المساعد الشخصي الرقمي

مشاهدة النسخة كاملة : قصيده الشاعر محمد مطير المشرافي


فهد المشرافي
10-01-17, 08:21 PM
يا ساتر استر لا تطيح الستــــاره
ويبين خافي كان ما ودنا يبـــــين

مــدري تقوله جــــد ... ولا عيـــاره
ولا مدرعم منت داري علــى ويـــن

الصمت يعطي للرجال الوقــــــاره
يوماًبعض الهرج يجلب له الشين

الرجـل رجـــل وغيرته دون عـــــاره
ترضى وغيرك ناس ماهم براضين

المشكله ماهـي ترى مسك طـــــاره
ولا ركوب البنت فــوق البعاريـــــن

المشكله وش بعــدها مــن دمـــــاره
تفطن لها يامبصر العقــل والعين

ولا ضرير العقـل مــدمـور شـــاره
يصعب عليه يميز الشين والزيـن

يبغاء محمد مع علي جنب ســاره
فالباص بعدالباص ماكان قسمين

غير الحجاب اللي حذفنا شعــاره
وغير البيوت المهمله والوراعـــــين

وغير الكوارث وازديــاد الدعـــــاره
يفرح بها مفسد يحاول من سنين

وترى انهيار السد باسباب فــاره
باسبابها راحت ضحايا ملايــين

النــار تبداء شــبها مــــن شــــراره
وان شبت النيران تحرق بساتـــين

....... الشاعر /محمد مطير المشرافي.......

الفيفي2017
10-01-17, 08:32 PM
صح لسان الشاعر وتسلم على نقل هذه الابيات الجميلة

إحساس طفله
10-02-17, 12:29 AM
صح لسان قائلها وسلمت اناملك عزيزي فهد
قصيده جميله ..
لاهنت


حسوسا:DsC00581:

نجم ضاوي
10-02-17, 05:35 AM
صح لسان القايل وسلم راس الناقل ...
يشهد الله كلام مليان لله در القايل ...
تسلم اخوي .. فهد .. على نقل هذه القصيده الهادفه ...
ومن العيار الثقيل ياليت اللي يقراها يفهم معناها ...

لا خلا ولا عدم ...

شموخ رجل
10-02-17, 05:56 AM
مااشاء الله ابداع
راقت لي كثيرآ
كل الشكر لك

مسكك الغلا
10-02-17, 07:50 AM
صح لسان الشاعر
وسلمت يد الناقل

يآسر
10-02-17, 08:18 AM
صح لسآنك ولسان قايلها:SnipeR103:

منتظر المستحيل
10-08-17, 07:10 PM
راق لي مار اق لك
احترامي

هيبة ملوك
10-16-17, 01:09 PM
السلام عليكم ورحمة الله وبركاته

صح لسانك ولسان شاعرها المتميز

كلمات قوية جدا ومعبره عن الوضع المخزي والمؤلم الذي نعيشه

أللأسف ماكان الغرب ينادي به بصوت عالي أصبح الشرق بكل ذل يطبقه وينفذه بصمت

اللهم خذنا إليك غير مفتونين في ديننا ولا أعراضنا وردنا أليك ردا جميلا

ألف شكر على الأختيار والنقل

بو محمد

ســمــا الـروقي
10-18-17, 09:33 PM
يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’


SEO by vBSEO 3.6.1