المساعد الشخصي الرقمي

مشاهدة النسخة كاملة : دام المحبة تدفعك للضياع !


أنا فداهم
10-01-17, 09:05 PM
مدخل
حب ذاتك و ابتسم و إنسى الجروح
محدٍ سلم مِن غدر الأيام يا .. صاح

اللي يبي يبعد قدّامه الباب مفتوح
واللي يبيك لو يروح العمر ما .. راح


..

النص

لملم شتات الحب ..... قبل الوداع
إمسك يدين الشوق عنك لا يضيع

اقتل حنين الذكريات و الإندفاع
أدفن أحاسيس المشاعر جميع

دام المحبة .... تدفعك للضياع
إترك أراضيها من دون توديع

اللي يدور زلتك قدر المستطاع
قله المفارق ترى بابه وسيع

لا شك اللي يلبس لك قناع
ما تعرف معه غير همٍ و توجيع

إركب سفينة أمل و فلّ الشراع
قبل يذبحك سيف الغدر السريع

لملم بقايا الحب و قول الوداع
وإترك يدين الشوق و خله يضيع


..

مخرج
هذي نصيحة و هذا الدرس مشروح
إلبس على إحساسك غطا و وشاح

لا ينكشف سرك و تصير مفضوح
عمر ...القدر ما يرتفع إذا ... طاح

الفيفي2017
10-01-17, 09:53 PM
مشكور اخوي على ابياتك الجميلة

نجم ضاوي
10-01-17, 11:01 PM
صح لسانك وسلم نبض قلمك وبنانك .. أنا فداهم ..
جدآ رائعه وراقة لي كثيرآ ...
ابدعة واجزلة لله درك ...
لا خلا ولا عدم

السامر
10-15-17, 03:56 AM
الله على قصيدك يحرك الشجن
ايه ابتسم وحب ذاتك واترك النوح
ما يفيد الألم وكثر الأوجاع والصياح
افتح باب العفو واللي وده يروح يروح
واللي يرجع بالندم زد عفوك وارتاح


SEO by vBSEO 3.6.1