انا رومانسي واحب الرومانسيه [الأرشيف] - منتديات مسك الغلا

الغاوي

04-23-18, 12:04 PM

انا رومانسي واحب الرومانسيه
اعشق كلام الغزل واتغنى به

العب طرب كف والعب بيديه
اعشق غزل رمش واتهنى به

احب قول الحب لاصارت بنيه
واحب ضحك الزين ومن جابه

ارقص غرام بين هذي وهاذيه
وارقص من العشق واسلى به

يالايمي بالزين كف عني الاذيه
عسى حياتك للعشق تبلى به

:MonTaseR_221:

وسلامتكم

القارظ العنزي

04-23-18, 12:16 PM

اسمك الغاوي وينك ....... والرومنسية
تلعب عليهن ما تخاف الرب .. واسبابه
ترى النواعم يبن كفوف ......... ماسية
كف خفيفة تضرب على القلب واطنابه
تلمس خدود بين الاوجان ....... وردية
تبي مساج من اصابعك ...... ترضى به
غير الغاوي للرومنسي ........... وحنية
ويجنك الغزلان والصيد ....... تزهى به
تلقى الجميلة بينهن خشف ...... ريمية
مكحولة العينين للشوق .......... طلابة

صح السانك الغاوي ابدعت في ذوقك الراقي . ومن منا ما يحب الحنين للغزل

الغاوي

04-23-18, 12:21 PM

ما اقديت يالقارظ والتهمه قويه
انا صدوق واحساسي ازهى به

ابي غنوج لي نعومة ذكيه
تفهم مشاعر غاوي وما به

ابي اقلب واتقلب سمرديه
وابي اغني والطرب تحرى به

ابي اضيع بحضنها كل تيه
وابي اضيع معها كل محرابه

القارظ العنزي

04-23-18, 12:28 PM

ارسل شهودك ومن يشهد لك بذية
والا تعال على عمان ........ واحبابه
تاخذ لك دوره بين الاحباب . سرية
وان قالوا جاهز نقول مبروك ياللابة

الغاوي

04-23-18, 12:45 PM

اسال نعيم العود عني وقافيه
واسال رموش الزين وش صابه

من بعد ما صدفه ماهيب رسميه
وش صاب قلبه من عيوني وتنهاده

القارظ العنزي

04-23-18, 01:13 PM

ارسل لي رقمه وانا باقول . يا حيه
كله من اجلك والله لاتوصى .... به
وان قالت : صادق انا التلميذ بالنية
اجيك وادرس على منهجك اقرا به

الغاوي

04-23-18, 01:23 PM

ما صبت رميك يالخوي ما هيب هيه
خله علي اقواه وارتاح من اتعابه

اغار حتى من عيونه عليه محميه
واغار من كلمة دلع تنقال لاهدابه

نجم ضاوي

04-23-18, 01:31 PM

ما معكم من الرومنسيه لو شويه
اثنينكم وقف . . مثل بيت الخرابه

مثل اجنبي .. عايش بدون الهويه
لا اهل . . ولا ربع ولا حتى قرابه

الرومنسيه . . في شرعكم منسيه
يا غبن قلبي . . منكم . . ويا عذابه

أنا الاستاذ .. في علم .. الرومنسيه
أنا اللي اعرف الحب والقلب قد صابه

النفس منه .. غدت يا اخوان .. مبليه
اعرف . . الذي تصدق . . من الكذابه

صح لسانك يا .. الغاوي ..
جميل ما خطته اناملك هنا ...
والمعذره على التقصير هذي من الكيبورد مباشره ...
واستر ما وجهت وانا اخوك ...

