حصرية ..الغزال الجفول ..

[أنا فداهم]

خلي عنك الحب أبي منك حلول
دام انك حبيبتي أبيك لي بالحلال

أشر بعينك ما يحتاج إنك تقول
لأن الحكي بالعيون أحلى مقال

كل هذا السكوت يالترف الخجول
والله ان الخجل فيك زادك جمال

من كثر حبك صرت أحب العذول
لين فاقت محبتك كل حدود الخيال

من يقدر يوصلك يالغزال الجفول
من يحاول بيتعب لانك شيٍ ما يطال

أقسم إني أحبك ولا يصيبك ذهول
أنا ما أنسى حبك ولو تزول الجبال

اقربي يا ساعة الوصل ودنا بالوصول
كان لي أي خاطر بس عطني مجال

يا ليت كل ما قلت ليت ألقاني أنول
حلم عمري آصلك يا صعب المنال

[مي كتبي]

عزيزتي

كلماتك منسقة

كإطار جميل ومبدع

رغم أني لا اعرف كثيرا في الأشعار النبطيه


ولكنك أبدعتي في الوصف

والتنسيق

ونهاية كل بيت شعري


استمري يامبدعة!:in_love:

[هتآن]

من يقدر يوصلك يالغزال الجفول
من يحاول بيتعب لانك شيٍ ما يطال


صح لسـآنك واعتلى شآنك ..

يعطيك العافيةَ ..

[نجم ضاوي]

الحب .. لابد . . يبنى على اصول
واللي عارف هالاصول ناسآ قلال

صافي الحب . مايغيره هذا وذول
صادق الحب .. يبقى سنين طوال

الحب .. ما يبيله . شخص ن ملول
ويا زين الحب . . لا تتوج بالحلال

يا انا فداهم اتقي الشخص العذول
الذي .. لا مالت الريح . معها مال

الحب وديان . . وتلال . . وسهول
اوله حالي .. واخر مطافه .. وبال

الحب . . يا صاحبي ابد ماله حلول
الحب غدى قبلك .. بعتاول . رجال

الخيل الاصيله لا غدت يمك جفول
ترويضها صعب حتى امتطاها محال

انسحب يا اخوك عندها مالك قبول
يعني مالك . . داخل حناياها مجال

[أنا فداهم]

انحنى ظهر المفارِق من كثر الحمول
ما لقى للبعد حجة ولا حتى احتمال

لي عزيزٍ فاقده شاعر بكل الفصول
يانجم تعرف فقيدي من زحول الرجال

من بني وايل يا عسى عمره يطول
فاقدٍ ريح القصايد فاقدٍ ميل العقال

هو خوي الجنب لا غدى وقتي ذبول
اللي فقصيده تورق اغصان الوصال

[نجم ضاوي]

صاحبك في طلوع ماهو في نزول
الوضع .. طيب .. والصحه .. جبال

الظروف . . تحيط به من كل حول
والهموم ياثقالها .. ماتحملها جبال

لو .. تحاول .. ما تلاقيله .. حلول
لو تفكر . . من الهلال الى الهلال

من جد . صاحبي والله ظرفه يهول
ما غيره يعينه رب الجلال والاجلال

[إحساس طفله]

صح لسانك انا فداهم ..
قصيدتك هذي غير عن كل القصايد ..
الله يسعدك والله يجمعك مع من تحب ..

حسووس

[السهم الأخير]

ثلاثة إن اجتمعوا فعليك أن تصب القهوة وتكتفي بالقراءة

أنا فداهم

نجم ضاوي

القارظ العنزي

شعراء المنتدى وحاملي راية الشعر في مسك الغلا

مفردات عجيبة ومرادات مثرية والأجمل من كل هذا أن الجميع يضع بصمته في عالم الحب العذري الطاهر والعفيف والعشق الأصيل .

صح لسان شاعرنا المرهف أنا فداهم

و ما أجملكم جميعا

[مي كتبي]

اعتذر ايها الرجل
اعتقدك أنثى
لم انتبه
زادك الله شرفا وتوجك بالجنه

[أنا فداهم]

اعتذر ايها الرجل
اعتقدك أنثى
لم انتبه
زادك الله شرفا وتوجك بالجنه

مو مشكلة ولا يهمك و أشكر لك مرورك
اللهم آمين ولك بالمثل