قولوا للي يشوفه يسلم عليه ( موجهة ) [الأرشيف] - منتديات مسك الغلا

أنا فداهم

10-03-17, 08:26 PM

,

,

الشاعر اللي يكتب بكل ما فيه
حقٍ علي أوصله لو كان غايب

أطرب لسمعه والأشعار تطريه
وكل مطرة مقتفيها سحايب

يتغلى علي وأنا بالحيل أغليه
ويجافيني دون أيـة سبايب

روحي فداه لو الروح ترضيه
صاحبٍ أذخره لوقت الصعايب

تعبت في بعده يا وين ألاقيه
ما ودي أعوّد بلياه خايب

قولوا للي يشوفه يسلم عليه
أمانةٍ فأعناقكم ,,, يا حبايب

القارظ اللي يامر وأقول لبيه
أفزع لشرواه و أسدد ضرايب

,

,

:MonTaseR_2:

.

أنا فداهم

القارظ العنزي

10-04-17, 12:19 AM

يا مرحبا بالقاف واللي كتب .... فيه
يا مرحبا بك يا عقيد ....... النجايب
الصاحب اللي يذكر اني .... مجافيه
ولعله في بعض المشاريه .... صايب
اقسمت بالله ما جفيتك من ... التيه
ولا اني من اللي يرخصون الحبايب
قافك يعجبني ومثلك تطرب قوافيه
يا شوق من فاقت بحسن .. الترايب
ابو جديل بالشمطري .......... مغذيه
الجادل اللي سببت لك ........ لهايب
يا انا فداهم مثلك غالي ...... ونغليه
ما نرخصه لو هو بعيد ....... وغايب
مير ان غدا بك ابو ضاوي هو . البيه
خذاك منا واعتليت ....... .. الركايب
وخلاك من اول البشر في .... غواليه
وبديت اخاف من القوافي .. وهايب
والا انت غالي ومثلك قلبي .. يواليه
وشلون ننسى من يدفعون الضرايب
لا والله غالي واغلي الهيلا .. وطاريه
سادات نجد ويشعلون ...... الحرايب

نجم ضاوي

10-04-17, 01:54 AM

انا مالي دخل .. في المشاريه
بس اتفرج . . ردود .. الحبايب

كل منكم . يا سادتي انا اغليه
وكل منكم رأيي . . فيه صايب

انا فداهم عندي . برتبة معاليه
والقارظ عسل ويا محلاه شايب

اشوفكم عندي مثل النون ومحاجيه
واوله على اللي منكم صار غايب

يا فاهم ن قصدي . والقاف قاريه
مالي .... غيركم ... والله حبايب

الكل منكم فحل . ولا اقدر اجاريه
انا الضعيف بينكم .. شاعر وخايب

صح لسانك يا أنا فداهم مدد بلا عدد وسلم نبض قلمك ...
قصيده رائعه ناجيت فيها الاخ القارظ العنزي ونعم من اخترت ...

وصح لسانك اخي القارظ العنزي على الرد الاكثر من رائع ...

واعذروني على ردي المتواضع فليس ندآ لكم ما أنا الا نقطع ...
في هيجان بحركم الهادر فأعذروني على التقصير فليس ندآ لكم ...

القارظ العنزي

10-04-17, 09:55 AM

دام ان فداهم عندك رتبة.. معاليه
أكيد أنا يالقرم باصير ...... شايب
ان اعرف انك دوم تعزه ... وتغليه
من شان ذلك مبتعد .... يالحبايب
الله يعطينا مثله يوم انت معطيه
ويرزقنا ربي من رضاكم .. وهايب
يا حظه اللي على غيره...... تبديه
يصير صايب ولو ما كان .. صايب
يكبر بقربك ثم تصعد ...... قوافيه
وغيره مثل حالي شويب . وعايب
هذا من قولك ما هو قولي ولا ابيه
كبرتني واحرقتني ......... باللهايب