القارظ العنزي

04-23-18, 01:32 PM

قصدي اتعلم منكم ...... الرومنسية
يمكن ارقم من مر الدار .. واجنابه
ودي اتعلم قبل نشقى ..... بحورية
ونفهم اسلوبك مع الخلان . واربابه

الغاوي

04-23-18, 01:49 PM

يالله حي نجم وحرفه وقافيه
كنك تهتم القارظ بقلبه غرابه

وش عرفك انت يالغالي بذيه
خل السوالف و خلك ورا بابه

درب العشق كايد شوك ماطيه
ما يفهمه الا قلبي ويفتح ابوابه

القارظ العنزي

04-23-18, 02:02 PM

الله يبلاكم من البيض ....... بثنتين
ما يرحمون امثالكم ... لو تصيحون
ضاوي وغاوي جونا بسنة شياطين
جابوا لنا الفتنة ابد ما .......يتوبون
قلوبنا خضراء ويا دوب ..... سالين
في ديرة تجري بها انهار ... وعيون
تارد علينا الريم من حينها ... لحين
وغديت انا من دلهن تقل .. مجنون

الغاوي

04-23-18, 02:07 PM

ودك تندح بينهن كف ويدين
وحنا ورا الجدران نقلب عيون ؟

لا والله اللي ما تهنيت حيين
وراس النجم حي وبليس ملعون

اما جيمع بجونا نلعب وفرحين
ولا خراب لجوك اليوم بالعون

:icon28:

القارظ العنزي

04-23-18, 02:56 PM

يا بعدكم عني ويا قربهن ...... هين
متمرجح ما بين خدين ..... وعيون
وانتم يا ربع الشقا مع .... عجوزين
واعظامكم من ضلعهن تقل عرجون

الغاوي

04-23-18, 03:06 PM

يا بعدكم عني ويا قربهن ...... هين
متمرجح ما بين خدين ..... وعيون
وانتم يا ربع الشقا مع .... عجوزين
واعظامكم من ضلعهن تقل عرجون

الله يصيبك صبت بالوصف حدين
عز الله انك جبت صدق العجوزين

لكن عجوز كنها بنت عشرين
اخير من بنتن ما بها طعم زين

الشكوى لله خلنا بعمرنا راضين
لا تقلب الافكار وتبدل الدين

:xss:

الغاوي

04-23-18, 03:08 PM

انا حان وقت طلعتي من الدوام
والعذر والسموحه كان فيه زله ولا شي

عز الله اننا استانسنا وانبسطنا بسوالفك

ابوكل عليك نجم هو اللي يبي يقواك يالقارظ هه

القارظ العنزي

04-23-18, 03:52 PM

ابد يالغالي كلك ذوق وابو ضاوي فيه الخير كله .

نجم ضاوي

04-23-18, 05:31 PM

هاه كفشتكم تتحاورون من دوني افا عليكم ...
جايكم مدرعم يا ويلك يا القارظ ويلاه ...

يا الغاوي ترى القارظ به احد امرين
اما خرف . . ولا تكون .. صكته عين

كانه خرف .. أنا ترى . مغسل يدين
وكانها عين . خله لبقعى والشياطين

خلك .. على حناك . تحنى به الكفين
هذا مثل .. وافهمه . يالزعتري زين

القارظ العنزي

04-23-18, 06:09 PM

الحنا بكفوف ناسك ....... ورجلين
يا محني الراس ومكحل .... العين
وحنا حنانا بكف سيد .... المزايين
ومن اجلنا حنت اطراف .. الكفين
وهون عليك من القهر يالحسودين
والا الزعتري فيه من الحلا . الزين
يا ويلك ما عندك من الزين كيلين

