوايد

اسكب الوجد ياصاحبي...بسطور
وترجم لوعة القلب نثر...وقصايد

وانثر ..حروفك باحساس...وشعور
ماعاد للوزن القاف وبحره...فوايد

[القارظ العنزي]

انا ما لمتك والغلا عندي . شعور
ذكرت لك ان النشاما ...... بعايد
والله لولا البعد لاجيك ... بالفور
وناخذ لنا معكم ايام ..... جدايد
انا شكيت من شي ثاني . مقهور
وانت الوحيد اللي فهمني وكايد
يفداك يا مشكاي بالناس طرطور
تيس المعز اللي يلوف .. النصايد

[القارظ العنزي]

يا احلام انا بين المساعيد ... وجبور
وخوالدة والناس فيها ......... عوايد
لولا الحيا شلت الغضي بطلعة النور
وادخلتها يم الكرك .......... والفوايد
ما دامك حولي وانا بالقاف .. مجبور
انثر لك القيفان نثر .......... وقصايد
الحب يا بنت الناس احساس وشعور
ونار تلظى بالحنايا .............. وقايد
ابي اشتكي همي لضاوي ولك .. دور
والكل منكم يفهم همي ......... وزايد
وش حيلتك باللي غدا لعبة ... الحور
يسهر الليل ويفقد نوم ....... الوسايد
لو شفتي حاله كنها حال ..... مجدور
ما حد يبي قربه ولا له .......... بدايد

[احلام عابره]

هي ماشاء الله عليك
حافظ الاردن قرنه قرنه
قرنه بالعاميه عندنا وتعني زاويه
طيب ماتعرف بيتنا وين
هههههه

[القارظ العنزي]

هلا بك يالغالية احلام ، انا اعرف العرب كلهم شامهم وعراقهم وجزيرتهم ، زنقة زنقة آسف قصدي قرنة قرنة هههههههه والزاوية مصطلح مذهبي صوفي . فعرف بما بعد بالزاوية الحادة او القرنة في نهاية الشارع ، بالنسبة لمعرفتي بالاردن ، أنا اعرفه قبل أن يسمى بالاردن ، وكان اسمه البلقاء في بداية الاسلام ، ثم عرف بالاردن كولاية اسلامية في عهد الدولة الاموية . دمت ي بود حفظك الباري . فقط لا تنسين النابلسبة الناعمة بالقشطة او الجبنة ههههههه

[احلام عابره]

معلوماتك التاريخيه ضعيفه
الاردن معروفه ببداية الاسلام
والدليل هذا الحديث
قال رسول الله صلى الله عليه وسلم: "لتقاتلن المشركين حتى يقاتل بقيتكم الدجال على نهر الأردن، أنتم شرقيه وهم غربيه" قال الرواي: ولا أدري أين الأردن يومئذ؟ قال الهيثمي : رواه الطبراني والبزار ورجال البراز ثقات.

[القارظ العنزي]

قراءتك ضعيفة ألم أقول لك من بداية الاسلام والمقصود بكلامي هو الحديث الذي أوردتيه . لم يعرف الاردن عند العرب بهذا الاسم الا من خلال هذا الحديث . كنت اظنك أكثر ذكاء وكأنك أتيت براس ابو زيد ههههههه

[احلام عابره]

لااا انت قلت انه ببداية الاسلام كان اسمه البلقاء وما عرف اسم الاردن الا بعهد الامويين
هاد كلامك والا كلام مين

[القارظ العنزي]

القراءة تحتاج الى تحليل واستقراء من القاريء ، حتى يفهم الموضوع كويس ، بداية الاسلام هو البعثة النبوية ، وولاية الاردن ليس لها دخل في بداية الاسم . انما اوردت الخبر كأستمرار للاسم كأسم ولاية ليس الا . وبعدين هذا قسم للشعر وليس للنقاش التاريخي ، اذا حبيت تناقشين التاريخ هناك قسم للتاريخ في المنتدى . اطرح الموضوع هناك تسلمين يا ستي

[نجم ضاوي]

يا القارظ ادري انك على جلستك مجبور
ونار القلب تلهب .. داخل ضلوعك وقايد

وادري انك يا محزمي بعون الله منصور
بعد الاسى .. وبعد الحزن تجيك الفوايد

انا يا اخوك . على وضعك ضايق ومقهور
لو فيدي والله لانشر ماحصل لك بالجرايد

تبغى النصيحه .. اصبر واخر الصبر . نور
الصبر مفتاح الفرج والمثل بين الناس رايد

وإنت كفور .. يا القارظ .. ولا عليك قصور
إنت غير الناس وحبك عن ساير الناس زايد

[نجم ضاوي]

