موضوع مهم جداً عطوني رائيكم

[مشكلتي]

السلام عليكم

اختي عمرها 28 سنه وماتزوجت وتقدم لها واحد اكبر منها
اتوقع بعشرين سنه لانه كبير بالعمر
وراح يتزوجها زوجة ثانيه
كثير امدحوه لانه يعني روحه شبابيه وماديته كويسه
ونشيط مو طايح ولا معه عصا🙄

لكن انا متردده ماابي ارفض واقطع نصيبها
ولا ودي اوفق وخليها حزينه واحس نظلمها بالشايب 😶


هي بنفسها ماتدري توافق ولا ترفض متردده حيل

عطوني رائيكم بالموضوع بمصداقيه وعقلانيه
لان الموضوع مهم جدا واذا احد عنده تجربه من معارفه
ولا تجاربه الخاصه يعطيني رائيه..

[أعد النجوم]

والله اذا هو محافظ على الصلاه
واخلاقه طيبه وذكره عند الناس مرفوع

وعمره 48 يعني باقي شباب
انا اقول تاخذه وتتوكل على الله
وهي بعد ماهي صغيره وش تنتظر
انا والدتي اخذت ابوي وعمرها 17 وهو كان عمره 35
يعني بينهم فرق كبير وكمان اخذها الثانيه
وعادي الحياه بينهم جميله

خليها تستخير وربي راح يرضيها بالشيء الزين

تحيه لك

[الجادل 2018]

وعليكم السلام ورحمة الله وبركاته ،،
طلبت راينا بصراحة ،،
ولك ذلك ،،
قبل آرائنا كلنا أهم شي صاحبة القرار أيش رايها ؟؟؟
هل هي موافقة على الأقل مبدئيا على فكرة هذا الزواج
الرسول (( صلى الله عليه وسلم )) يقول : لا تنكح الايم حتى تستأذن ولا البكر حتى تستأمر ))
واعتقد سن 28 جدا سن الفتاة تكون ناضجة وتعرف تقرر مصيرها ،،
اما مسألة صدقتنا ورأينا والله مثل ما قلت يعتمد عليها اولا ومن ثم من باب ما خاب من استشار
أنا وأتكلم عن وجهة نظري أرفض التعدد لا تقول أنتي ضد الدين بالعكس لكن أنا آراها مسألة حرية اختيار وأنا زي الفريك ما بحبش شريك ،، فهل هي ممكن تتقبل التعدد ورجل متزوج تكون له حياة اخرى والتزامات تجاه امرأة سواها ،، ما اعرف ظروف زوجته ولكن في التعدد المرأة يجب أن تعي أنها ممكن تقابل مشاكل ولو بدت للرجال عادية ولكن عاطفتها وشعورها كنرأة ترفضها ،،
المسألة الثانية الفارق العمري والله أشوفه ليس بالهين ولا أقارن احد بأحد أنا مع أن يكون بين الرجل والمرأة فاصل عمري ممكن خمس ست سبع لكن 20 سنة وفي هذا الزمن تعتبر بنته مو زوجته وأكيد سن 48 ليس كبير كعمر ،، لكن أنت تقيسه بين زوجين لا كبير جدا الأفكار والقناعات قد تكون مختلفة ،، اليوم خذ نفسك على سبيل المثال تقول لرجل يصغرك 20 سنة أخطأ تكون ردة فعلك خله ذي بزر هناك نقاشات هناك أمور هناك مشاكل كلها تعد من ضمن الحياة الزوجية ،،
نقطة بعد أيش يعني أختي عمرها 28 وما تزوجت ترى مو كبيرة ،، شابة في عمر الزهور تخاف تعنس ،، اوك خل امشي حسب طريقتك في التفكير أيش أحسن تعنس والا لا قدر الله تطلق او لا تتوافق بسعادة وعارفة الحياة قدر لكن بعد نحن ناخذ بالاسباب،،
أنا أشوف الموضوع لازم تكون فيه رؤية وبعد نظر ،،
وربما يقول لك آخر الزواج نصيب وممكن حتى ابن الثلاثين ما تتوفق معاه ،،
صح ممكن نحن لا نعلم الغيب لكن أيضا تكون أديت ما يعرف الاهذ بالاسباب،،
وكثير سيقولون لك نحن على أيام الصحابة و و و الخ
صح بس أيضا اللي خاطبها ليس من الصحابة ،،
وفي الاخير الراي رايها وقرارها الأهم والأفضل دون ضغوطات
الله يوفقها ويكتب لها الله وين ما كان ثم يرضيها به،،
بلغها تحياتي وامنياتي لها بكل الموفقية بأذن الله ،
كان هذا رايي بصراحة
مرت من هنا
الجادل ،،،

