انصحوني نصيحه

[مشكلتي]

السلام عليكم

انا طالبه جامعيه بسنة التخرج وعندي ميداني
وراح اطبق بمدرسه متوسطه
لكن مشكلتي اني مااعرف اتعامل مع طالبات مراهقات
وشخصيتي هاديه وحتى صوتي هادي مدري كيف اتعامل معهم :3:


انصحوني كيف اكون معلمه متميزه ؟
واللي جربت التطبيق كيف كان عطوني خبراتكم خلوني استفيد
الله يسعدكم :ah11:

[روزا]

،


حضري نفسك ودرسك زين
وبجرد ماتدخلي الحصه بتدخلي جو المعلمه
بدون ماتحسي والخوف من حالو بروح 😊
كنت زيك وانا وصحباتي ومن اول شرح لنا
كان حماس وبسطه واستاذتنا اعجبت بشخصيتنا
اكثر من شرحنا 😂
اهم شئ ماتكوني مرتبكه ويكون تركيزك
على جميع الطالبات وتفلسفي عليهم وخلاص😊

[مطر الفجر]

عليكم السلام ورحمة الله
كوني هادئه وعلى طبيعتك ولا تحسسينهم انك معلمه
او شخص سوف يلقي عليهم اوامر
اقتربي من مستوا شخصيتهم وعقولهم هذا فقط
ان المراهقين بحاجه الى معامله حسنة وبسيطه بعيدا عن التعنيف او الاوامر
بالتوفيق اختي

[سحاابة عطر]

شخصيتي بالواقع نفس شخصيتك هااديه بالمره وطبقت ثاانوي دخلت وانا اسمع الفصل اللي اعطوني يشتكون من لقافته قالتلي المعلمه ادخلي واشرحي ولا طيحين الميانه مع الطالبات اول ما تدخلين خليك رسميه وسويت نفس ما قالت اهم شي تضبطين الفصل
يعني اول ما تدخلين لا تسولفين معاهم اشرحي الدرس واذا انتهت الحصه اطلعي لانهم بالاخير الطالبات ينظرون لك نظرة طالبه عشان كذا اذا اعطيتهم وجهه ابتلشتي فيهم نفس صديقتي كانت بتقرب منهم تسولف معاهم عجزت لا تضبطهم هذا اهم شي

[reef]

أنتِ في مجال المهنة وليس هناك متسع من الوقت لبدء علاقات جديدة مع الطالبات
إياك فتح هذا المجال حينها لن يُسمع صوتك ( عن تجربة)
في الحقيقة كوني متوسطة بين اللين والشدة
استعدي لدرسك جيداً حتى إذا حاولوا احراجك بالأسئلة تكون لديك معلومات كافية لمنع هكذا مواقف
حتى الأسئلة التي خارج الموضوع اختاري الجواب المناسب واغلقي باب الحوار فالبعض يرغب لإنهاء الوقت لا أكثر دون تأدية كامل واجبك كهدف بالنسبة لهم
تأكدي أن كل شيء تام على أكمل وجه وفيك مرآة القدوة لأنك كذلك
وهذا العمر كثير النقد والدقة والتقليد والافتراء ربما لفرط الحساسية من كل شيء
ثم أنها أيام جميلة جداً ستتمنين دوماً أن تعود تباعاً (انبسطي) ولا داع للخوف
أسأل الله لك التوفيق..

[هدوء القمر ..]

-

مساء الحب :نبض::رحيق:
أنا زيك هادية و خجولة ..
وأصعب ماعلي اني اتكلم قدام جماعة
حاولي تصيغي الدرس قدام نفسك بالمرايا أو صوري روحك بالكام
وشوفي ايش خطأ ايش مفروض أعدله كيف مفروض اتكلم كيف أوقف بكل ثقة
اذا صغتي الكلام بصوتك و تطالعين بـ روحك لا شعورياً بيجيك شعور بالثقة :نبض::نبض:
وأهم أهم أهم شي حطي تحته مليونين وعشرين خط لا تتصنعي شخصية مو شخصيتك
خليك ع سجيتك وتكلمي بكل أريحية وخلي روحك مرحة و صارمة بنفس الوقت :رجل خجول::نبض:

أتمنى أكون أفدتك :رحيق::نبض:

[العـ(احمد)ـالمي]

الله يكتب لك التوفيق
بصراحة الاخوات ماقصرن كفوا ووفوا
بس هناك حاجة بسيطة ومهمه جدا
لابد من توزيع النظر بالتساوي على كل الطالبات
لاتركزين على مجموعة وتتركين الباقي
وحاولي تشركينهم معك بالدرس بأعطاء اسئلة
بسيطة واللي تجاوب امدحيها وادعي لها بالتوفيق
وبكذا تكسبينهم بصفك

[أسير الود]

اي شي نسويه اول مره اكيد بينتابنا بعض الخوف ..

لكن صدقيني كل هذا بيروح بعد اول حصة لك .

حضري الموضوع مضبوط وخذي دفتر التحضير معك

ودايم اكتبي النقاط اللي بتشرحينها عشان ما تنسين .

ومثل ماقالوا لك لا تكونين شديدة ولا تكونين لينه بزيادة ..

[الشرق الأوسط]

مشكووووووووووووووووووووووووور