هديه مني لمنتديات مسك الغلا

[ابوالليل]

ياطير يلي في السما دايم تحوم
ياحر يلي تعلى فوق الغمامي

بلغ سلامي للذي فيه مغروم
وقرييه هالابيات بعد السلامي

مسك الغلا غنيت لك شعر منظوم
يلي غلاتك ساكنه في عضامي

اسمك على لساني اردده في اليوم
مليون مره اذكر احلا الاسامي

لنك بقلبي يالغلا دايم الدوم
لك منزل وقدر ووفى واحترامي

قلبي بحبك ياغلا صار متهوم
لكن لجلك راضين ب اتهامي

اسمك بنبض القلب يامسك مختوم
متربع(ن) وسط الاحاسيس نامي

ابوالليل لامن قال بالقول ملزوم
الكل يعرفني ويعرف كلامي

وختامها صلو على سيد القوم
المصطفى المختار سيد الانامي

وسلامتكم

الشاعر ابوالليل

[سلطانة زمانها]

صح لسانك

[منصور المنصور]

تهدي البل

تعيش وتسلم ولا تنقطع هداياك

[نجم ضاوي]

رائع اخي ابو الليل وتستحق ختم الابداع ...

ولي عوده مرة اخرى بإذن الله ...

[نجم ضاوي]

كتبت قاف . . من الشعر . منظوم
للي حضى قافه .. بكل . اهتمامي

اللي هدى من قافه . رحيق مختوم
احلا بيوت الشعر .. ورفع المقامي

ياللي خلق . من المدح شي معدوم
يستاهل مسك الغلا . كل احترامي

لله درك .. شاعر محنك . . وزيزوم
مهما اقول . ماوفا مدحي وكلامي


صح لسانك اخي ابو الليل وسلم نبض قلمك وبنانك ...
وهذا اقل مانقدمه من اهداء لهذا الكيان الرائع والذي يستحق منا ماهو اكثر ...
اشكرك اخوي ابو الليل على شعورك النبيل اتجاه منتدانا مسك الغلا الرائع ...
اجزلت بيض الله وجهك وفالك البيرق ...

لا خلا ولا عدم ...

[أم الرجال]

.



حيّ القصيد إللي كما الفل منظوم
إن ما حصل شمه ، يطيب المقامِ


/
أبو الليل ..
ماشاء الله عليك
حرف رصين وإحساس مكين
كتبت فـ أبدعت
أعطيت وأكرمت

ولـ تكُن سحابة تمطرنا على مر الدوام