((يالمسك هرجني ترى الجو ملغوم)) [الأرشيف] - منتديات مسك الغلا

مشاهدة النسخة كاملة : ((يالمسك هرجني ترى الجو ملغوم))

القارظ العنزي

11-01-17, 05:05 PM

يالمسك هرجني ترى الجو .... ملغوم
ضاقت بنا يالمسك جو ..... ومساحة
لاني مع اللي بالسماء يدرك ... الحوم
ولاني مع اللي بالوطا ....... والبراحة
متعلق ما بين همات .......... وهموم
همي كبير وهمتي .......... مستباحة
كل ما بغيت اجيبها واقهر ..... القوم
يحدني وقت على الله ........ فلاحه
طال السهر والعين عيت عن .. النوم
مضيت ليلي بالسهر ......... والمناحة
كني حبيس الفرس والا مع ... الروم
مسلسل بالقيد صعب ......... مطاحه
ولا به صديق يشعب النار .... ويقوم
في مجلس يلقى به القلب ..... راحة
نشكي له الحالة ويبعد عن ..... اللوم
روحه لطيفه كله ذوق ....... وملاحة
يزيدني في همتي همة ........ اقروم
يشيل الهم ويخفض لي من .. جناحه
وان جرت الجلسة سواليف .. وعلوم
مع هرجته كني برحلة ........ سياحة

القارظ العنزي

منتظر المستحيل.

11-01-17, 06:48 PM

- حرفُكَ رَبيعٌ فاتِنْ ..
كلمات تصل الي شغاف القلوب
وقلم متميز ينثر عطرة هنا وهناك
الإلهام لبُ الكتابة حقا ..
أروتني أحرفك حد الإكتفاء
لقلبك بياض لا ينتهي

القارظ العنزي

11-01-17, 07:10 PM

نثرك الذي نثرته في متصفحي منتظر المستحيل هو الشعر بعينه وان لم يقفى ، فمنك نستقي الحرف ، وبك نقتبس القاف ، وما انت الا أحد ملهمي الشعر والمشاعر التي يحتاج لها الشاعر ، لاهنت في طلتك البهية ، كلك لطف وذوق واحساس .احترامي

الفيفي2017

11-01-17, 10:27 PM

يعطيك العافية اخي
حضور مميز كالعاده

القارظ العنزي

11-01-17, 11:10 PM

الله يعافيك الفيفي 2017 الجمال والتميز في مرورك .

نجم ضاوي

11-02-17, 12:15 AM

يا لعن ابو الوقت . خلاك محروم
سوى فيك الهوايل وعمق جراحه

ما اللوم من مثلك .. ياسيد القوم
إنت تدري . إن الوقت مافيه راحه

انا حمال الثقال في وقت اللزوم
عيني لك فراش والقلب لك واحه

كللي همم . وكللي نشاط وعزوم
اقوم لك الجيش .. عسكر وذباحه

وقت الشدايد . . تلقى مني علوم
فريش وانام وخل النفس مرتاحه

خابرك يا القارظ . سميدع وزيزوم
تجيب الذيب .. لو هو على سفاحه

انت بي ملزوم .. وانا بك . ملزوم
وظلم الوقت يا اخوك ما به مزاحه

عسانا انا وياك نبقى على الدوم
بيننا الاخلاص . . وصدق وصراحه

القارظ العنزي

11-02-17, 01:06 AM

لو كنت عندي يا فتى الجود . والقوم
ما حدني ضيق الزمان ...... وجماحه
ادري بك انك تدعس الروس وخشوم
يالفارس اللي يفتخر في ..... سلاحه
مير البلا في غربة ما بها ........ سوم
يا قلهم فيها رجال ........... السماحة
اللي على يمناي الانذال ...... ورخوم
واللي على يسراي نسل ..... الوقاحة
الريحة اللي كنها ريحة ......... الثوم
فداحة يا ويها من .............. فداحة
ما شاقني فيها من البيض .. موشوم
ولو عرضت لي مثل ظبي ... البراحة
ما يهتني قلب من الوقت ..... مكلوم
دام الذي نرجيه ما من ...... فصاحه
توه صغير ولا بعد يفهم ........ علوم
لكن وجوده يمنح النفس ........ راحة