اريد حل

[مشكلتي]

يسعد مساءكم
ابي حل لمشكلتي عندي طفل عمره سنتين ونص عنيد ولايسمع الكلام وكثير الصراخ والبكاء وعدم الاحترام وعبث في اغراض المنزل بشكل غير طبيعي حاولت معه بكل الطرق لم استطيع كفاءته بالالعاب نفس الحاله لم تتغير ....الرجاء اعطاءي الحل

[M.ahmad]

ما شاء الله تبارك الله الله يحفظه ويخليه لكم

واضح من كلامك الطفل طاقته زايده

إذا كان كذلك بإمكانك إخراجه لحديقه او صحراء وتركه يفرغ طاقته باللعب حتى يتعب

لازم تتركونه يمشي ويجري ويناقز كل مارأيتموه نشيط ولكن لا تهملونه او تنسون متابعته

وكذلك حاولو ان لا تتركو له مجال لنوم في النهار او السهر في الليل لأن حالته تحتاج لتنظيم وقت .

[دانتيلا]

صباحك خير
ماشاء الله طفلك شكله ذكي لانه عنيد
ويعرف كيف يلفت انتباهك
في هذي الحاله طنشيه ولاتعصبين عليه ولا حتى تنظرين
في وجهه بشكل مباشر ولا تعطينه اوامر مثل اسكت ولاتبكي
ويكفي ولاتخبص الاغراض اتركيه يبكي لين يشبع
بس تجاهليه وتجاهلي بكاءه وانتي تلمين الاغراض
هو بيتعب ويستسلم ويسكت ويعرف انك تتجاهلينه متعمده
وماتحسبين له حساب لكن طولي بالك
لانك تحتاجين فتره الين ينعود علا اسلوبك الجديد
الله يجعله من الابناء الصالحين ويصلح حاله

[شطرنج]

الأعضاء الي قبلي اعطوك خلاصة الحل
طفلك لديه طاقه ويجب تفريغها بكثره الحركه
طفلك يمتلك الذكاء الفطري حافظي عليه

[مرجانة]

يسعد مساءكم
ابي حل لمشكلتي عندي طفل عمره سنتين ونص عنيد ولايسمع الكلام وكثير الصراخ والبكاء وعدم الاحترام وعبث في اغراض المنزل بشكل غير طبيعي حاولت معه بكل الطرق لم استطيع كفاءته بالالعاب نفس الحاله لم تتغير ....الرجاء اعطاءي الحل

كان الله بعونك
الطفل العنيد متعب ، تحتاجين تكوني صبوره أكثر و حازمه معه

أنا عندي طفل حالته مثل حالة طفلك
يعاني من فرط حركة و كنت مثل ما قالوا الأخوان أطلعه الجبل و البر و أخليه يركض و يركض حتى يتعب
اللعب في الرمل مفيد جداً على فكرة للطفل الحركي

أما العناد و العبث هذا التغلب عليه صعب

كنت مضطره أخلي عيني عليه في كل لحظة و كل مكان
لازم أعرف وين راح و أي غرفة دخل عشان أتلاحق الأمر قبل لا يعفس لي حاجة

الحمد لله طفلي كبر شوي الان و صار أكثر هدوء و أقل عناد بكثير
حتى لما يبغى يعبث و انهيه عن العبث صار يستمع لي بسرعه مو مثل قبل يعاند

يبغى لك صبر و زيادة جهد و إن شاء الله تزين أمورة
و إذا شايفه إنك محتاجة لمعين يساعدك عليه خذيه لأخصائية تحسين سلوك
يمكن ينفع معه

و على فكرة بالنسبة لعدم الاحترام

انتبهي لسلوكك معه و سلوك أخوانه أو اهله
أعني ممكن يكون السبب في تعاملكم معه و يعاملكم بالمثل
يعني لا تضربونه عشان لا يتعلم يمد إيده على احد
تعاملوا معه بحزم لكن بدون ضرب و لا تعنيف لفظي

الله يساعدك و يصبرك و يوفقك في تربية طفلك
و يحفظه و يجعله قرة عين لك

[آيآم]

الله يصبرك ويعينك ع تربيته

هذا شي اصبح سائد في اكثر المجتمعات والكثير يعآآني من هالمشكله
حتى في عالم الطب عجزء رغم ان طبيعه الاطفال المرح لكن الجيل هذا غير

فآن كآآن عنده اخوآن اكبر منه خليهم يلعبوون معه يشغلوو نه عن نفسه
وبعدي الجوال عنه بذآآت برنآمج اليوتيوب فهذا الدمآر بعينه إحذفيه
وفي الآخر
مآآقول الا الله يصبرك :AbC01916:

[الجادل 2018]