أنا فداهم

10-04-17, 01:26 PM

فداكم ' من دونكم ضاقت به لياليه
والدنيا سوت بحالي كل العجايب

لا تنشدون العين عن دمعٍ تخبيه
لو رفّ جفني تغرق به سحايب

غصب علي أتذكر إنسان أغليه
اليوم جسمه صار بين النصايب

ليت الزمن يرجع وبعمري أفديه
يا هو نهب دقات قلبي نهايب

يا عين (لا تبكيه) يا عين (إبكيه) !
إحترت بين نزل المدامع و الكتايب

حزني على إنسان يحتويني بيديه
أشد من حزن القصيد بفقد الحبايب

إحساس طفله

10-04-17, 01:49 PM

صح لِسـآنكم ي الغوالي واعتلا شـآنكم
مستمتعه وانا اقراء قصايدكم :x38:
لا هنتو ولا هـآنت اقلامكم

احلام عابره

10-04-17, 02:45 PM

زارني طيفك بحلمي وتمنيت
تبقى بقربي ولو طيفك خيال

يالي ..بالهوى عقلبي تجنيت
وقطعت ما بيننا حبل الوصال

لك في خفوقي من المعزه بيت
ماتركت لغيرك في قلبي مجال

أنا فداهم

10-04-17, 07:28 PM

حضيض من زارك بحلمك يومك غفيت
وشاف لمعة جديلك وذاق من الزلال

جيتي بأحلامك سرتني بعد ما سليت
وابتسمت شفاهي فوق جرفٍ هيال

زانت بي الدنيا بعد ما انته حكيت
و إعجابك بأبياتي زادتني إكتمال

والبارحة جريت مسحوبي و بكيت
تعالي مسحي دمعٍ تهاوى و سال

لك شاعر يكتب أبياته بيت بيت
يستنزف جروحه على جرد الرمال

إنها تكون أطهر ذنوبي إني وفيت
أحسن من قول ،، إبتعد ثمٍ تعال

يا أجمل ثلاث أبيات بعمري رأيت
ما أبالغ لو قلت أثقل من الجبال

صح لسانك أختي أحلام عابرة ...
ثلاث أبيات تكفي أن تكون قصيدة كاملة
أشكرك يا شاعرتنا
:رحيق:

القارظ العنزي

10-04-17, 08:37 PM

احلا قصيدة شفتها لك ....... وقريت
واحلا ردود زانت اولاد ....... الحلال
يا ليتني ما شفتها ولا .......... دريت
خذتني من فوق السماء فوق الخيال
لا والله الا عقبها انا ............. نويت
انام لاجل الحلم يآتي ........ بالجمال
واشوف لي بالحلم ما طاب . وبغيت
من اللي عينه عين شيهان .... وغزال
واسوي كل ما يطرب وايضا اشتهيت
سواء حرام كان منها او ........ حلال
وان قالوا هذا ذنب واستر .. ما رأيت
افتيهم ذنبي حلم ولو طال .. المجال
لو كان الحب احلام والله . ما شكيت
من جفوة الغالي ولو بالجفوة ... طال
ارجع وانام واطول واحلم .... لا بليت
في حلم ما به طيفها ولا ........ خيال

أنا فداهم

10-04-17, 09:42 PM

هذي ثلاثة أبيات بلتني وإبتليت
حطت على دموعي برزخ الإعتزال

ما جاتني الدنيا حسب ما تمنيت
لو هي بيدي كان إرتاح لي البال

شموع الأمل تنطفي مهما ضويت
ولو هي على صدري فاحت دلال

يالقارظ أشعلت الحطب واشتويت
ما عرفت أنطق لك بكلمة تعال

إعذرني يالغالي إلى مني نسيت
الغلا بالقلب طبعاً ولا فيها جدال

صبيت فنجال المعزة و تقهويت
وأنا أردد آه يا محلا ذيك الليال

...

القارظ العنزي
صح لسانك
ما شاء الله أنت بحر متدفق و شاعر جزل بكل المعاني
لا طاقة لي بمجاراتك لذلك اسمح لي على هذي المجاراة البسيطة
عسى أن تروق لك

كفيت ووفيت

القارظ العنزي

10-06-17, 09:22 PM

انا بالقاف ابانطلق كانك ............... نويت
تدعيني للقيفان وتقولي ................ تعال
لاني الشاعر والبحر مثل ............ اطريت
انظم القاف وانجح به نوب ونوب المحال
لو تبي من بيت واحد ما تلقى ......... بيت
والشاعر دايم حاضر في كل ........... حال
بس المهم قدرك كبير ان رحت ..... وجيت
ويطيب لي شوفك بالمسك مع طيب الفال

