((اثرك بخيل ومعدنك طرد الاجواد))

[القارظ العنزي]

لا تنبش الفكرة وترقد على .... اوساد
وابقى سهير الليل اسامر ......حروفي
يا ليتني ما كنت شاعر ........ وقصاد
ويا ليتك ما نبشت اباقي .... ظروفي
ويا ليتني ما جيت يمك ...... ولا عاد
يوم رمانا بديرتك .......... ما نشوفي
كنت احسب ان ادياركم تطعم .. الزاد
وكنت احسب ان يديك تاصل كفوفي
اثرك بخيل ومعدنك طرد .... الاجواد
اللي تمنوا شوفتك ........... يالهنوفي
كسرت قلبي كسرة ما لها ....... اسناد
ورجعت مفلس من عطاكم .. بخوفي
ومع ذلك زاد الشوق مع طردكم .. زاد
ومع جفوتك لا زلت تبقى ... عطوفي
اكذب اللي شفت يا زين ....... الانهاد
يا بو عيون ن سببن لي ...... كسوفي
لولا غلاكم جيتكم عين ........ واعناد
وآصل لكم لو الخلايق ....... صفوفي
مير البلا يردني عنك .............. رداد
زود الحياء وغلاك ..... واللي يحوفي
ناس تبث الهرج كذبة .......... وتنعاد
وعندك خبر عدونا .......... ما يروفي

القارظ العنزي

[شموخ رجل]

صح لسانك يامبدع
فالك التوفيق :ورده:

[منتظر المستحيل]

راقت لي

[القارظ العنزي]

صح أحساسك 7up كلك ذوق وهذا من لطفك لاهنت

[القارظ العنزي]

منتظر المستحيل هذا من لطفك لاهنت

[نجم ضاوي]

الله . . واكبر . . على . . كل . . حساد
سيئ .. الاخلاق . . ذميم . . الوصوفي

بخيل ن . . بالعطا . . حتى ولو . . جاد
ليت يفهم المقصود من قافي وحروفي

شحيح الوصل سليط اللسان لناس نقاد
شخص ن مثل هذا . يعتريك منه خوفي

لا عاده الله . . بعض الاحباب . . لا عاد
اللي مايراعي للاحباب وضع ولا ظروفي

وضعك . . يا ابو سلمان .. بالحيل . زاد
اتركه .. لو كان فيك .. شيمه ومعروفي


صح اللسان اخي القارظ وسلم النبض والبنان ...
واعذرني على هذي المجاره البسيطه والمتواضعه ...

لا خلا ولا عدم ...

[القارظ العنزي]

قلبي تعلق والبلا عندنا ........ زاد
ولا هو على كيفي اغير .. ظروفي
اصبر واصابر والله ربي هو الهاد
يهديه ليه قبل تقبل ...... حتوفي
الشوق يالضاوي بين صادر ووراد
حتى بمنامي خالطتني ...الهنوفي
انا ما فزت بصيدتي والغضي صاد
قلبي غدا مع نابيات ..... الردوفي

[‏ღعـــڒٍۅڒٍ‏ღ]

قصيده جميله
القارض
اي اي الله لنا نسيتنا ماعاد تسال
عن اخيك عزوز
كح
:بكى:

[القارظ العنزي]

هلا بك ياالعزي عزوز الغالي ، الجمال كله في طلتك البهية ، بالنسبة للنسيان ، فأنا من كثر ما جفوني الأحباب فقدت الذاكرة ، لكن أحرص على المرور لعلك تنعشها ونسجلك فيها لاهنت .

