((كل قصد بالنهد وعيون خله))

[القارظ العنزي]

كل قصد بالنهد وعيون ........ خله
واللي شكى من صد خله .. وغاليه
واللي نشر قاف الغلا ...... بالمجلة
حتى الجرايد امتلت من .. قوافيه
واللي شكى من زود غنجه .. ودله
واللي شكى من ضيقة في محانيه
كله من اجل ابو ارموش .... مظلة
وابو جديل ينثره قل ......... واليه
وانا بلايه من خذا القلب ..... وتله
اسهر على ذكراه والعي ... واناديه
لا والله الا راح بقلبي ........ وشله
وعزي لقلب مزعه من ..... كراسيه
الله يبيح اللي خذاه ........ ويحله
ريم رماني وغابت عني .. مشاحيه
اشكي لضاوي ممكن انه ...... يدله
والا سمع عن وصف خلي وطاريه
حيثه خبير الحب وعنده ... سجله
وله خبرة بالحب ويفهم .. خوافيه

القارظ العنزي

[وردة الجوري]

كلمات معبره

سلمت يمنيك على الاختيار الرائع

[ورده بريـــــه]

كأنه شعر مغنى

لا ينقصها سوى جمال لحن وصوت

جدا جميلة وكلمات لطيفة

استمتعت بقراءتها

دمت بخير

[سلمان]

الله الله

صح الله السانك القارض

رائع ومبدع يالعذب

حترامي وتقديري

[القارظ العنزي]

تسلمين وردة الجوري كلك ذوق

[القارظ العنزي]

الجمال في مرورك وردة برية كله من لطفك

[القارظ العنزي]

الابداع والروعة في مرورك ايها العذب صاحب مشاعر لاهنت

[نجم ضاوي]

قلبك غدى معتل .. مليون . عله
ماغير خضر العيون اللي يشافيه

محبوبك اليوم . عايش وسط فله
يا صاحبي اقنع .. وبطل . تناديه

قد معه غيرك .. عايش تحت ظله
كل ما قال آه . . قام وفز يداديه

الله يعينك يالصحيب . همك تشله
يمكن تلاقي حبيب جرحك يداويه

عيش بكرامك .. ولا عيش المذله
ترى حب الزعتري ماشي يساويه

خذها نصيحه .. يا بعد قلبي وكله
مقدم السيل جارف .. لا . تجاريه


صح لسانك يا سيدي .. القارظ .. على هذي التحفه الفريده ...
لله درك اطربتني يا عذب السجايا ...

لا خلا ولا عدم ...

[القارظ العنزي]

صح السانك ابو ضاوي ما فيك حيلة . لقد توقف القاف عندي من هيبتك لاهنت