الغاوي

04-23-18, 07:32 PM

حسبي الله على شيطانك يالقارظ رجعتنا عشر سنين
ههههه

نجم انا من الضحى أتلفت لك ابيك تعاوني

عجزت اصبر الا اشارك ههه
اقول
هيضني القارظ وقلت بيتين
يومه دعاني مع نجم يم داره

هيضني بوصف زين البساتين
أرض دماث وخصب ما بها قاره

ريح النفل فيها أرض المحبين
ينسى كبير السن معها وقاره

يتوه بالوديان ومن شوفة العين
وافهم كلامي يا فيهيم العباره

نبي نتسدح بين ورد وزهرتين
نبي نشم الورد ونقطف ثماره

ابي نجم ينسى كل العناوين
وينسى دروبه بعدها يم داره

وسلامتكم

القارظ العنزي

04-23-18, 08:00 PM

اهلا هلا لك يا سليل ...... العريبين
انت المعزب وانت فيك ..... الامارة
ونجم ضاوي شوفته تطرب . العين
ولي الشرف ان كان جيتوا ... زيارة
في ديرة فيها البراد ....... وبساتين
وفيها الوناسة للي ضيع ..... مساره
من شافها ينسى عجوز ..... وسنين
وينسى ونين العجز وجدار .... داره
وان كان به سكر وضغط من . البين
تعالجه بنت كل ابوها ........ شطارة
سماعته مدلية بين ............ نهدين
تلقى نفسها حول خشمك .... شرارة
نار تلظى تشعل بالقلب ........ نارين
ومن تلمسك يزيد بالجوف ..... ناره
وان اقبلت عطتك كل ..... العناوين
وقالت : يا مرحب بس امتى الزيارة
احسن من اللي عايش بين .. شرين
والا عجوز بس تنفض ........ اغباره
نصيحتي قدمتها ........... للذكيين
يا فاهم المقصود جتك ...... العبارة

نجم ضاوي

04-23-18, 08:19 PM

ماهو كل ورده لها شذى الرياحين
افهم .. ترى الحر . تكفيه الاشاره

القارظ يبالغ . في وصف المزايين
انا .. اخبر بالقارظ . واعرف قراره

ترى راسي شاب من كثر المحبين
انا .. خبير الهوى . واعرف اضراره

صحيح ارض الزعتري فيها مليحين
وهذا الجمال عندي مفاتيح اسراره

يا الغاوي لا تغرك خضر البساتين
تلقى بها نخل . . ما جنت به ثماره

ارضي بها الغزلان وكل شي ن زين
حتى الخال وسط الخد ختم الاماره

الغاوي

04-23-18, 08:35 PM

أرحب تراحيب المطر يا المهلين
قرم ولد قرم والنعم فيك بجداره

نبي نجي يمك متماسكين الايدين
جيش مفتل وكل عينه شراره

نبي نروح نشوف صدق الصدوقين
هو صدق قوله أو قوله عياره

يا نجم خل الخوف ما هوب هلحين
خلك شجاع وخل قلبك جداره

الزين ندري بارضنا ناس كثيرين
فيهم جمال وزين ما هو بثاره

والزعتري يوعد ولا حنا بدارين
نشوف وش فرق الحلا من قراره

القارظ العنزي

04-24-18, 12:18 AM

يالغاوي احذر لا يغرك ....... الضاوي
والله ما عنده من المزيون ... طبسة
ان زان جوه قام يردد ........ غناوي
والا رجع للفول ويزيد ......... كبسة
تعال يمي لا توخر ............. وتاوي
وتبقى حبيس منحبس وسط حبسه
تعال غير جوكم ............ يالهواوي
جو الشجاع ويعجبه كل ...... فرسة
الضاوي وده لكن ما عاد ....... قاوي
راح الشباب ولا بقي غير .... ضرسه
احذر يعضك يا بعيد ........ الهقاوي
لو يبتسم سمه بعظمك ........ يدسه
قبلك خدعني بخبرته ..... والبلاوي
واخر نصيحة جابت لاخوك . دعسة

نجم ضاوي

04-24-18, 02:24 AM

حياك ربي يا القارظ هذي من القوافي الصعبه والقويه ...
مافيك حيله ولكن احاول اجاريك وان شاء الله استطيع والله يعين ...