يا اخوان لو سمحتو هذه الساحه مخصصه لشعر وليس لنقاش ...
فمن اراد منكم النقاش فهناك قسم مخصص لنقاش تستطيعون ...
طرح الاسئله فيه ويتم النقاش عليها فضلا لا امرآ ...
لو استمريتو في هذا النقاش سيأتي من الاعضاء من يناقش معكم ...
ويصبح هذا القسم ساحه لنقاش وليس ساحه لشعر والشعراء ...
وتضطروني الى اغلاق هذا الموضوع ...

[القارظ العنزي]

همي ما شاله غير مثلك . وشرواك
وان ضاقت الدنيا عليه ... نصيتك
ياللي فتحت القلب ليه .... ويمناك
فتحتهم ليه وبيبان ........... بيتك
شفت الكرم والجود عندك ويزهاك
وبك الوفاء كل ما نويت . ونخيتك
ياللي قنيت الطيب والطيب مرقاك
يفداك مالي والعيال ....... وفديتك
يالعامري ما عيش والله ...... بلياك
ولا فيه يوم يمرني..... ما احتريتك
يا عزوتي مشكاي وشلون ابا انساك
وشلون ابا انسى خلتك ... لا سليتك

أحسنت في تعقيبك على موضوع النقاش لاهنت ، وأتأسف لذلك . وكان أخيك في ذلك مكرها لا بطلا .

[نجم ضاوي]

هذا واجبي اخي .. القارظ .. للحفاظ على حقوق كاتب الموضوع ...
وعلى قوانين القسم لانه مثل هذا النقاش قد يأدي الى اغلاق ...
الموضوع وهذ ليس جميل في حق القسم وشعرائه وكتابه ...
هذا كان تدخلي الفوري لانهاء النقاش وانت يا القارظ والاخت ...
احلام اكبر من هذا كله ...


الله .. بلاك .. وعند الله .. منجاك
لو بيدي شي .. من غلاتك عطيتك

الوفا . . خلقه الله .. من .. وفاك
يا صادق الوعد .. قلبي اليوم بيتك

الطيب وحسن الاخلاق . الله عطاك
ليتك جار ن لي . . يا التغلبي ليتك

انا افدى امك وبوك وربعك وافداك
والله لو تطلب الروح بروحي فديتك

يا زين مبداك .. وطيبك .. ومنشاك
انت الوحيد اللي من الناس احتريتك

تدري اني في نومي وصحياني معاك
لو الجفا .. يجي منك . انا ما جفيتك

[احلام عابره]

سلم على قلب ن من الوجد...مفطور
نيران العشق وسط ...عروقه...وقايد

يسجل الوله حرف واحساس...وشعور
وينزف البوح. على.. الاوراق...قصايد

بيوت.. ماتستند على وزن...وبحور
يابعد المسافه.. بينها وبين...القصايد

يرسم بها اسم على الجدار...محفور
وينزفبهاحكاية شوق بالروح...زايد

يانجم انت ...بترصفك. هاذ... معذور
احيان للشده مع الاصحاب...فوايد

[القارظ العنزي]

يالعامري ما عندكم بالبلد ....... راك
ترسل لي الحزمة بشحنة ... ونيتك
ودي اسلك لي من الراك .... مسواك
واطبق السنة بشرعي ....... فديتك
ولو يشتكي للشرع ما قال وش ذاك
حقك ومن حقك تصرف ...... ابيتك

[نجم ضاوي]

ما تحتاج . يا صاحبي مسواك راك
خذ النصح مني . وصدقي عطيتك

ربي اللحيه وقصر الثوب انا فداك
وامسك السبحه . يا القارظ نخيتك

وافتي .. كل من جاك .. يستفتاك
ولازم المسجد .. مثل لزمتك بيتك

وحرك بالكذب .. لسانك . وشفتاك
وقول يالله .. لا تفضحني . رجيتك

وتصير شيخ .. وعندها الخير يلفاك
مالآ وجاه . وابليس قول له شريتك

[القارظ العنزي]

طولتها وقصرت ثوبي ......... وانا افداك
وجلست بجنب الشيخ اقرا ....... فديتك
وعرفت اصول العلم مع علمنا ....... ذاك
وفهمت وين مذهب ليتك .......... وليتك
وعرفت اني مخطي وواقع ....... بشرباك
ورجعت تيتك تيتك مثل ما رحت جيتك