ابي اتزوج

[طير شلوى]

السلام عليكم

أبي مساعده لهالسالفة

تعرفت على بنت عبر برامج تواصل الاجتماعي
والطريقة الي تعرفنا فيها على بعض طريقة نوعا ما غبيه
تهاوشنا عبر التعليقات وانجذبا لبعض بالهواش
الكلام هذا قبل اربع او خمس سنين
بعد اتمام العلاقة سنه امها طاحت عليها وتوقعت ان العلاقة انتهت لكن بعد فترة اشترت ارخص تلفون وارجعت كلمتني والتواصل صار صعب وعالخفيف وتمينا على هالحال لي خمس او اربع سنين والبنت وللعلم لا انا وولا البنت لها تاريخ لهالسوالف التعارف لكن اخذت السالفة انا مبدأياً من باب التجربة لكن بالاخير ارتبطنا
والبنت محترما بغض النظر عن سوالف خانت ابوها تخونك والحركات هذي
قامت تحاتيني وتسأل عني وفي مراحل الدراسة درستني والبنت دخلت مخي وابيها
وانا وقفت بأخر مرحلتين بالدراسه لاني غرزت فيها

وتوظفت بوظيفه متوسطه الحال او فوق المتوسط لان معاي شقه وواسطه بالاسكان
وانا وهي بنفس القبيله والفخذ
تقدمت للبنت عن طريق امي وامها بالتلفون وتوقعت انها نستني لاكن تذكرتني
المصيبه مصيبتين انا بالكويت وهي بالمدينه المنورة وامها رافضة وابي اراضيها واتاسف منها وقعدت اراسل امها عبر الاس ام اس برسايل اعتذار لكن مافي تجاوب
وانا وقفت دراستي وتوظفت عشان اتزوجها
خاطري اني اجي لطرف ابوها لكن ماعرف احد بالمدينة عشان اجي من طرفة
واشلون على امها
واتمنى احد يساعدني
وشكرا لكم

[مرجانة]

مصير الأم تلين
بس ابقى حن و لح في الاعتذار و بين لوالدتها إنك شاري البنت

و اسعى بشت الطرق و ان شاء الله ربي يكتب لكم النصيب

أما بخصوص إنك تبي تلتقي بأبوها فما عندي فكرة أبد
الله يكتب لك التوفيق

[شطرنج]

تبغى الكلام الي يثبت على الشنب وأنا أخوك
قابل أبوها واخطبها
ما في افضل من الصراحه
وانا شايف ان الرفض ماله سبب
انت شاب حيوي رغم كل ظروفك الي مريت فيها
واذا انت تحب البنت والبنت تحبك راح تتزوجون
صدقني خذها عني كتجربة
انا مريت في نفس القصه
والحلال رب العالمين بيقدره وراح ينكتب
فخليك مصر على موقفك
وقابل أبوها

وان شاء الله اسمع عنك أخبار تسر بالك

[M.ahmad]

شد رحالك مع أحد والديك لمنطقة البنيه بعد التنسيق معها عن العنوان

ومن ثم إطرق بابهم وإخطبها بطريقه رسميه

إن قبلو بك فهذا زين وإن رفضوك فأنت سعيت وفي الحالتين ارضيت نفسك وضميرك وأثبت رجولتك .

[الجادل 2018]

