آسف كرهتك !!!!!!! [الأرشيف] - منتديات مسك الغلا

مشاهدة النسخة كاملة : آسف كرهتك !!!!!!!

أنا فداهم

10-01-17, 09:10 PM

يا صاحبي مليت من كثر الأعذار
ما أقدر أسامح من بدأ بالخيانه

يكفي طعون يالصاحب الغدار
لا تعتبر جرح الحبايب ميانه

تكالبت فيني صواديف الأقدار
حتى لقيت إن التقرب إهانه

يا كم نطرتك لين زاد الإنتظار
عرفتك حبيبي ما تحفظ أمانه

أنا ضميتك سر و رويتك إجهار
أمنت قلبي على حبك و صانه

واليوم برواز الوفا ماليه الغبار
في داخله صورة جداً جبانه

بكرة بترجع تبكي و منهار
تبي ترجّع حبك في مكانه

آسف كرهتك و مليت الأعذار
عش الحياه وخل قلبي وشانه

الفيفي2017

10-01-17, 09:49 PM

شكرا لك اخي ابيات رائعه
صح لسانك

نجم ضاوي

10-01-17, 11:35 PM

ما هقيتك يا صاحبي تفشي الاسرار
ولا توقعت . . منك هذي . . النهايه

كرهتني ليش .. وانت عندي ولد بار
ما ظنتي منك يكون . . هذا .. جزايه

دمعي غدى .. على الخدين .. مدرار
ما هقيت . . إنك تشك .. يوم بوفايه

وش ذنبي انا . . في لعبة .. الاقدار
لا تحسب اني .. اللفتها قصه وروايه

لك .. وسط قلبي .. معزه . ومقدار
اقولها من جد .. ترى . ماهي حكايه

هذا كلامي ما اغيره لو صار ما صار
يا غيمة ن مرسوله .. تظلل . سمايه

تسلم على هذا القاف الرائع والعذب يا الراقي ...
صح اللسان وسلم النبض والبنان .. أنا فداهم ...
واعذرني على هذي المجاره الركيكه واللتي لا تجاري ...
نبض قلمك واحساسك المرهف ...

لا خلا ولا عدم ...

أنا فداهم

10-02-17, 03:29 PM

الوضع يا نجم أصبح دمار
وإنته طب الجرح وإنته دوايه

محبتك فالقلب لوحٍ بمسمار
أشهد إنك ساكنٍ فالحنايا

محبتك ما نقصت ربع مقدار
دامك أبو لدنياي هذي كفايه

والشعر حبكة وأنا من الشعار
لا تبحث عن جروحي و عنايه

علاقتي بالشعر من كنا صغار
فيه أتنفس و ترتوي يا ضمايه

غلاك يالضاوي يشبه غلا الجار
وإنت الفهيم و تفهم إنك بدايه

أنا الوفا لو كل الزمن غدار
وأنا سندك لو جفوك البرايا

أفز لك فزة الحر من الأوكار
وأشربك عذب المعاني بسقايا

عيب تقول إني كرهتك و عار
ما أقول غير الله عليم بالنوايا

...

أسهبت في المجاراة يا نجم ضاوي و خليت القصيدة موجهة لك وهي والله ماهي الا حبكة مو أكثر

مجاراة رائعة يا مبدع

لا خلا ولا عدم

نجم ضاوي

10-02-17, 04:09 PM

هههههههههههه

لا لا والله انا ما فكرت في هذا ابدآ ...
ولكنها تخيلات شاعر وهي البيوت جات كذا بطبيعتها ...
حاشاك من الزله بس احيان التخيلات تشطح شوي ...
الا مابيننا شي يخليني اشك لو مجرد شك في ان اكون ...
انا المقصود بالقصيده بيني وبينك احترام متبادل وانا ...
ماشفت منك الا كل طيب وكل خير ...

أنا فداهم

10-02-17, 05:44 PM

الله يديمك يا نجم و يكثر من أمثالك و يبارك فيك أنت وجميع الأخوة والأخوات بالمنتدى و خارجه
والله يديم المحبة والألفة بيننا و صح لسانك مرة أخرى و شكراً للجميع اللي زرعوا بداخلي الثقة و التفاؤل والإيجابية
يعلم الله كلكم أحباب قلبي ولكن لا أظن أن بقائي سيطول فأنا مللت الكتابة و لم تعد شيئاً مذهلاً بالنسبة لي ظ:3:

هيبة ملوك

10-03-17, 11:16 AM

السلام عليكم ورحمة الله وبركاته

أخي الغالي ..

لوحة بالرغم من الكتابة باللون الأسود بها إلا أنها كانت فاتنه

مشاعر مؤلمة جدا والمتعرش على هذا الألم هو نفسه من عرشته على قلبك ليصونه

حاولت أختيار بيت لأقتبسه في ردي .. إلا أن كل بيت جرحه تروي قصة منفردة

عافاك الله وأبدعت في أمتاعنا بلهيب مشاعرك

صح لسانك

بو محمد

السامر

10-15-17, 03:36 AM

بدايةً صح لسانك
الأمور العاطفية ما ينلام من يعانيها لكنك ما شاء الله قادر أن تصيغ شعورك ونصيحتي لك
اكتب لا تتوقف عن الكتابة انت قاعد تنسج من مشاعرك اجمل الصور الشعرية المعبره
وهي الملاذ لك في الوقت الحاضر وفي المستقبل بتلقى أنك انتجت قصايد تفخر فيها لأنها
هي اللي لملمتك من بعد ما بعثرك الزمن
تقبل مروري وتقديري لشخصك