((يالضاوي وش حيلتك باللي هدا رميه))

[القارظ العنزي]

يالضاوي وش حيلتك باللي هدا . رميه
من عقب ما كان يسلفني .... ويستافي
كم ليلة شفتها بالحظن ......... مرتمية
نوب تغطى بي ونوب هي .. . الحافي
ونوب تجيني بها الاشواق .... محتمية
ونطفي الشوق وشكوى زين الاوصافي
وكم ليلة بين حظينه كني ...... الدمية
تلعب بها فوق الصدر وبين . الاطرافي
راحت وخلتني وكني عقبها .... بحمية
واعلل القلب عن فرقاه ........ يالوافي
ما مركم في ديارك مثلها .......... وزيه
ترى العلامة يالغالي حظنها .... الدافي
عجل وخبرني خي يفزع ......... لخيه
عهدك بك الوافي عندي ودايم اسنافي

القارظ العنزي

[منتظر المستحيل]

روعاااااااتك

[القارظ العنزي]

صحة روعاتك منتظر المستحيل ، أسعدني مرورك

[نجم ضاوي]

السمي يا خوك .. يطلع .. على سميه
كيلك يا القارظ . . ناقص .. مهو وافي

لا رميت .. يا اخوك . . سدد .. الرميه
ولا كلت يا القارظ . . كيل .. بمغرافي

دروبك .. يا ابو سلمان اشوفها معتميه
تمشي بلا موقع على الجوال جغرافي

لا بغيت تصاحب .. لا تصاحب .. الهميه
صاحب اللي . . مثلك وشرواك سنافي

ماتذبحك كود الغزال إللي لشام منتميه
لا تحسب انك .. بعرفها تعيش مرتاحي

خذها نصيحه .. لا رميت .. سدد الرميه
ويرتاح قلبك . . لا صارت تنزف جراحي

[القارظ العنزي]

هذي من جنس حواء ما هي هفية
ما غيرها يلعب بوقت .... اضافي
الياقبلت حييتها ........... بالتحية
وشلون لو تبلاك بحلو ... الاشافي
وان ادبرت خلتك بحال .... شقية
كنك غريب ديار وبين .. السوافي
كم واحد ولى وصار ..... الضحية
يوم اهجرنه ما لقى له .... ملافي
لا تلومني يا صاحبي ..... بالقضية
الحب ما له غير الغالي ... مشافي

[نجم ضاوي]

انا اشهد ان كلامك كالشضيه
في غزال . . زين الاوصافي

وحبها .. يشهد الله . . قضيه
يا زين حكيك فيها يا السنافي

محبوبتك مابها اوصاف ن رديه
وحسنها .. الظاهر . . خرافي

اعطاها من اجمل قيفانك هديه
يمكن قلبها على حالك يرافي

غزالتك .. توها يا القارظ صبيه
وما انت عندك اصبح النور طافي

يكفيك من الحب .. روحك شقيه
خلك بعيد .. وعن الانظار خافي

[القارظ العنزي]

اللي يسمعك يقول عظامك ... طرية
ما يدري انك من طول السنين غافي
انا شباب وشوفي يطرب ....... ابنية
بنت جميلة ما تلفت ......... اخلافي
ساعة اسافر تنثر دمعه .......... عليه
وان عدت تفرح بشوفتي . يالسنافي
قلبي تعلق في فتاة ............. عذية
ما شفتها مع نابيات ........ الاردافي
عيونها عين اللي تقود ........ الظبية
لو شفتها تمشي على الرجلين حافي
وتاقف على طولك وتعطي .... تحية
تضرب سلام لابو الثمان ... الرهافي

[نجم ضاوي]

هذي غزاله . . فطينه وذكيه
صغيرة سن . . والعقل وافي

غزالة نفوذ وبها حنكه بدويه
وزينها يا القارظ اظنه خرافي

اوجعن قلبي . واتعبني كليه
ليتها عندي واعطيها راتب إضافي

[القارظ العنزي]

البنت يالضاوي من نصيبي . وليه
ما ينفك لو زدت راتب .... اضافي
انا متعهد ..... يامحزمي .. للولية
ما بيعها لو صار ضرب .. وشلافي
بنت شرتني وانا عزومي ... قوية
ومن دونها يا خوك ما من عوافي
بعت العرب وبعت كل ...... بدوية
ومن اجلها بينت سر .... وخوافي
معرب الجدين وجاني ...... هدية
اخذتها بالدين تفرش ..... الحافي
الياقصرت بنت الرخوم .... الهفية
تسترني بالغيبات وتكرم أضيافي