الله عليه وعلى نشاطه وعناده ،،
أنا بنت أخوي بنفس عمره وعنيده مثله وتصر على رغباتها
بقولج من واقع خبرتي معاها من اللي أشوفه
أول شي هي لا زالت وحيدتهم يعني ما فيه في بيتهم طفل ثاني لهذا هي تتملل
الشي الثاني أخوي جداً ملبي لرغباتها مثل الأكلات الأيس كريم والشوكليت في حين أمها تمنعها
فهي تميل لأطباع الترفية أكثر يعني أختلافهم في التعاطي معاها بين طرف ملبي كل رغباتها وطرف لا فهي تعاند في حالة غياب أبوها
بعدين نوعيه الأكل للطفل تخليه يزيد نشاطه الشوكليت الفيژي دركنز ذي تخلي الطفل حركي بزيادة
بعد فيه شي بضيفه ما ينطبق على بنت أخوي بس يمكن يفيدچ بالنسبة إذا طفلچ يشوف
الرسوم المتحركة ترى ذي بروحها تخليه مقلد متمرس من الدرجة الأولى
طفلچ ذكي وتعبثه جاي من حبه لأستكشاف العالم من حوله يعني إن شاء الله بكرة تشوفينه شي كبير
عناده وتعبثه ذيلا إذا ما تقدرين تطلعين دوم فالبيت اشتري له سيكب أو اللي تسمونه دراجة
وبعد أكثر شيين ينمون ذكاء الطفل ويفرغون طاقته
الطين أو الرمل والماي
يبو له تريب رمل وعطيه أدوات البحر مع الماي بيني حقج قصور من رمال شفتي عاد
والماي اشتري له بركة على قده وخليه يسبح بها مع ألعابه
وسلميلي على حياتي العنيد أنا
ربي يخليه وينبته لچ النبات الصالح وبكرة بنفسه بيشتكي من الأزعاج
وأسألي مجرب ،، الله يحفظه
وقولي له أنا ما سكت ترى محدن مسنعة غيري
أي هين
الجادل ،،،

[الغاوي]

الله يخليه لكم ويخليكم له


الطفل طبيعي يكون حركي ويلعب ويشاغب في هالعمر لان هذي مرحلة اكتشاف ما حوله وتعلم العالم اللي هو عايش فيه

اما التكسير والعناد
فهذي هي طريقة الاطفال للفت الانتباه
طرق استخدمتها مع طفلي ونجحت
ا- اذا حاول يكلمك لا تصدين عنه او ما تلقينه بال قابليه وجه لوجه وخليه يحس انك منتبهه له ترى يفهم لا تقول ما يدري
- اذا طلب شي اذا كان الشي هذا صح وعادي ياخذه فاعطيه اياه وانتي متبسمه علشان يحس انه اخذه بارداتك انتي ما هو بارادته هو
- اذا كان اللي يطلب غلط وما يصلح ارفضي وانتبهي مع اصراره توافقين اذا رفضت لانه لو صار بيستمر على الاصرار
- والاهم هو الغيره من اخوانه لان الاطفال يغارون وتذبحهم الغيره ومشكلتهم ما يقدرون يعبرون عنها الا باسلوبهم الطفولي


والصبر التربيه صعبه يبغى لها صبر

[جديلة ورد]

الله يصلحه ويحفظه لك
هذا شي طبيعي يااختي عمره سنتين صغير
لكن عادي عندك عدة نقاط لان ولد اخوي كذا كثير الحركه الله يصلح

اولاً طنشيه لان هو بحركاته يجذب انتباهك
ثانيا لاتعطينه اكل يسبب حركه زايده مثل الشكولاته والحلويات
ثالثاً وديه للحديقه يعلب ويطلع طاقته كلها
رابعاً بيني له محبتك ولاتعصبين عليه او حتى بالنظرات
خليه على راحته بكره يكبر ويتعلم.

هذي امور كلها سوتها مرت اخوي مع ولدها تغير الولد الحمدالله
صار يسمع الكلام

الله يحفظه ولاتنسين الدعاء له بالصلاح والهدايه

[رجل ع سطح القمر]

الله يحفظه لكم .. ويصلحه

الاخت الكريمة، لا تتضايقي من كلامي
لان انما انا اقصد ان اجاوب على مشكلتك واساعدك فيها

براي المتواضع،
اذا الطفل متوفر له احتياجاته ومتطلبات رعايته الاولية،
وما حوله في البيت من مشاكل او ظروف غير طبيعية ..
تؤثر على استقراره النفسي


فـ في الغالب تمرد الطفل وعدائيته ..
مردها لافتقاده للكفاية من الحب والحنان
.. وبشكل رئيس من امه


قد تكوني مو مقصرة معاه
لكن لواقع طبيعة طفلك .. لسه هو محتاج اكتر


اكيد التعبير عن الحب والحنان
ما هو بالدلع الزايد .. وتحقيق للطفل كل رغباته

وانما،
هو احساس يشعر به الطفل ..
من مدى صدق واخلاص قربك منه، .. وتقريبك له منك
، من مدى .. الحيز الذي يشغله هو من اهتمامك ووقتك






دعواتنا ..
لك، .. ولطفلك