عندي سوناتا . . مامعايه عراوي
وادسم الشارب . بكبسه ومرسه

ولاني بشايب . يتبع اهل غراوي
كل ليله يسبب . مشاكل وكرسه

أنا ابو سلمان .. واكنا . بضاوي
احب الوناسه والشعر كل جلسه

واحب جلسات الطرب والحكاوي
بيني وبين السفر عوايق وبلسه

يا القارظ تكفى لا تغوي الغاوي
تراه عند الجمال .. يضيع درسه

يا الغاوي كانك على السفر ناوي
احذر القارظ اخضر نابه وضرسه

تراه يا اخوك .. يجرح . ثم يداوي
ولا حبسك . . طويل الامد حبسه

شايب وعايب كثرت عليه الشكاوي
كل ليله .. يسبب مشاكل وكرسه

الغاوي

04-24-18, 01:14 PM

احترق ضلعي يوم قلبي كواه الكاوي
واحتبس دمعي بعين وما احب احبسه

يو هيضني عريب الجد ومعاه الظاوي
لبسوني ثوب من زمانن ناسين لبسه

من وصوف القارظ تنتفض فيني الخطاوي
ومن كلام النجم لي قلبي طفى حسه

اركدوا يا ناس وخلوا علمكم متخاوي
المزايين هناك عنده اومداها مدى عطسه

حسبي عليه الله ما يجي منه الا البلاوي
كامل الاوصاف ليت من هو يعسفه

ويترشف من حلا ريقه قرطوع غاوي
لين روحي مع ضماها تشبع الرشفه

ثم يبقى بيننا سرنا والعاذل خلاوي
ومن يحاول يكشف السر راسه ننسفه

القارظ العنزي

04-24-18, 09:38 PM

لا تلوم النفس يا خيي ...... الغاوي
خلك غاوي واركب الجمس وتحرك
لا تزيد الجرح وتشكي من البلاوي
تبقى حاير مبتلي تموت ..... بحرك
خذ نصيحة وابتعد من شر ضاوي
والا زادك من بلاه ....... وزاد شرك
احذر منه ذيب بالشعبان .... عاوي
غرني من قبلك واخشى .. لا يغرك
لو يشوفك يمنا نويت ...... وناوي
يسحرك سحره عجيب .. ما يسرك
اخرصة لو يتلون ........ بالشكاوي
ايتمسكن ويتمكن ثم ........ يجرك
الحسود اللي مسوي لك ... هواوي
لو يشوف المترفة معك .... يضرك
يشغلك بكثر الهرجة ... والحكاوي
وان بغيت الزين والله .... ما يبرك
يجدعك بديار الغربة .. والشواوي
لو يشوفك ورعهم طايح .. ما مرك

نجم ضاوي

04-24-18, 10:08 PM

الله واكبر على شيطانك الغاوي
خلاك .. ما تعرف . اللي يضرك

خليته .. بفعلك .. عليك .. قاوي
حتى .. حالك . . غذى ما يسرك

يا الغاوي .. لا . تتبع .. الغاوي
ولا . . تأمنه .. وتعطيه . . سرك

تصبح لحالك . . غريب .. وخلاوي
لا .. عاد . . يجيك .. ولا .. يمرك

القارظ .. عليك .. يا خي .. ناوي
على . . الشوك . . وده . . يجرك

خلك . . فطين .. ذيب .. وهقاوي
ما بر نفسه .. كيف .. تبغى يبرك

تراه .. ما تجي منه . غير البلاوي
الله .. يا القارظ . . يكفينا .. شرك

القارظ العنزي

04-24-18, 10:14 PM

هههههههههههه :
الله عليك أكبر يالضاوي من اين ما نجيك تمرق كالزءبق ، انا تلقيت منك ضربات وضربات عطتني خبرة عنك . لكن أخشى منك على اخوي الغاوي الاجودي ما يعرفك زين وعلى نيته وقلبه طيب عسى الله يحميه ويفكه من شرك .. ابدعت وصح السانك ملايين .