[الفيفي2017]

والله الاخوان كفووا ووفوا وخاصه الاخت الجادل
واضيف ايضا ان تحاول اذا قدرت تعرف راي الزوجه الاولى اذا كان الزوج بيسكنهم بمكان واحد لانهم بيجلسون مع بعض اكثر مما يجلسون مع الزوج لذا يجب ان تكون العلاقه بينهن جيده

[شطرنج]

وعليكم السلام
اساس الزواج مبني على عدة أسس
منها التكافى الفكري مع مراعاه العمر
ومثلما افادتنا الأخت جادل 2018 يجب أن يكون فارق العمر من سنه إلى عشر سنوات
وبعدها القرار في الارتباط
واختك حرة في قرارها المصيري
اما ان تجد في الرجل الأمان و الراحة والسعادة في شراكة الحياه
واما أنه ترفضه لأنه ليس مناسب
وبما أن اختك حرة في قرارها
فإن النصيب ليس إلا عبث في عقول البنات
ارى ان اختك إلا تستعجل وتفكر بكل جديه وتتخذ القرار الحاسم
والله يوفقها

[آيآم]

لكن انا متردده ماابي ارفض واقطع نصيبها
ولا ودي اوفق وخليها حزينه واحس نظلمها بالشايب 😶

وعليكم السلآم ورحمه الله وبركآآته

هلا فيك آختي

اذا المتقدم لها تعرفونه وتعرفون اخلاقه وسآلتم عنه معآرفه وآسبآب زوآجه ان آمكن
وآهم شي الدين والمحآفظه ع الصلاه لانه ان كآن تقي يبتقي الله فيها ويحافظ عليها

رغم آني من المعارضين زوآآج الشيبآآن وسبق تكلمت فيه في موضوع في قسم النقآش
وما هي عوآقبه لست محرمه مااحله الله ولكن الحياه تجعلنا نتعلم دروس من فيئه

من البشر ولكن الناس ليسو سواسيه فيهم الصالح وفيهم الطآلح وبآذن الله يكون صآلح

ولا تضغطون عليها هي حره وهم شيئ الاستخآره تصلي صلآه الاستخآره وتتروى في الامور

لا تستعجل

لآن الاكثريه والمتسرعين من البدايه اعرفي ان نهايتها سيئه للاسف

ولا تتسرع في الخلفه لو سنه ان امكن حتى تدرسه لان الاطفال ليس لهم ذنب فيما سيحدث

لو اراد الله وباذن الله مايحصل الا كل خير

وإن كآن فيه شايب هنا في المنتدى يفيدنا :nosweat:

آرجو لها التوفيق وحياه سعيده :MonTaseR_103:

[روزا]

،


احس اكثر من عشر سنين كثير 😴
عندك اليسا صكت الخمسين وماتاخذ الا شباب
جات على اختك خليها تنتظر بزمنا الثلاثين عشرين ليش
شايله هم الزواج وخايفه نصبحه لاترمي نفسها رمية تقتل
فيها روحها ، عني اصير زي فتون على سطح بيت ابوي ولا مع
رجال ماني مقتنعه فيه .

[دانتيلا]

وعليكم السلام
شوفي ياخيتي هذا زواج وقرارمصيري وصعب
ولازم اجاوبك على ثلاث خطوات
اذا كانت رح توافق عليه بس لانها تتقدم بالعمر ووصلت 28 تراها رح تعاني
لانها مابتاخذه عن قناعه
وبتاخذه وتخاف يفوتها الزواج
ثاني شي اذا بتاخذه وعندها قدرة تتحمل
تكون ثانية وتتشارك حياتها بكل مافيها
مع امرأه ثانيه لازم هي تستعد لهذا الشي وماتغار ولا تسوي مشاكلوتسود حياة الرجال
وتطين عيشته وتطيح حظه
وثالث شي اذا كانت يهمها المادة والفلوس وبتاخذه علشان يصرف عليها ويعيشها ملكة
لازم تحط في بالها ان الفلوس ممكن تروح وتخلص مو تتخلى عن زوجها وقت الفقر
والحاجة ولازم تراعي فارق السن والعمر
من الناحية الزوجية وتفكر زين ترا كثار يعانون
مشاكل من هذي الناحيه مع تقدم السنين و يمنعهم الخجل من الكلام و يحدث انفصال
و القرار يرجع لاختك ولازم هي تنتبه
على هذي النقاط المهمة