[نجم ضاوي]

جاتك من الله . . يا القارظ هديه
خذها ولك القلب ياصاحبي صافي

كانها اعجبتك يا القارظ . هالبدويه
وجمالها .. على حد قولك خرافي

يوفقك ربي . . ويكتب الصبر ليه
هي لك . . وما بيننا أيت خلافي

انا اشهد انك يا القرم غالي عليه
اجيك مشي على الرمضاء وحافي

يا ذا الوقار يشهد الله إنك اخيه
ودي اشوفك دوم طيب ومتعافي

قافك يعطيني .. نشوه . وحيويه
كل حرف فيه مثل الذهب صافي

أنا احضري وحبيبتي هم احضريه
كان الخطأ مني قول لي عوافي

[احلام عابره]

صح ..الله لسان الي هاوي...الشاميه
الي على الرجلين يمشيلها ...حافي

يازينها بنت اجواد مزيونه... ونشميه
طيبها على الناس ماهوب....خافي

ماتنشرى... واتنباع.. ولاهي...رديه
ولاهي من لي يجن براتب...اضافي

القلب .....للي يعزه ...تعطيه....هديه
يشرب من عروقه كاس الود....صافي

نفرشله بين الظلوع العوج .....حنيه
ويسمع كلام ن من العشق....شافي

والله ياكبر حظ الي هوى...الشاميه
جمال وطيبةاصل وكاملة..اوصافي

[إمتلاكي صعب]

ماشاء الله

صح لسانكم


استمتعت بالمكوث هنا

[السامر]

الله عليكم محاوره جميلة
يعطيكم العافية

[القارظ العنزي]

صح بدنك نجم ضاوي لاهنت على المجاراة دمت بود

[القارظ العنزي]

صح احساسك احلام عابرة لاهنت ي على المجاراة دمت ي بود

[سلمان]

ياسلام عليكم
صوت وصدى ولا اروع
صح الله كلكم
حترامي وتقديري

[القارظ العنزي]

صح بدنك صاحب احاسيس

[احلام عابره]

يالقارض مالك...حزين
كن بصدرك سر...دفين
كانك ....محتار...لمين
تشتكي اشتكي...لاحلام

انا ....الي اسمع ...همومك
وانكانك عاشق ....مالومك
خبرني وش هي....علومك
وش الي احرمك....المنام

يا..نجم صاحبك....ماله
وش .الي شاغله....باله
شف كيف صايره...احواله
علينا ......ما برد....السلام

[القارظ العنزي]

يا بنت ابوها ... سيبيني
حزين وقلبي .... حزيني
في دار الغربة .... دفيني ........ وغادرني زين المنام

أما تعال ي ....... زوريني
في روضة بسمة يا عيني
ولك الكرامة ..... يالزيني ...... والا اتركيني يا احلام

تعال ي وهات ي شيبانك
وهاتي عمامك واخوانك
وان ردتي هاتي جيرانك ....... وعلى العموم السلام

تعالوا يمي ........ واهنية
هاتي العشيرة .... جاهية
عساها تخفف ....... عليه ...... همومي وزود الظلام

ولا تزيدي همي بالضاوي
الضاوي كله ....... بلاوي
ذبحني ذبحة .... الغاوي ...... ما خاف من رب الانام

وانت ي اشوفك تطرينه
كنه الشيخ ... ابو سنينة
وهو الشيطان .. وقرينه .. وش عاد ولو صلى وصام

حذراك الضاوي يالغالي
خطير وله برج ... عالي
كم حطم منكم . غوالي ...... وكم نتف ريش الحمام

[منتظر المستحيل.]

تسلا مع العالم وتضحك هناء وهناك

وأنت والكدر والضيق والهم خلاني

ويا القارظ الولهان تستاهل اللي جاك

هون على قلبك وشفيك زعلاني

اللي تحبه مل من حبك ولا ماك

رحل عنك وخلاك في الهم وحداني

فلو هو يحبك ما ترك وصلك وخلاك.

مستانس بدونك في العالم الثاني

هون على قلبك من ضيقك الفتاك

ضكيت صدري ليش دايم تحداني

مع الضيقه ويا الهم سهره وانا وياك

وكلن مع المحبوب رايق وسهراني

من يجهل وجودك من السهل أن ينساك

شف كم انادي له ولا مره وجاني

اللي يحبك جاك ماينشغل بسواك

تجيبه لك اشواقه إذا كان ولهاني

حررت الوصله الخارجيه من المشاركه من قبل المدير العام

[القارظ العنزي]

صح السانك منتظر المستحيل على جميل المجاراة لاهنت