الغاوي

04-25-18, 07:46 AM

صح لسانكم جميع ولا هنتوا

بيض الله وجيهكم

احلام عابره

04-26-18, 08:10 AM

الغاوي

04-26-18, 08:24 AM

الرومنسي الي يحب الرومنسيه
ان كان صادق حياه الله وهلابه

احب الغزل واحب صادق .النيه
والي يحاول خداعي....واعذابه

يروح صويب من رمش ..الابنيه
ويبقى عليلي القلب من ..صوابه

والي بخاطره يعيش ..الرومنسيه
يجي عمان ويدخل البيت من بابه

يلقى الغزل والحب .......والحنيه
وهلابه وهلا بالحظ الي .....جابه

هههههههه

صح لسانك يالغاوي
اول مره اجاريك
تقبل مروري كما هو

حي شعر الزين وألحانه وقافيه
حي من هو يرد الروح صوته واحيا به

لا حضر زين البشر مالي بالباقي بقيه
أنكر ربوعي كلهم وزينك ازهى به

لا نجم لا قارظ واهج من السعوديه
واجي لديرة غنوج زينها تحلى به

ههههههههه منوره عابره زعلت ربعي علشانك ههه

احلام عابره

04-26-18, 09:19 AM

ياحي الشاعر الغاوي.... ياحيه
وياحي ترتيل الحرف بمحرابه

ياخوي القارض عاشقله جنييه
يقطع قلب منهو شاف .صوابه

يقول طبيبه عنده نقص حنيه
ودواه الحب يسكب مع شرابه

ونجم ضاوي حييل غالي عليه
نشمي وقرم ولا يخلي اصحابه

يالغاوي تعال وش لك بالسعوديه
الشوق في قلبك للاردن ..سرابه

ههههههه
لاحدا يزعل هي حروف ضحك ووناسه

الغاوي

04-26-18, 09:37 AM

حياك عابره
وصح لسانك
والزعل مرفوع ما بين الأصحاب
ما من زعل
وش حلوكم وحلو علومكم
والقارظ ونجم يدورون اللي يلابشهم
عليك فيهم هههههه

الغاوي

04-26-18, 10:23 AM

يا احلام جيتك وانا كلي نشاط وعافيه
غير قلبي فيه شوق والعشق للزين صابه

دوك قلبي دوك روحي والمشاعر متناهيه

وخلي الربع ذولاك ما هم لنا لجونا لابه

لا يغرك وصفهم ومنهم طول الحكايه
جعل بنات البيض تفدي زينك التايه

القارظ العنزي

04-26-18, 11:21 AM

احلام عابرة واحلام ......... وردية
تلعب على الحبلين ......... واشنابه
صحيح بنت قرمة ......... ونشمية
واخت النشاما وللطيب ...... وهابة
تسند على الغاوي ونجم النجومية
تبي تجيبه يم الاردن ..... بمشعابه
يا بنت يا بنت العداوين .... يا خية
ما لك ومال البداوين ........ حرابة
شوفيني حولك وامثل . السعودية
انا الحضارة ما هو الغاوي ومخلابة
ونجم ضاوي ما عاش بديار شامية
لو جانا ضاع وضيع تالي ... اركابه

نجم ضاوي

04-26-18, 06:22 PM

احلام تتحدى .. وتبي .. النديه
تلعب .. وسط ميدان .. ضرابه

تبي ند .. لند .. قاف .. ورديه
شاعره . . وسط شعار . حرابه

تبي تقول البيت . وبليد شبريه
تلعب . . على الناي . . وربابه

ماهمها منظر ولا همها الشكليه
هي لي .. قلم شاعر . وكتابه

قافها . موج البحر لكنها حوريه
لها في الزعتري قيمه ومهابه

ايه اقول احلام والقصد لها هيه
ابوها . . ما رد طلاب عن بابه

القارظ العنزي

04-26-18, 07:16 PM

ملاحظة للاخوة الذين ينسبون البعض للزعتري ضانا كل من يسكن الزعتري من الاخوة اصحاب اللجوء السوري . فالزعتري هو عبارة عن بلدة تخص عشيرة بني خالد العربية المشهورة بالاردن ومنهم بالسعودية . ولكن أقيم مخيم لجوء للاخوة السوريين بقرب بلدة الزعتري لبني خالد . فقالوا مخيم الزعتري . فمن الخطأ ان ينسب أي أردني للزعتري فقد جرى التنويه :

