رحتي من أحضاني لمين ؟

[أنا فداهم]

هذا الغياب اللي انكتب على الجبين
نعم كسّر خواطرنا و موَّت مشاعرنا

،

يا غايبة لو كان لي عندك حبٍ دفين
سامحيني على كل خطوة تباعدنا

،

والله إن الموت أرحم ولا هذا الحنين
والله إني مو مصدق كيف حنا افترقنا

،

أدري خذلتك و بعيني خذلاني يبين
وهذاك دمع الندى يسقي مدامعنا

،

ما زلت أمر كل دربٍ كنتي به تمرين
وأقول ما أحلى أيامٍ هنا ياما اجمعتنا

،

ما زلت أشم الورود اللي كنتي تقطفين
مثل ما قطفتي قلبٍ بصدري كم تعنّا

،

أنا ماني بخير من قررتي ترحلين
أنا بدونك موتي كل لحظة يتدنّا

،

حبيبتي رحتي من احضاني لمين ؟
والله إني مو مصدق كيف حنا افترقنا

[الغاوي]

الله يجبر بخاطرك

صح لسانك وعلا شانك

[شاهستا]

ما زلت أمر كل دربٍ كنتي به تمرين
وأقول ما أحلى أيامٍ هنا ياما اجمعتنا
آلمني هذا البيت كثيراً !
لامس خفقات النبض
ولا أشد على النفس سوى ذكرى عالقه في عمق الذاكرة
تأبى الانصياع لأوامر النسيان مهما حاولنا ذلك
وتبقى النهايات مرة عكس البدايات !

أنا فداهم ... سهم بوحك استقر في لب الوجع
تحيتي لك !

[الوعد القاطع]

صح لسانك
كلمات في غاية الوررروعة ..
:
حبيبتي*رحتي*من احضاني*لمين*؟
والله إني مو مصدق كيف حنا افترقنا

يا ويل حالي عندما يخطر على بال اي حبيب لحبيبه مثل هذا التساؤل..
ياهي نار تشب ...وياهي غيرة تشوش العقل... وياهو ألم ..!
الله يعين كل من فارق حبيبه..

[نجم ضاوي]

اخي .. انا فداهم ..
كتبت فأبدعت نثرت فأوجعت ...
قصيده توجع القلب وتألمه ...
صح لسانك وسم نبض قلمك وبنانك ...
لله درك وفالك البيرق ...

لا خلا ولا عدم ...

[فراشة كريستالية]

أنا ماني بخير من قررتي ترحلين
أنا بدونك موتي كل لحظة يتدنّا

،

حبيبتي رحتي من احضاني لمين ؟
والله إني مو مصدق كيف حنا افترقنا

:61: ابدعت
هالكلمات لامست قلبي وادمعت عيني
الله يجبر بخاطرك وخاطر كل شخص مر في نفس هالموقف

[منتظر المستحيل.]

اعتذر على تأخري بالرد يالغالي
الغايب حجته معاه والوضع زفت في البلد
لي عوده برد متألق يليق بحرفك

[القارظ العنزي]

نبع جاري لا ينقطع ، صح السانك فداهم لقد اثريت المسك بجمال وجزيل القوافي لاهنت الى الامام والى عطاء متجدد باذن الله .

[منتظر المستحيل.]

وانته. زعلان متسبرشي*
وما شهشي انالك وا زخم*
**
فرفش كذا ومشها تمشي*
واظحك واحالي امبسم*
**
اللي يزعلك انا محبهشي*
من اليوم بيني وبينه دم*
**
امسح دموعك ولاتخافشي*
وهز راسك. بس وقلي. تم*
**
ذا القول. كله انا. مهمهشي*
شقلب. . ابوها. . هنا. مأتم*
**
وراعي امهوس لا تهوسشي*
ولاعاد تفكر فيه ولاتحلم*
**
روح من هنا. و لاحيدكشي*
وحيد. بعدك. لك. ارحم*
**
هيا. تحرك. ولا توقفشي*
وحسك اسمعك فيه تتكلم*


صح لسانك واعلى شانك
احترامي لحرفك واعتذر للتأخير بالرد
حبيت الرد عليك بلغة تهامة

[لصمت حكايه]

روعه ماخطه قلمك خفه وانسيابيه ورقه في الوصف في الكلمات


صح لسانك ابدعت الى اقصى الحدود بارك الله فيك


هنا الابداع يزهو بحلته وجماله الأخاذّ!!!


تقبل ماوراء الاعجاب بقصيدتك الاكثر من رائعه!!!


تقبل مروري مع تحيات لصمت حكايه

[همسة حنين]

يعطيك العــــافيه

وصــــح لسانـــــــكـ .....:ah11: