((أمشي ومشيني على هونك بلطف))

[القارظ العنزي]

امشي وماشيني على هونك بلطف
ما عاد بي حيل وحيلة .... أماشيك
تبعثرت روحي عقب لمسة ... الكف
وتعثرت اخطاي ما قدر .... اجاريك
خذني بجنبك حفني يالغضي . حف
وان شلتني بيمناك ربي .... يخليك
احس انا بالجوف رعشة وبي رجف
حتى السوالف وقفت كيف الاغيك
والا تفضل لفني بالحشاء ....... لف
فوق الحشاء شلني وشلني بياديك
لا والله الا ضاع عقلي بك ... وخف
ولا عاد اميز باللي يمشي .. حواليك
غديت مثل الورع يمشي معك دف
لا عقل يقديه وعينه ....... بعينيك
امنحني الفرصة نوقف على .. الرف
اخذ نفس وارجوك ترحم .. محبيك
حبك سفهني وسفني يالغلا ... سف
عجزت اترجم موقفي بس اراعيك

القارظ العنزي

[سلطانة زمانها]

ذووووق :27:

[القارظ العنزي]

الذوق في مرورك وطلتك البهية سطانة زمانها

[أم الرجال]

الله عليك
لـ السطر إحساس ولـ الحرف أنفاس
أمشي ومشيني ومرارةٌ محلّى
ومثلك لا يُجارى ..!


أبدعت يا العنزي

[القارظ العنزي]

هلا بأمي أم الرجال هذا من لطفك وذوقك شرفني مرورك يالغالية

[الغاوي]

صح لسانك يالقارض

ابيات جزله

لا هنت

[القارظ العنزي]

صح خفوقك الجزل مرورك يالغاوي

[خمسيني]

صح لسانك

انشهد انك شاعر


يعطيك العافيه

[القارظ العنزي]

صح بدنك يا سنيني الخمسيني هذا من لطفك لاهنت

[أورانوس]

ما هذه القريحة المذهلة ؟!
لم استطع الا اعادة قراءة الأبيات مرةً أخرى
جمالها جذبني

لا عدمنا جديدك

[القارظ العنزي]

هذا من ذوقك ولطفك أورانوس اسعدني مرورك لاهنت

[نجم ضاوي]

الله . . هو ارحم . . بحالك والطف
وهو الذي .. يعلم .. داخل خوافيك

جاني شعور وانا من القاف اقطف
اعذب . حروف الحب .. من قوافيك

يا كاتب الابيات ارحم حالي واعطف
ترى .. بهذا القاف .. مقدر اجاريك

اجزلت في القصيد وياماحلا الوصف
حال . . مجنون مثلك .. مين يداويك

خلك على الرف وبتظلي على الرف
تستاهل الرف .. وانا بدوري باخليك

اما انا قلبي .. من حب الغواني عف
لعن ابو حب . ما يشبع قلبك ويرويك


صح لسانك يا ابو سلمان شاعر من الطراز الاول وعلى الفطره ...
على راسي يا العنزي ...
من اروع ما قرأت لك لله درك ...

لا خلا ولا عدم ...

[القارظ العنزي]

يا حيف ترميني يالضاوي على الرف
وانت الذي حظي من الناس واغليك
ما باقي اللي تقمز تقرع لنا .... الدف
وتعلن عن التشهير وتلعن ... غواليك
ما لوم قلبك يوم جفا الهوى .. وجف
وش عرفه بالحب ودرب ... التهاليك
الحب يبغى له شباب جرى ..... ولف
ولف الغلا يم الغلا واحتفى ... بذيك
وزاد الغلا يوم اكتمل حفله .... وزف
وكل فرح مع فرحته ....... بالتباريك
والشايب اللي مثلك لو تلمسه . بكف
الا يصيح ويقول مو هيك مو . هيك
يومين والثالث وعقله هبى ... وخف
ويمكن يضيع العود بين .. الصعاليك
والا لحجز اشهار يرمى ...... ويكتف
لا ناشد عنك ولا احد ........ حواليك