نجم ضاوي

10-07-17, 04:39 AM

قريت انا القاف .. ومن نهر القاف ارتويت
واعجبني القاف .. لا نقاش فيه ولا جدال

فهمت أنا المضمون وليتي ماجيت وقريت
وش هالقول منكم .. بس يا اولاد الحلال

أنا في قافكم هذا . . ابتلشت . . وابتليت
حسيت كنه في رجولي قيد ويديني اغلال

يشهد الله .. الكل منكم .. على حاله بكيت
وكل منكم . . له إحترام عندي . . وإجلال

هذيك تشكي على ذاك . وإنت لهذا شكيت
والكل منكم عاش . . في سما همه وجال

اما أنا . . عنكم .. يشهد الله . . ما سليت
رغم ان الحظ .. قصر .. علي مثلي ومال

أنا فداهم

10-07-17, 01:42 PM

يا أخوية القلب ينبض بحبك ما حييت
لو انتصف شهرك و إكتمل به الهلال

ياللي قريت القوافي خابرك ما سليت
عن بعض السوالف اللي بيننا تقال

فهمت البيوت اللي عن العالم خفيت
رغم إن فهمها أصعب من المحال

أحلام اللي شفتها بساعة غفيت
نفس الحلم راودها حقيقة أو خيال

يامن تسمع الونة إذا يوم ونيت
تعال قاسمني هموم بثقل الجبال

هذا صدى صوتي دامك أوحيت
يصرخ لك من الآهات وينك تعال

نجم ضاوي

10-07-17, 05:42 PM

انا .. موجود .. يامن لشوفنا حنيت
وانت ملكة القلب .. بحربآ واحتلال

مير . اني معاك .. مزحت وتسليت
وسألتك عن القاف .. بذاك السؤال

عزيز وغالي واحلف لك برب البيت
كلمة ما فيها . . للمجامل . . مجال

ياجميل القاف يوم إني لقافك قريت
مثالك . . اللي بهدنيا .. صارو قلال

يافداهم من قافك ماشبعت ولا ارتويت
خف شوي على قلبي يا إبن الحلال

وين القارظ ويسمع حكيك اللي حكيت
يمكن يأيدني . . ويمكن يوقف بجال

يامدرسة حب . اسمح لي إن تجريت
حبنا عندك يا فداهم . . حب والهبال

القارظ العنزي

10-07-17, 05:48 PM

الله يديم المحبة بينكم ياهل البويت
وحنا يرزقنا ربنا ولو طال ... المجال
احلامكم احلام يقضة ....... لا مبيت
والله يعين من سهر والليل ..... طال
لا صديق ولا رفيق ........ الياخويت
اشتكي له هم قلبي وضيق ...... بال
الضاوي لقى فداهم وانا .... ما لقيت
الله يجيب الفرج من اهل ....الحلال

أنا فداهم

10-07-17, 08:11 PM

أنا برئ من الحكي اللي حكيت
مير حالي يابو ضاوي ماهو حال

طحت فبحر القوافي ولا سميت
مادريت إن للشعر بحرٍ و جال

يوم ظهرت ترفة الطول توي دريت
إني قطعت لهواها عشرة أميال

اللي تمادت في تعذيبي وتماديت
وأنا أنتظر منها لحظة وصال

على مثل حسنها حشى ما رأيت
غير الشفايف اللي فوقها حبة الخال

لا تلومني إذا عن غيرها إنعميت
ليتها من نصيبي زوجة وأم العيال

نجم ضاوي

10-10-17, 01:23 AM

يا ابو سلمان .. لفراقنا كانك نويت
فراقك عندنا . . من رابع . . محال

ياالقارظ العنزي بقافك قلبي كويت
يوم ودك .. تقطع عننا حبل الوصال

انت لك داخل القلب .. مسكن وبيت
وقت ما تلفي . . حياك ربي .. تعال

وإنت يا فداهم لا تبيع اللي اشتريت
لو اعطولك فيه . . ثقلك .. من المال

دام منها . . عهد المحبه .. قد خذيت
يعني ما غيرك أحد . يخطر على البال

يا سكن ن عنا هناك .. بأرض الكويت
خذها نصيحه لاتسمع بها القيل والقال

البارحه . . يشهد الله اتقلب ما غفيت
من قاف قاله القارظ عكر صفوت البال

يعلم الله من معانيه داخل القلب انكويت
الله يسامحك . . اتعبت بقافك .. الحال