المساعد الشخصي الرقمي

مشاهدة النسخة كاملة : الجروح ..!


أنا فداهم
11-12-17, 10:14 PM
لا ضاق وقتي علي و ضاقت سنيني
سجدت للي مقاديري ... مسخرها !

يا رب يا معبود فيني اللي مكفيني
وإنت الوحيد اللي كسراتي تجبرها

خل الجروح ؛— تموت و تندفن فيني
أبرك من اللي ... تجيه " وما يقدرها "

ما عدت أعرف أصحابي من عدويني
ساعة تطيح الأقنعة ينكشف ساترها

يا كم زرعت طيوفهم في بساتيني
أظل أراقب الغيم لو حل ماطرها

يا خطوتي على أي درب وديني
أبي أشوف طعونهم وشهي آخرها

كني غريقٍ و صوت الفرقا يدعيني
في ليلةٍ ثملى بعنوان ... خنجرها

والصاحب اللي ما توقعته يُجافيني
هو نفسه اللي طعناته ... ذاخرها

لا واحسايف ناس رفعتهم بعيني
اليوم صاروا بوجهي ترفع مناخرها

ماعدت أصدق كلام الحب يا محبيني
ما دام غابت النجمة اللي أسامرها

وين الصدر اللي ليا ضقت يحويني
غديت كني قصيدة مات شاعرها

اميرة القلوب
11-12-17, 10:22 PM
ما عدت أعرف أصحابي من عدويني
ساعة تطيح الأقنعة ينكشف ساترها


صح لسانك
سلمت

أعيشك
11-12-17, 11:12 PM
وين الصدر اللي ليا ضقت يحويني
غديت كني قصيدة مات شاعرها




أعجبني جداً ما كتبته ،
و احساسك فاق كل الروائع ..
أبـدعت فيها ، لآ هنت ..
لم استطيع سوى كتابة تلك الكلمات البسيطة جداً ،
فـ تقبل مروري ببساطته :ah11:..

‏ღعـــڒٍۅڒٍ‏ღ
11-13-17, 03:25 AM
صح للسانك
مبدع دايم انفداهم
:MonTaseR_171:

اخوك azOoOoOoz
سايقا كح

الفيفي2017
11-13-17, 05:57 PM
لا ضاق وقتي علي و ضاقت سنيني
سجدت للي مقاديري ... مسخرها !


سبحانه وتعالى
صح لسانك وبنانك ولافض فوك
ابيات راااائعه

القارظ العنزي
11-14-17, 09:17 PM
صح السانك يا انا فداهم قصيدة معبرة متميزة ، حقيقة أبدعت لاهنت احترامي لذوقك الرفيع واحساس المرهف وشاعريتك الفذة .

إحساس طفله
11-14-17, 09:30 PM
وين الصدر اللي ليا ضقت يحويني
غديت كني قصيدة مات شاعرها

صح لسانك ي انافداهم
انت مبدع كعادتك ي الغالي ..
بس ابدعت هذي المره ب القصيده ..
سلمت اناملك
ارفع لك قبعتي :t:
لاهنت ولا هان قلمك

إمتلاكي صعب
11-16-17, 11:25 AM
ين أنا عن هذا الجمال؟

أنا فداهم

قصيدة جميلة جداً
فاتنة ، بهية

معبرة

سلمت و سلم نظمك


ما عدت أعرف أصحابي من عدويني
ساعة تطيح الأقنعة ينكشف ساترها

يا كم زرعت طيوفهم في بساتيني
أظل أراقب الغيم لو حل ماطرها

يا خطوتي على أي درب وديني
أبي أشوف طعونهم وشهي آخرها



أتحفتنا بإبداعك يا فداهم

تقبل مروري








إمتلاكي صعب

نجم ضاوي
11-16-17, 07:47 PM
شهادتي فيك مجروحه اخي .. انا فداهم ..
ماذا عساني اقول عن ما قرأته في متصفحك الغني بالجزاله ...
صح اللسان وسلم نبض القلم والبنان ...
ابدعت واجزلت لله درك ...
بصراحه رائعه بكل ما تعنيه الكلمه من اروع ما قرأت لك ...
كفيت ووفيت وفالك البيرق ...

لا خلا ولا عدم ...

نجم ضاوي
11-17-17, 07:01 PM
يا انا فداهم . . كان . بجد . . تغليني
اسمع . . كلامي .. وربك . . يدبرها

لولا غلاك . . ولولا .. إنت .. تعنيني
واخاف الحبيبه .. في يوم . تخسرها

لا تضيق وتزعل . . يا نظر . . عيني
لا بد .... الله . . امورك . . ييسرها

الاصابع تختلف .. في راحة .. يديني
مثل الناس .. تختلف . في خواطرها

الصاحب اللي ماياقف بالعسر واليني
وصاحب ن يكشف . . لناس ستايرها

ما يلزمك . . هذا .. لا مله ولا ديني
هذا المرايه .. اللي لا بد .. تكسرها

وضعك يا اغلا .. الاصحاب . مشقيني
اسأل الله . . اوضاعك . . لا يعسرها

مد لي يدك . . ولامس بها . . يديني
اخوت .. نجم ضاوي .. انت . خابرها

انصحك .. لا تتبع سراب . المقفيني
ولا تجامل .. قلوب الغير . وتجبرها


صح لسانك اخي .. انا فداهم .. وسلم نبض قلمك وبنانك ...
قصيده من اروع ما قرأت لك فيها عذوبة المعاني وجزالة الحرف ...
لله درك وبيض الله وجهك ...

لا خلا ولا عدم ...

نسمة خجل
11-17-17, 11:07 PM
صح لسانك كلمات جميله
بنتظار جديدك:ورده:

منتظر المستحيل.
11-17-17, 11:37 PM
جيت أشاركك همومك والجراح

واقول إنك صرت بالفرقه جريح

وأشوف طعنتك بالبعد بالحد الصفيح

قرأت قافك عرفت انك غير مستريح

تخفي عذاب البعد وتمثل مستريح

وياما وياما تضحك وأنت تخفي جراح

شوف دمعاتك وهي تكتب لك جريح

لا تكتم  أبكي ترى أبكي صحيح

مشتاق له شوق شوق (ن)يقود الرياح

فوق نار. البعد صار قلبك مستضيح

بس ما يفيدالشوق لمكسورالجناح

نهض الجنحان ويامسرع تطيح

ببعده صارلك عمى مافي له صباح

حتى في ليلك ما انت. مستريح

و ما يفيدالورد لو فتش وفاح

والعين ماشافت لها هالزين المليح

طار عقلك جن. و انت حالك صحيح

صب دمعك موج على الخدين طاح

وصار دمعك نار على خدك يطيح

وكثير قالوا ذاب من عشق الملاح

ولاعاد فيك حيل تقاوم يالمليح

كنت تظن العشق. من له أستراح

والصح خالك ا. لعشق هو المستريح

وكم غلبنك البعد بجده و المزاح

وأنت تدري إنك مانك لك شحيح

أرسل سلامك كل ما هبت رياح

بلغه خلك .. مانك بعده مستريح

ليته قتلك وبعدها وللا وراح

ولاتركك حر. من بعده جريح


SEO by vBSEO 3.6.1