((يالله يالمعبود جبها تساهيل))

[القارظ العنزي]

خلاص يا مشكاي ما عاد بي . حيل
حتى القوافي عفتها ...... والقصايد
من اول نشيلها ............ بالمواويل
ونصف حروف القاف صف النضايد
هذي نسويها على داعج ...... الميل
خطو الهنوف اللي تبز ...... الخرايد
وهذي نسويها على دلة ....... الهيل
فنجالها ينعش طريح ...... الوسايد
وهذي نسويها ونشكي من ... الميل
نسند بها على رفيق ........... وقايد
نشكي بها غربة وهم ...... وغرابيل
مع غصة بالحلق والوقت ...... كايد
يالله يالمعبود جبها ......... تساهيل
خفف علينا خالقي الحمل ..... زايد
ويالله تجعل بالليالي ........ تماهيل
حتى يتحقق مطلبي ...... والفوايد
وترجع حقوق ضيعتها .... البراطيل
وتعقدت ما بين سيد ........ وسايد
عزاه ياللي ما لقى له ...... رجاجيل
من اللي يشوش ويدركون الحمايد
يا غير ذاك العاصمي قايد.... الخيل
نعم النسيب الياعتزوا ..... بالبدايد

القارظ العنزي

[الفيفي2017]

صح لسانك ولافض فوك

[القارظ العنزي]

صح بدنك الفيفي 2017 طبت وطاب مرورك لاهنت

[ورده بريـــــه]

لهجة فخمة بامتياز

مشاعر رائعة

ابدعت بجمال مميز

اسعدني ان قرات ما كتبت

دمت بنقاء الثلج

[الغاوي]

صح لسانك

روعه

[القارظ العنزي]

هذا من لطفك وردة برية كلك ذوق

[القارظ العنزي]

صح بدنك والروعة في مرورك المسا