((المسك ينشدني الضاوي غدا وين))

[القارظ العنزي]

يا من يوصل لي رسالة .... وقافين
يم الصديق اللي تغير ....... مزاجه
من اول دايم على الخط ... ماشين
واليوم اشوفه ملتهي في ... كراجه
مادري غدوا به عني ربع ... موالين
والا غدا به من يشقر ..... احجاجه
ابيض عفر ما صار بين ... المزايين
اللي خذا الضاوي بليا ....... لجاجة
سحب رفيقي غيبه له .... سبوعين
الله يرده سالم من .......... عجاحه
ويرجع على ما كان نجم . العناوين
يثري لنا مسك الغلا ....... بابتهاجه
والمسك ينشدني الضاوي غدا وين
متى نشوفه متى يشعشع اسراجه

القارظ العنزي

[نجم ضاوي]

نجم ضاوي .. ترى ماله عناوين
زاهد .. وماله في دنياه . حاجه

من بعد فقدان .. اريش . العين
القلب من بعده .. ضاعة حجاجه

يا محزمي حزت العسر واللين
يا ساتر ن . . عيب خيه بديباجه

مالي غنى عنك يانسل السلاطين
يا معضد .. نجم ضاوي . وتاجه

يا مهلهل بيوت الشعر بالميادين
لا من صار مبسوط ورايق مزاجه

اختلف وقتي ودارت بي الموازين
وصرت عقب المفاطيح اكل دجاجه

[أنا فداهم]

فحول من الشعراء و بحور لا صعبة مجاراتها

أبدعت أخي القارظ في الرسالة الموجهة ولا يمكن نسيان رد أخي نجم ضاوي على قصيدتك

أنتم لآلئ للقصيد و صحبتكم أفخر وأعتز بها طوال العمر

صح لسانكم واعتلى شانكم
/

\

/

أنا فداهم

[السامي]

تعجز الكلمات ان تصف مدى اعجابي واحترامي لكما

بدع ورد تقف له ابجدية الشعر احتراما

دمتم للشعر عنوان ودام ابداعكم

تقيم ونجوم ولا تكفي

تحيتي لكم

[القارظ العنزي]

هههههههه
ابشر بعزك يا بو ضاوي ..... وهالحين
نقضي لك الحاجة وقبل ..... انتواجه
حقك علينا فزعة تجلي ......... البين
وحقك علينا مثلك نطرب .. احجاجه
وان ضاقت الدنيا نجيكم .. مسرعين
نقضي اللزوم ونعتني بكل ..... حاجة
وش خانة الدنيا بليا .......... عناوين
عنوانها يالقرم عزك ............. وتاجه
القارظ يرخص لك ترى القلب والعين
وان كان ما سدوك قطع ......اوداجه
خذها صريحة صدق معها . البراهين
ما هي سوالف مسرد ...... مع لجاجة
حنا لكم دايم على العهد ...... والدين
دين النبي ما هو بدين ...... الخواجة
وحنا لكم نذبح كبش ....... الخرافين
حرام مثلك ما نذبح له ........ دجاجة

[نجم ضاوي]

اعتذر عن تحرير المشاركه لاني حسيت ان فيها تمادي على كرم اخوي القارظ العنزي ...
واعتذر لاخوي القارظ العنزي عن خروجي عن نص المحاوره والردود ...

[القارظ العنزي]

هذا من لطفك وكرمك يالغالي ابو ضاوي ، ومثلك كبير المقام ، ويقدر الاخوان ويحفظ مقامهم لاهنت .

[القارظ العنزي]

لا تهون شيخ الذوق وانت الذوق كله .