((هم الحياة ومسكني وجنتيني))

[القارظ العنزي]

يا ذيب ياللي للكرامة ......... تبيني
وصلت جمايلكم ومعها ..... المعونة
الله يكثر مثلكم ........... بالقطيني
ويا ويل والله مثلكم ....... يفقدونه
كم من عزيز بعزكم ....... مستعيني
وكم من ضعيف عقبك تدمع عيونه
دام الذهب يا مسندي في .. يديني
ما همني كثر الحديد ........ وزبونه
والياحصل لي مكسبي هو . جنيني
هو مكسبي يا سيدي ..... والحنونة
اسلا بهم عن الوطن ..... والحنيني
هم ثروتي هم شوفنا ..... يشتهونه
هم الحياة ومسكني ...... وجنتيني
وانا لهم نبع النهر ........... يشربونه
ولا من صديق عقبنا ولا .... عويني
غير الاله وبعدنا ............ ما يبونه
ورايك سديد ومطلبك ...يالخديني
دين علي ومثلك ندفع ....... ديونه
ابشر بعزك حاضر جيتك ... بحيني
وباذن الولي حضورنا ..... تحترونه

القارظ العنزي

[احلام عابره]

الله الله الله الله
صح صح لسانك مليون
وعدهم صح كلك
قصيده اذا قلت روعه
بحقها قصرت
وان قلت راقيه ماوفيت
ومها اشدت بجزالتها ما كفيت

حرف ومعنى ومضمون
لا يجيده سوى شاعر واحد

خو

((((القارض العنزي))))

اين ماكنت يكمن الابداع
ويلبس الحرف حلته الموشاة بالدرر

لك ودي وتقديري

[هتآن]

مميزه القصيده

أحسنت يالعنزي

وصح لسـآنك ياخووي

[القارظ العنزي]

هذا من زوءك ولطفك يا ست أحلام

[القارظ العنزي]

صح احساك سيد هتآن . والتميز في مرورك الكريم وتقييمك وذوقك الراقي لاهنت

[نجم ضاوي]

:61::61::61::61::61:

الله الله عليك يا .. القارظ العنزي .. وعلى ابداعك ...
قصيده من اجمل ما قرأت لك ان لم تكن الافضل ...
في جزل معانيها تغيب ثم تأتي بالجزل يا جزل المعاني ...

صح لسانك وسلم نبض فكرك وبنانك ...
فالك البيرق ولله درك ...

لا خلا ولا عدم ...

[القارظ العنزي]

صح بدنك وما عليك زود يا بو ضاوي ، وما نحن الا تلامذة في مدرستك لاهنت