المساعد الشخصي الرقمي

مشاهدة النسخة كاملة : [ ؟ وإذا مجروح ؟ ]


أنا فداهم
01-07-18, 08:50 PM
-

-

-

‎وإذا مجروح وش تفرق معك إذا مجروح ؟
‎مصير الوقت يسعدني و تضحك أيامي

‎لا ما تضيق و باب الأمل واسع و مفتوح
‎و على أرض يأسك بقطف ثمار أحلامي

‎بقولك كلمة يا من نويت تنساني و تروح
‎خذيت مني اللي تبي كملها و خذ آلامي

‎وقبل ترحل و تترك قهوة الغدر فيك تفوح
‎طلبتك تشرب الفنجال من جرحك الدامي

‎غلطتي بالحب لما حبيتك بكل وضوح ..!
‎نثرت الماء في درب الوداع و أنا الضامي

‎لو يمديك نزعت من جسمي حتى الروح
‎تسابقني خيول الآه و الضيقة هي لجامي

‎وإذا مجروح وش تفرق معك إذا مجروح
‎مصير الوقت يسعدني و تضحك أيامي


-

-

-

هتآن
01-08-18, 08:18 AM
‎غلطتي بالحب لما حبيتك بكل وضوح ..!
‎نثرت الماء في درب الوداع و أنا الضامي


انا افداهم


يسعدني بأن تكون أول مشاركة لي ف موضوعك القيم ..

أحسنتي وبارك الله فيك ع القصيده الرائعه

تقبلي مروري

منتظر المستحيل.
01-08-18, 12:55 PM
الحـزن ما يرجــع فقـيــد القبــايل
ما هو حداد النفــس دايم خــــذينا
احـدا ليـا من مات يــظرب مثـايل
ويعـتبر اكـبر فقــيدن عـــــــلينا
تـروح من دنيـاك وتبـقاا الجمايـل
وحنــا على درب المكـــارم مشينا

صح لسانك

نجم ضاوي
01-08-18, 04:07 PM
روح . . محل ما يعجبك . . روح
يجي وقت تفهم قصدي وكلامي

مالي ترى فيك . غايه . .ومصلوح
وحبك المزيوف .. ما هو بإلزامي

ياللي سحرت مني القلب والروح
حبك عصف بي .. مثل تسونامي

ضاقت حياتي . . منك أنا مجروح
وضاقت . . داخل الروح انسامي

لا تحسب الفرقى ضحك ومزوح
ولا هي رسايل . تنخط بأقلامي

لا بد . . يكون بها . قلب مذبوح
وقلوب تعزف من الفرح انغامي

أنا .. لك يا أنا فداهم .. نصوح
يا صاحب القلب وحبه السامي

كثير زيك . في عشقتك مجروح
وامسى .. عقب الروى ضامي


صح لسانك وسلم نبض قلبك وبنانك ...
من اروع ما قرأت لك ...
بيض الله وجهك وفالك البيرق ...
وتستاهل .. ختم التميز ..

لا خلا ولا عدم ...

أنا فداهم
01-08-18, 09:14 PM
تعال شوف الصوت بالبكاء مبحوح
بعد ضاعت مفاتيح الوصل قدامي

وين باب الصد دلني عشان أروح
لأني تهت بين ردات الحظ وأيامي

ليه أحب و تالي المحبة جفا و جروح
وليه في معركة حبة تتنكس أعلامي

آآآآهـ ... يا ساكنن في وسط الروح
ليت ما عشت حبك و صدقت أحلامي

نجم ضاوي
01-09-18, 04:51 PM
ريحة العطر .. من قافك .. يفوح
حاس .. الآمك . . فيه . . قدامي

خابرك .. طيب . وقلبك .. سموح
ولا .. خطأ . . مني .. واوهامي

جرحك .. داخل القاف .. مفضوح
كنك .. معاه . . عايش .. احلامي

حبك . . صدق ذا .. ولا . . مزوح
عساه على قلبك .. برد وسلامي

أنا فداهم
01-10-18, 01:15 AM
أنا بنار الحب يا نجم مطروح
حتى كلت مني قلبي والكلاوي

آواه لو غنت الفرقا حمام الدوح
من لها الجرح يا خلي يداوي

أحاول أكتم العبرة وأنا مفضوح
سنتين وحالي مثل حال الفداوي

عليل الحب ما قال لطعنته مسموح
يا كود في جاهك يا بو ضاوي


SEO by vBSEO 3.6.1