أبي أتزوج
الله يزوجك ،،
خاطري أعرف سالفة أرخص جوال ،، ودرستك وغرست ،،
يعني يا انت تلميذ كسلان والا هي ما تعرف تدرس،،
بالنسبة لأمها تنساك شلون بتنساك يعني دامك الاول والاخير
ولا احد يقولك خانت ما خانت طبعا محد بيقولك لانك مو أحسن منها كليكما نفس الطبع والله،،
الحين الجد
اللي أشوفه أنت كعمر كنت صغير بس دام إنك تشتغل ذي في صالحك
أنت عديت مرحلة جدا قوية وصعبة أن الوالدة الله يحفظها لك قبلت المبادرة يعني قدرت تقنع الطرف اللي من ناحيتك أحسك قطعت شوط كبير
أمها وصعوبتها والله ما اعرف وجهه نظر أمها بالضبط بس
أنت كنسب لهم متوافق وذي لك إيجابي
زين لنفرض وصلت حق الأبو
أيش راح تكون ردة فعله ؟؟
رايح تخطب بنته من الكويت للمدينة أول شي بيسألك من وين عرفتنا،،
عشان توصل لعدم إثارة مشكلة لازم التواصل يكون بين نساء العائلة
أمك وأمها على الأقل أمك شافتهم بمكان انعجبت بفتاة المستقبل
وبعدها راح يرتب الموضوع نفسه ،، مسألة تغامر وتروح ولو وصلت تفتح عليكم اسأله اعتقد ماله داعي
أما ارجع للأم
والله يمكن هي متخوفة من مسألة اغتراب بنتها ،،وشي ثاني أن طريقة معرفتكم لبعض كانت مب حلوة
متخوفة من عدم المعرفة الكافية بصفاتك ،،بطبعك ،،بعد البنت عنها
كلها احتمالات من وجهه نظرها
فخل والدتك تسعى لك والله يحقق زواجك
وفي الأخير
بناتنا القارئات زائرات وغيره يا من تحملن قلوب في اعشاشها
ترى مب كل القصص في وسائل التواصل بذي الطابع وذي قصة نادرة بين الالاف القصص
الحذر بناتنا مو كل واحد يتهاوش بيصير حبيب ،،
ربي يحفظ الجميع
مرت من هنا
الجادل ،،،

[آيآم]

وعليكم السلام

اول حآجه برآآفوو على الآآم لآن عندها بعد نظر

ثآني شئ برآآفو عليك لآن قصدك شريف

ولو إن السآلفه مطوله خمس سنوآآت ع الحرآآم:MonTaseR_159:

ونآتي من منطلق الحديث الرسول "لم ير للمتحابين مثل النكاح" ورواه البيهقي
وبذلك نعمت بهذا الحديث فلاتعيش مرء الحرآآم والرسول اعطآآكم افضل دواء

ومن ناحيه كيف توصل لابيها مثل ماتوصلت للام تقدر توصل للاب يعني
اول شي اذا وافقت الآم فبلآمكآآن تنحل مشكله بآذن الله

آنت حآآول توافق امها وان شاء الله تنحل بطريقتها هي

والله يوفقكم ويجمع بينكم بالخير بس لا عااد تعيدها :304:

[دانتيلا]

وعليكم السلام
الله يسهل لك، يا اخوي
بس اسمع مني دامك تقول هي من نفس قبيلتك ونفس الفخذ
جيب معك كبار الرجال من اهلك و اهل ابوك
و روح اخطب من الباب
لا تخلي موضوعك سالفة حريم ترا هذا زواج مو لعبه
وامها مارح تقول لابوها شي ولا بتقول له انكم تعرفون بعض
لانها سترت على بنتها ومااشتكتها عند ابوها ولا قالت له انهامسكتها بالجوال و امها بتخاف عليها من ردة فعل ابوها
لو عرف ان البنت تحبك وتبغاك وانت نفس الشي
الكويت قرييه من السعوديه مو شي مستحيل
احمد ربك هذا لصالحك
والله يوفقكم

[صعفق طاش كندي]

اول شي بنات الناس مو محل تجارب

تخش تجربه اذا نفع كملت واذا مانفع كرشت



ع العموم الانسان اذا أحب انه يتملك شي .. يسوي المستحيل
ع شان يتملكه



اذا تبي شي من المدينه علمني :MonTaseR_218:

[روزا]

،





انت بتزوج امها والا البنت رح اخطبها من ابوها
واذا هي حابتك ومقتنعه فيك بتقنع امها ماعليك
والله يسهلكم ويجمع بينكم .

