على الظروف !

[أنا فداهم]

إخترت فراقي و خليتها على الظروف
وتبغاني أنساك بكل سهولة وأكرهك

عذرك اللي جبته خابره و معروف
إنساني و ما أقدر أكمل معك !

عطيتني ظهرك بلا مصافح كفوف
وإنتثر دمعي و أزريت أجمعك

يا ليتها الطعنة بـ حد السيوف
يمكن مع الأيام أنسى وأسامحك

خذ الذكرى معك و بكرة تشوف
إني الوحيد اللي ممكن يتحملك

أتحملك و أغفر ذنوبك يالهنوف
شوف كم مرة خطيت و أعذرك

حتى لو عذرك اللي جبته معروف
يبقى إختيارك و أنا بكمل معك !

[منتظر المستحيل.]

بعض العقول اليوم تحتاج تحديث
ويتم مسح أفكارها قبل تصدا
من ثم تتهيا وترجع إلى حيث
كانت قبل تضرب بفيروس الاعدا
يا "أنا افداهم" لا ترجف نتيجة أحاديث
ماحد لحد في هذه الأرض عبدا
مادام شفت الحق مافيه تلويث
فلا تجامل حد في الحق ابدا
والرزق بيد اللي ينزل لنا الغيث
شوف النحل ينتج من المر شهدا
والقط مايرقى إلى مستوى الليث
ولا منافق نال بالكذب مجدا
والذيب مايقرب فتات الملاغيث
لأن عز النفس ميزة ومبدا
والمرجلة ماهيب ضمن المواريث
كم رجل خلف بعده أقوام لدا