واخيرا انا عندك اقرب مثال وصلت عمر33
والحمد لله ثابته على قناعاتي احسن مما اتعذب بحياة مش مقتنعه بيها.
العمر مو مهم سواء تزوجت البنت او لا
المهم ان تحسن الاختيار حتى ماتندم بعدين
لان كثار تزوجن في عمر صغير و خلفو ابناء
واخر شي تطلقن وعاشن حياة جحيم
بالمجتمع وكلامهم
الله يسهل عليها ويكتب لها الخير يارب ويسهل لها ولجميع بنات المسلمين ويرزقنا واياهم الرجال الصالحين الذين يخافون الله
في السر والعلانية
بالتوفيق خيتي

[الوعد القاطع]

اختصر عليكم الطريق ..!
توافق وان شاء الله تكون سعيدة .
والله يرزقها بالأولاد لان عمرها 29 يعني ياله يالله تلحق ..
والرجل الخمسيني البعض منهم يجي ما شاء الله بكامل صحته..!
وافقوا وتبطلوا على الله كتبت لكم كلام بالعامي ...
بظل رجال ولا بظل جدار ...

[سحاابة عطر]

حلوه مو طايح ولا معه عصا ههههه

انتي تقولين هي بنفسها متردده حيل ماتدري ؟! الراي الاول والاخير لها اذا مو مقتنعه لا توافق يمكن بعد ين تندم الله اعلم واذا مقتنعه وعادي عندها تعيش مع واحد عنده زوجه ثانيه وعيال وأخلاقه زينه وهي بنفسها مقتنعه مو متردده توافق

((بالاخير العمر احس ماله دخل بفشل ونجاح الزواج اهم شي التوافق والراحة النفسيه والشخص نفسه يكون مقتنع وراضي بهالشي مو متردد))

[angel9]

مدرى كيف ترضى تكون زوجة ثانية
عالعموم هي صاحبة القرار

[Maher-94]

والله اذا هو محافظ على الصلاه
واخلاقه طيبه وذكره عند الناس مرفوع

وعمره 48 يعني باقي شباب
انا اقول تاخذه وتتوكل على الله
وهي بعد ماهي صغيره وش تنتظر
انا والدتي اخذت ابوي وعمرها 17 وهو كان عمره 35
يعني بينهم فرق كبير وكمان اخذها الثانيه
وعادي الحياه بينهم جميله

خليها تستخير وربي راح يرضيها بالشيء الزين

تحيه لك

وانا معك في هذا الرأي..
الأهم التأكد من اخلاقه ودينهِ
لأنه بذلك لا يظلمها مقارنة مع امرأته الاولى..

[رضّا]

الزواج قسمه ونصيب وأهم شي هي تستخير إذا حست أنها مرتاحه تتوكل على الله ليش لا لا هو عيب ولا هو حرام
لكن بالاخير الرأي رأيها هي لازم تفكر كويس مهما اخذت رأيي اي شخص ثاني لان حياتها ومستقبلها بالنهايه
والله يوفقها اذا كان فيه الخير يارب :67:

[سحر !]

اهم شي في كل هذا انها تستخير الله
صدقني مابعد خيرة الله شي لا راي ولا قرارا ولا كلام
والله يوفقها يارب

[الغاوي]

هلحين اللي ممكن يمنعكم من الزواج اوي يمنع اختك

عمر الرجل ؟ او انه متزوج ؟

اذا عمر الرجل هو المانع ولا يهم انه متزوج او لا فا اسمحي لي

ما عندكم سالفه لان عمر الاربعين توه شباب وش ما بيده عصى وطايح ههههههههه

اما اذا المانع انه متزوج وانها بتكون الزوجه الثانيه فهذا موضوع ثاني

واذا الرجل كفو ورجل ما يتفرط فيه خلق ودين ومال

الحل موجود تشترط اختك بيت مستقل عن الزوجه الاولى والحمدلله


موفقين ان شاء الله

[آلمتفائله]

بكل صدق وصراحه انا احس بتنظلم معه وهو يبي يجدد شبابه على حسااابها

لذا انا ارفض انها تتزوج شااايب عمرها بيضيع معه وشبابها بيروح مع شايب والخيارات لسى موجوده وهي مو كبيره بالعمر لهالدرجه
صدقيني بتنظلم مع الشايب حتى لو كان اخلاق وكل شي لكن فيه امور خاصه مستحيل انها تتاقلم معه مع مرور الزمن

انا هذا رايي الشخصي والرجل بس يوصل الاربعين تجيه مراهقه متاخره ويبي يتزوج
لذا انا ضد انها تتزوجه لان بصراحه احسه بيضيع البنت على حساب نفسسه وراحته

مابي اقطع نصيبها لكن هذا رايي الشخصي ولو اني مكان البنت مرح اوافق نهائيا
والله لايحدنا على ظروف تجبرنا نسوي شي عكس اللي نتمناه ..