[حالم]

أبي أتزوج
الله يزوجك ،،
خاطري أعرف سالفة أرخص جوال ،، ودرستك وغرست ،،
يعني يا انت تلميذ كسلان والا هي ما تعرف تدرس،،
بالنسبة لأمها تنساك شلون بتنساك يعني دامك الاول والاخير
ولا احد يقولك خانت ما خانت طبعا محد بيقولك لانك مو أحسن منها كليكما نفس الطبع والله،،
الحين الجد
اللي أشوفه أنت كعمر كنت صغير بس دام إنك تشتغل ذي في صالحك
أنت عديت مرحلة جدا قوية وصعبة أن الوالدة الله يحفظها لك قبلت المبادرة يعني قدرت تقنع الطرف اللي من ناحيتك أحسك قطعت شوط كبير
أمها وصعوبتها والله ما اعرف وجهه نظر أمها بالضبط بس
أنت كنسب لهم متوافق وذي لك إيجابي
زين لنفرض وصلت حق الأبو
أيش راح تكون ردة فعله ؟؟
رايح تخطب بنته من الكويت للمدينة أول شي بيسألك من وين عرفتنا،،
عشان توصل لعدم إثارة مشكلة لازم التواصل يكون بين نساء العائلة
أمك وأمها على الأقل أمك شافتهم بمكان انعجبت بفتاة المستقبل
وبعدها راح يرتب الموضوع نفسه ،، مسألة تغامر وتروح ولو وصلت تفتح عليكم اسأله اعتقد ماله داعي
أما ارجع للأم
والله يمكن هي متخوفة من مسألة اغتراب بنتها ،،وشي ثاني أن طريقة معرفتكم لبعض كانت مب حلوة
متخوفة من عدم المعرفة الكافية بصفاتك ،،بطبعك ،،بعد البنت عنها
كلها احتمالات من وجهه نظرها
فخل والدتك تسعى لك والله يحقق زواجك
وفي الأخير
بناتنا القارئات زائرات وغيره يا من تحملن قلوب في اعشاشها
ترى مب كل القصص في وسائل التواصل بذي الطابع وذي قصة نادرة بين الالاف القصص
الحذر بناتنا مو كل واحد يتهاوش بيصير حبيب ،،
ربي يحفظ الجميع
مرت من هنا
الجادل ،،،


أنا مع رأي أختنا الجادل ..
الحلّ والربط ما هو بيدك .. لا تتهوّر وتاخذك العاطفه وتاخذ خطوه للأمام
تكون مثار شكّ على البنت من جهة أهلها الخاصّين مرورا بمجتمعها اللي حولها ..
القى جواب لكلّ سؤال قبل لا تأخذ اي قرار .. للبنت الله يستر عليها قبل لا يكون لك .. شوف لك اي طريقه
مبدئيا جيبها عن طريق والدتك بما انكم نفس الفخد تكون الامور مسهله شوي
مهّد للوضع وتروّى واحسب خطواتك .. بعض الأمور تتعالج بحكمه ..
اذا كنت صادق مع نفسك ربي بيسهل مسعاك .. وإن كنت ضدّ هالزواج بذا الطريقه ..
لكن للنّاس أهواء وتفاكير ونظرات تختلف عن بعض ..
احترم فيك شجاعتك ورجولتك .. والله يكتب لك ولها الخير والخيره ..

