لا تحسب ان دمعي نزل دون سبّه ..}ْ~ [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : لا تحسب ان دمعي نزل دون سبّه ..}ْ~


عاشق ولكن...!؟
12-21-10, 10:22 PM
http://farm3.static.flickr.com/2503/3850940767_f48169fd8a_o.jpg



ليه المسا عوق الشقاوي وطبّه .................
.................وليه الهبـوب تصحي القلب لا بات


وليهـ القمر يدعي جريح المحبّه .................
.................ويقول لهـ يا هيه .. ما فات .. ما مات

جرحكـ ظهر لو قلت للوجه خبّه.................
.................وللحزن في ضحكـك رسوم وعلامات

وليهـ المطر بالذات ريحهـ وصبّه .................
.................كنّـه رسول بين الاحباب بالذات

اشتاق فيهـ لشوفتك واتنبّـه .................
................. للي نسيتـه من مواقف ونظرات

لا استانس الخافق ذكر من يحبّـه .................
.................ورجع يراجع فالوناسات ما فات

يا مرتع القلب الحزين ومربّــه .................
................. يزيين بـك مثل الذهب صدر الابيات


هيهات ينسى القلب شخص ٍ لعبّه .................
................. وهيات يدلهـ خاطري منك هيهااااات

سبك مديح ومدح غيرك مسبّه .................
................. تقول واذني صوتها تقول لك هات

ونبع الغلا عندك وعندي مصبّه .................
................. ومن الولا .. في خافقي لك .. ولاياات

وطيفك حطب عيني .. وعيني مشبّه .................
................. والشوق برد ٍ ما انقطع لو للحظات

ومكانك الصدر ولك القلب شبّه .................
.................بين الظلوع اللي فردها التنهات

ولك بيرق ٍ فالقلب حبك يهبّه .................
................. شامخ ولا هزه من العذل غارات

محبتك فالوقت ذا ما تشبّه .................
................. الا بخيمة بدو بين العمارات

ان شفتني ضايق واهوجس واسبّه .................
.................اخاف غدر الوقت .. والوقت دورات

(( لا تحسب ان دمعي نزل دون سبّه .................
................. ابكي من الفرقا وهي مابعد جات ))

اليوم كل امورنا .. مستتبّه .................
................. وبكره ماندري وش معه من مسرّات

اربّ قلبك مثل قلبي اربّه .................
................. ما يخلفهـ شور العرب والمسافات ..~

اللورد يحيا
12-22-10, 05:47 AM
طرحك عذب وكلمات منمقه وذات طابع واسلوب جميل


الله لا يحرمنا من جمال قلمك واناملك الرائعه

عاشق ولكن...!؟
12-23-10, 12:34 AM
يعافيك ربي على المرور المميز
دمت بحفض الرحمن

روح الغلا
01-16-11, 08:15 PM
عاشق ولكن

رآق لي كثيراً مآ سطرته هنآ من آحرف..
سلمت يمينك ويعطيك العافيه..
دُمتِ ودآم نبض قلبك الدافئ..


SEO by vBSEO 3.6.1