((الشال الضافي غدا شيلة))

[القارظ العنزي]

الشال الضافي غدا ... شيلة
نوب المزايين ترمي ...... به
طبع الحضارة سرا ...... ليله
يلقى الرومانسي يهلي ... به
واحيلي اللي وقع ..... حيله
والترف المقفي ما يدري به
يا صويحبي عدل .... الميلة
والا حبيبك شلق ...... جيبه
كل فزع يمتطي ....... خيله
وخيلي عسايف . مع الهيبه
كم مهرة تكسر ........ بذيله
راحت مع القوم ..... يالذيبة
كانت تغاوى ...... برجاجيله
عقب الحياء تحصد . الخيبة
حنا عرب نبغض ...... العيلة
وكل مجتمع يفهم ..... بعيبه

القارظ العنزي

[أعيشك]

يّعَطٌيّك أِلَفُ عَافُيّهِ عَلَى الَإنتًقآء الَرٌائعَ

طًرَح رٌآئٍع كـ رٌوِعَة حًضّوِرٌكـ

لَك كلَ الَشّكرٌ وِالَتُقَدُيّرٌ

إِحًتَرٌامُيَ

[القارظ العنزي]

الله يعافيك أعؤشك ، أسعدني مرورك العطر واطراءك الجميل لاهنت ي

[نجم ضاوي]

الوادي يا القارظ سال سيله
وابل الامطار .. قد .. صابه

هاج .. وماج . وشاد ن حيله
غافل الناس . ولحد ن درابه

المعنى يا اخوك .. طال ليله
ينتظر .. زول خله . عند بابه

يا لابس الشال اوضعه شيله
الجسم انسان . والعقل دابه

شرع الله .. ما نغير .. بديله
وانت خلك على مرباك يا الزلابه

شرفنا ظل . . وحنا له ظليله
ونقوم دون الشرف ذباحه وحرابه

يا القارظ لا تأخذ كلام الهبيله
نحكم بشرع الله ما حنا بغابه

[القارظ العنزي]

الشرع اليافتى به سفيه ... القبيلة
ما ينضبط يالضاوي سوره .. وبابه
ترى النبي حذر من راي .. الكحيلة
وقال السفيه اللي يتحلى . صوابه
واللي جعلها في حياته ...... دليله
ما به فلاح ولا له فينا ....... قرابة
العقل ناقص والديانة ........ قليلة
وايضا الشهادة ناقصة في جوابه
حنا العرب ما نرخص زول الحليلة
وياويل والله من نوى والتقى . به
هي أمنا هي اختنا ....... والخليلة
هي الشرف هي دارنا .... والمهابة
ومن يترك عرسه للخلايق . وسيلة
جاه البلا ويبشر بزايد ...... خرابة
ولا علينا من فتاوى ........ الهبيلة
المدعي للعلم ويقصر ........ ثيابه
العلم ما هو بلحيته ....... واتهليله
العلم بصدق القول وقت . الحرابة

[احلام عابره]

صح لسانك يالقارض العنزي
مليون صح كلك ولا يكفون
كانه مو عاجبك انه المرأة السعوديه تقود سياره
والله انا من رايي تقود هيه وتطلع مع ابنائها وبناتها
احسن ما يطلعون مع هندي ولا سيرلانكي وعدم الرضى هاذ
اما عدم ثقه بقدرة الرجل على صون بيته
او عدم ثقه باخلاق المرأة السعوديه
وعلى كل حال ومثل ما بقولو
اهل مكه ادرى بشعابها
ودي وباقات وردي:MonTaseR_2:

[نجم ضاوي]

الكلب يا اخوك . . ما ينعدل ذيله
لاتأكل من اكله ولاتشرب شرابه

ما همه .. حتى لو يعمل .. رذيله
ينبح . . طوال الليل . . قدام بابه

لا يعطي حق ولا احد يرضى كفيله
يعني . . بين العرب يسمى زلابه

لا به خير . . ولا بوجهه . . فضيله
مثل هذا .. لا تأخذك .. منه غرابه

البن يحلا لو يحمص . ويفوح هيله
والوقار يا اخوك .. فيه .. المهابه

لا تأخذ بكلام . من في ربعه هبيله
كلآ . . تبرى منه .. ربعه والقرابه

[القارظ العنزي]

الكلب يبقى كلب لو تجبع الذيل
كله نجاسة والنجاسة ..... لعابه
يا كثرهم كلابنا ....... والمهابيل
مثل القرود اللي تناقز ..... بغابة
ازوالهم تعجبك والقول . والقيل
سحابة صيف تمر والمي .. ما به
برق ورعد وهياط ولجة . تنابيل
يا شينهم يا شينهم من .. سحابة

[السامر]

الله عليك يا القارظ ونجم ضاوي كفيتو ووفيتو
صح لسانكم ولا هنتوا

[القارظ العنزي]

صح بدنك يالسامر لاهنت على المرور