المساعد الشخصي الرقمي

مشاهدة النسخة كاملة : [ مهجور يا قلب ! ]


أنا فداهم
01-18-18, 07:08 PM
‎مهجور يا قلب فأيسر الصدر موجود
‎عليك الله يا قلب دور لك على خلان

‎ألا يا غصة المشقي يومه يبل خدود
‎غصب تسترسل العبرة على الشفقان

‎ويرسم بالنجم سجنه ولكنه بليا قيود
‎ويتأمل تجاعيد الرمل من حفنة الكتمان

‎و تتطاير الرملة تحت رجله ويشعل البارود
‎يبي يرتاح من دنياه تناسى عزة الإنسان

‎غرس سنبلة موته على أرضه والحبل مشدود
‎ولكن خانها الوسمي ولا مرها الهتان

‎أفاااا ثم أفاااا يا حبرٍ يشابه بارقٍ و رعود
‎رفعني لعالي الذكرى و رماني بفوهة بركان

‎أنا قدني مبعد عن عيون العذارى ياكود
‎رماني برمحه الغادر و عوَّدني على الحرمان

تبلاني بحبه و خلاني أقاسي بعده المنقود
وأنا ما أعرف دروبه ولا حتى أملك العنوان

الفيفي2017
01-18-18, 07:53 PM
صح لسانك وسلم بنانك

ابوالليل
01-18-18, 09:31 PM
صح لسانك
ابيات معبره اشهد انك جبتها
شاعر مافيك حيله
استمر جعلك على القوه

تحياتي

إحساس طفله
01-20-18, 03:17 AM
صح لسانك ي انافداهم
قصيده جميله
لاهنت ولا هان قلمك

نجم ضاوي
01-20-18, 07:10 AM
نصيحه خذها يا فداهم .. من شايب كبير وعود
انسى . . واقع احلامك . . واللي منها قد كان

وان كان نصيحه ماتكفي عندي من النصايح زود
الحب من طرف واحد . . يزعزع معظم الاركان

كانك . . ودك الراحه . . سوي لكل شي حدود
اظن هلحين قدامك .. نور الفجر .. لاح .. وبان

ترى اللي .. مثل حالتها . . ماتلقى ورها فود
واللي .. مثل حالاتك . يحب من داخل الوجدان

على مثل ايش تتعذب .. وربك يالخوي موجود
وعلى مثل ايش بتعاني وتتحمل اسى واحزان

ياخوك منته على خبري .. خابرك . ريان العود
واليوم انظر لحالك .. شارد والعقل .. سرحان

هلحين ماظنتي ينفعك . رقيا ولا سحر معقود
اظن بيدينك علاجك . واظن وقت المفارق حان

خاف الله في نفسك . . واذكر الواحد المعبود
انسى ماحصل منها وانسى اللي منها قد كان

أنا فداهم
01-20-18, 05:00 PM
تقول السهر و أقول سهود و مهود
تقول البعد و أقول البعد شتان

تقول الصبر و أقول الصبر معقود
تقول تنسى و أقول وينه النسيان

تقول البحر وأقول مزن و رعود
تقول الغيم و أقول فيه هتان

دام الطريق اللي يجيبك مسدود
أحسن لي أتناسى كلشي كان

...

نجم ضاوي
01-20-18, 11:36 PM
اقول الكبر يافداهم . ترى بكره عليك مردود
تقدر حبها تنسى . . عطانا الله نعمة النسيان

أنا ماظنتي شعري . لك فيه شرهه او منقود
أنا من واقع اخوه . شفت وقت النصيحه حان

ربك ما كتب قسمه .. لا .. ولا تقول محسود
معوض خير يا فداهم . وانسى الناكر الخوان

وان بغيت اخدمك في شي . ابشر أنا موجود
ابشر بالسعد يا خوك تراك تمون يا العشقان


SEO by vBSEO 3.6.1