[احلام عابره]

سهرانه عيني... وجمر الهوى...وقاد
واحلم ...كفوف الولف تلمس...كفوفي

طاغي جرح ...الهوى بالقلب...ماعاد
يبرى .......ولا عاد ....تنفعه...وصوفي

ماكنت.... اظن انه... قلبي ... بينصاد
ولا.. بسهم..... الهوى...يهتز...جوفي

من سبة الهجر نفسي عافت ...الزاد
ويقتلني ..على بعد..الخلان...خوفي

[القارظ العنزي]

صبرك على نار الهوى دوم .... وقاد
صبرك عليها يا جميل ... الوصوفي
هذي حال العشاق محدار .. واسناد
مع جفوة الغالين طوف ... وطوفي
ولولا الصبر مع الامل عقلنا ..... باد
ورحنا مثل مجنون ليلى مخطوفي

[نجم ضاوي]

الحب .. عليك يبخل . . ولنا . . جاد
قاسي . . عليك .. وعلينا . . رؤفي

انا .. للحب قايد . ولا عمري . انقاد
تاقف محاني القلب للغالي صفوفي

الحب . من طرف واحد للقلب ما فاد
حبك مثل حب .. مسيحي . وصوفي

الحب عندك .. يا القارظ .. دله وبراد
وصوت الربابه . على راسك يطوفي

مالك .. وللحب .. يا عاشق .. الايباد
الحب ما ينفع .. لقاسين . الظروفي

خد مني دروس الحب يا سيدي الاستاد
انا العاشق انا الولهان وانا الشغوفي

[القارظ العنزي]

وقتي قضيته بين الزوجة والاولاد
وخلك مع اللي بالحنايا ..... تروفي
مبروك حبه كان حبه لكم ....... فاد
الله يزيدك من عطاه ...... ونشوفي
اخشى عليك من اللي قاسي وجلاد
ما تمشي الخبرة عليه ..... وتطوفي
يلعب بقلبك والهوى عنده ...... عناد
ما لك وما له يا لطيف .... الحروفي
خلك معي يا صاحبي ودربنا . اسناد
قبل يرمنك في ظلام ..... الجروفي

[نجم ضاوي]

دامي اقضي جل وقتي على السجاد
ارجي الله واشكي له اقسى ظروفي

ما اخاف . . من كل .. حاسد .. ونقاد
يضحك بوجهي . . ومن ورايه يحوفي

كل اللي . . سواه . . معي .. مافاد
مليت قلبه .. مني رعب ن . وخوفي

يا ابو سلمان . غلاك داخل القلب زاد
اسمك مختلط .. مع دمي . وحروفي

انت سيد .. ومعتلي .. عرش الاسياد
انت الخوي يامحزمي ومثلك ما اعوفي

[القارظ العنزي]

يا صاحبي كانك عن الحال نشاد
الحال شينة والحرايق .. بجوفي
اسباب ورع ن عذب القلب بعناد
فاق بجماله مخضبات . الكفوفي
المشكلة ما هو من البيض .. لداد
يمشي عدل ما يتلفت ... لشوفي
العين عين اللي على الخرب وراد
خلى ريش الحباري ...... انتوفي
والجيد جيد الريم اللي لهن . قاد
هن يتبعنه والخلايق .... تشوفي
والخشم سلة سيف بيدين جلاد
ومبيسم يذبح مع جمال ينوفي
لواهني من يملكه ظبي .. الانفاد
اللي معه قلبي وعقلي مخطوفي

[نجم ضاوي]

حاشى .. هذا ملك . ماهو من اعباد
خلقه الله .. كامل وزين . الوصوفي

هذا عيد بس ماهو من ضمن الاعياد
يا بخت منهو .. يحتضنه .. ويروفي

يا القارظ كانك على هالوصف نشاد
هذي من الشركس والوصف معروفي

وا غبني على حظك وقعك في نكاد
ما يرحم الاحباب . ولا حتى عطوفي

هذي فرس جامح . مالها قايد وتنقاد
واسمها مكون .. من اربع .. حروفي

آه يا القارظ . . طحت . . في يد جلاد
الايام . . بيننا تحكم .. وبكره تشوفي

[احلام عابره]