[رجل ع سطح القمر]

.. قبل لا اقلك راي اخي الكريم،
نقطة مهمة في الموضوع .. يجب ان تدركها

وهي ..
ان العلاقات عن بعد، .. كتلك التي عبر اثير ال**** الحاسوبية
تختلف تماما عنها في العلاقات الحقيقية في واقع الحياة

ومهما طالت لسنين العلاقة عن بُعد،
ومهما اعتقد طرفيها انهم في غاية الوفاق والوئام
لا تضمن ابدا المفاجات - وان لم يكن حتى الصدمات -
حين تنتقل علاقتهم .. الى ارتباط وجها لوجه في واقع الحياة

واحصائيا،
يُمثل فشل الزيجات التي سبقها علاقة قبل الزواج، ..
السواد الاعظم لتلك الحالات



* * *



اما بخصوص ما تسالنا عنه

فـ ..
اولا اخي الكريم .. استخر الله سبحانه وتعالى

ثم، .. توكل على الله .. صدق توكله

بمعنى، ..
قم بالواجب عليك حسب الاعراف والتقاليد
وتقدم لها - عن طريق ابوها، حيث وصلت لطريق مسدود مع امها.

ولاحقا، ارضى .. وتقبل بما سيكتبه الله لك
حتى وان لم يكن لك بها نصيب، .. واطوي حينها صفحتها .. وانهي العلاقة




تاكد، ..
ان الخيرة فيما يختار الله

وان .. الله لا يقدر لعبد شئ، إلا وهو خيرٌ له،
حتى .. وان بدى ظاهره غير ذلك، .. او كان على غير هوى الشخص ورغبته







بالتوفيق،
.. دعواتنا

[رجل ع سطح القمر]

وانا وقفت دراستي وتوظفت عشان اتزوجها








.. بعد ما كتبت ردي السابق،
رجعت لكلامك .. ووجدت ان حق لك علي، ان ارجع وانبهك للاتي :


الاخ الكريم،
ضع نفسك مكان اهل هالبنت
افترض ان شخص من المدينة المنورة
جاءك الكويت ليخطب اختك .. وياخذها معه للمدينة المنورة

وهذا الشاب ليس لديه شهادة جامعية .. تضمن مستقبله
وترك دراساته ولم يكملها (ولسبب ماذا؟ .. لسبب علاقة حب)
وهو في اول مشوار تاسيس نفسه، ووضعه المادي متواضع
وبخلاف، .. انك تعلم انه كان على علاقة منكرة باختك بالجوال

.. ، هل ستوافق عليه ؟؟

بل، ..
انسى انك ستغرب اختك بالسفر معه لبلد اخر اذا وفقت عليه
، لان قرار الغربة لوحده كوم
فـ .. لنقل، ان نفس هذا العريس كان كويتي يعيش في الكويت،
وبوضعه وسيرته هذه، .. هل ستوافق عليه زوجا لاختك ؟؟


عليه الصلاة والسلام يقول فيما معنى حديثه،
(لا يؤمن احدكم، حتى يحب لاخيه ما يحب لنفسه)



اخي الكريم،
اي شاب/ رجل يترك تقرير مصير حياته ومسارها ..
في ضوء علاقة حب (.. وعلى الهاتف)
فيؤسفني ان اخبرك ..
انه ظالم لنفسه، .. حتى قبل ان يظلم بنت الناس واهلها



اذكر الله، .. وصلي على النبي
، عليه افضل الصلاة والسلام،
تعوذ من الشيطان .. وهوى النفس
لا تضيع نفسك، .. وتجر غيرك معاك
التفت لمستقبلك .. واكمل دراستك، واسس نفسك صح
الحياة لسه قدامك، .. وكل شئ مناسب في وقته المناسب

[Maher-94]

ما دمت خارج بلدها .. من الأفضل ان تأتي وجهاء بلدها علشان يضغطوا على العائلة وتوافق أمها
بس اذا صار نصيب وخطبتها،،، راح تعزمني على عرسك ؟؟؟ لولا ؟؟؟

[سحر !]

اذا الله علم صدق نيتك اعانك الله ودام نيتك زواج الله بيوفقك معها
والله يجمع مابينكم يارب مالك الا تكلم ابوها والله يسعدكم دنيا واخرة