صحيح انه الهوى ....دوم...غلاب
ياخذ خفوقك ..والعيون...تشوفي

ويخلي العاقل ...سواح...بالبلاد
وكن ....المنايا من حوله...تطوفي

ما.....ينفع معه كثر نصح...وارشاد
مادام ......قلبه مع الزين....مخطوفي

يالقارض .مانت اولولا آخر ....العباد
الي ....ينصابو ......باسهام...الهنوفي

من قبلك ..ابو زيد.. وعنتر...بن شداد
رجال يهجمو عالموت دون...خوفي

لكنهم عند الحب. اطفال....وتنقاد
وزنودهم ماتقوى ..حمل....السيوفي

ياصاحبي ابعد واحذر لا.....تنصاد
من اسمها مكون من اربع...حروفي


ههههههه
صح صح لسانك يالقارض مليون كلك
استمتعت جدا بحروفك العذبه
تحية الود والورد:نبض:

[منصور المنصور]

صح لسانك ياغالي ربي يحفظك

[القارظ العنزي]

الأخوة الأعزاء -
نجم ضاوي
أحلام عابرة
منصور المنصور : صحة السنتكم وأبدانكم على المرور العذب لاهنتم

[منتظر المستحيل.]

" راجع حسابك "
غـــــلــطـان بـــحــسـبـك أكـــيـد غــلطان
ان كــــــنــــت مــــا تـــحسب غدر الليالي
.
.
إحـــــذر مـــــن الايــــام إن كـــنت شبعان
انـــتـبـه تــــقـول الـــوقـت مُــرَّه .. صفالي
.
.
يـــــا صـاحـبي قد عشت من قبل سلطان
ظــــــنــيــت هـــذا الــــكـون ملكي لحالي
.
.
مـــــــا كــــان لــي اعـــداء .. الــكـل خلان
والــــــــهـم مـــــا قد خطر لحظة في بالي
.
.
والـــــــــيــوم جـــــــار الـــــوقـت يا أخوان
كـــــي ؟ لــــــيـه ؟.. مــا عاد ينفع سؤالي
.
.
وينكم يا أحباب؟.. يا صحاب ؟.. يا عز خلان ؟
الــــيـوم عــــرفـت .. كــــانوا اصحاب مالي
.
.
الــــجـيـد مـــــن تــــلـقـاه إن كـنت تعبان
يـــــواســيك .. ويـــفـرح إن كـــنـت سالي
.
.
والـــغـسل لا تــــرتـــجـيـه إن كان ما كان
مــــا فـــيـه مــعـروف .. مـن الضمير خالي
.
.
عـــانــيـت مـــن وقــتـي اشــكـال والـوان
وســـقـتـنـي الأيـــــــام مـــــــر وحــالـي
.
.
منتظر إن قــــــال خــــلـيـه عــــنـوان
مـــــا يــــسـتـوي الـمهموم ومن كان خال
.
.
مــــا تـثني الــريح في الأشجار غير عيدان
ومـــــانـي مــن اللي تكسره سود الليالي
.
.
إحـــــــذر مــن الــلـي كان بالأمس حفيان
وفــــــقـره تـــبـدل .. وصــار راس مــــالي
.
.
تـــلـقاه خــايف يـــرجـع كما الأمس جيعان
يــــعـامــلـك مـــثل الـــعبد .. أفهم مقالي
.
.
لا تــــحـــسـب ان الــمـال يــجعلك انسان
أدري تــــــقـول عـــنـي إنـــــــي خـــيالي
.
.
لا تــــــســـأل الـــناس وان أعطوك باتهتان
مـــــا غـــير ربــــــك بــــــالــعـطاء لا يبالي
.
.
اتــــــــرك الـــــحـقـد .. نـاره مثلما البركان
يــــــــا ســــعد قلب اللي من الحقد خالي
.
.
احـــــذر تـــهـيـن الــــحـر خـــلـيـك فهمان
يــــــرد الآهــانـه .. ولـو كنت صعب المنالي
.
.
احــــفـظ الله .. يــــحـفـظـك اصـح يا غفلان
لــــــو راح عــمـرك .. للرجعه ما في مجالي
.
.
يـــــالله أنــــا جـــــيـتـك تـــــايـب ونــدمان
اســـــألك يـــــارحـمـن تـــــرأف بـــحــالي

حررت الوصله الخارجيه من المشاركه من قبل المدير العام

[القارظ العنزي]

صح السانك منتظر المستحيل على لطيف المجاراة لاهنت