أحلام للعدوان ونعم ..... العشيرة
عشيرة العدوان ونمر بن . عدوان
عز القصير وسترة ....... للقصيرة
من ياصل حدودهم عاد خسران
تاريخهم مشهور في كل .... ديرة
منهم نمر مروي السيف. .. والزان
واحلام منهم ياللي تريد البصيرة
ما تنتسب يم الزعتري ... بعنوان

احلام عابره

04-26-18, 07:57 PM

حي الشاعر الي جاب الخميره
صح الحرف وصح الله اللسان

القارض العنزي ولا حد.. غيره
هو عنوان الوفا وللذوق عنوان

حياك يالقارض اذامريت الديره
معزبتك شيماء عبدالله العدوان

القارظ العنزي

04-26-18, 08:40 PM

كفو يا شيخة العدوان ... القديرة
يا شيخة الزينات في كل الازمان
نعم المعزب للي ما له .... عشيرة
متميزة بالطيب مبطي ... وذلوان
لي الشرف والضيف يلقى بشيره
في داركم اللي بها الجود . عنوان

نجم ضاوي

04-27-18, 04:17 AM

صرت وياك ياشيماء في حيره
والله اني من الوصف خجلان

غشيم فيك . . ولا لي بصيره
عزالله اني على ماقلت ندمان

اثاريك يا شيماء . منتي قليله
دام النسب .. عايد لبن عدوان

خيره .. وجت .. من الله خيره
إن اخطيت اعذريني فأنا انسان

خابر ن روحك . عظيمه وكبيره
تدمحي زلت .. مخطي وغلطان

الغاوي

04-27-18, 10:29 AM

والله ونعم بالجميع
كلكم تستاهلون النعم

القارظ مشكور على التوضيح
معلومه مهمه من جد

ابوالليل

05-04-18, 01:29 AM

يالغاوي اثر النجم عندك هنيه
والزعتري يمك منوخ ......ركابه
من قافكم شفت المجارا ...حليه
معها خفوقي جزل الابيات جابه
تعالو ودي الحين نسهر...... سويه
ونجر لحن الدندنه .......والربابه
والعابره احلام جتنا.......... بهيه
مزيونه ولافي حلاها ........غرابه
شعرك ترى يفتح لقلبي... الشهيه
يكتب حروفه ولايحسب ...حسابه
ترا الحلا والزين كله ..........معيه
وسط اليمن وبالخص في ...وصابه
مثل القمر يوم البدر شفت.. ضيه
ياعوق قلبي من حلاه..... وعذابه
دورت هالعالم ولاشفت........ زييه
رعبوب ادعج اخجم الوجه ..هابه
اليا مسح كفه يشيل ..........البليه
كفه دوى للي بلا الحب .......صابه

صحت السنتكم
ابدعتو تالقتو ليتني من البدايه معاكم
كان قلت العجايب

القارظ العنزي

05-04-18, 08:43 AM

الليل يا بو الليل جاب .. الاذية
راحت افكاري مع ظلامه انهابه
يا خي يا بو الليل ما لك . وليه
ادخلتني ما بين غابة ... وغابة
الغاوي يغوينا بشر ....... البلية
بالضاوي اللي عزيز ...... جنابه
واحلام صارت بينهم لي شظية
زادت على قلب المشقى صوابه
وانا متيم بالزعتري ...... القرية
احبها واحب صافي ...... اترابه
كله على شان الهنوف ... العذية
معربة ما هي من لفيف الخرابة
خواله عمامه من عروق . عنزية
متسلسلة ما دخل فيها .. خنابة
جابت لنا اللي كل علومه شقية
توه صغير ومنطقه بب ..... بابة
ابا انتظر يكبر يقود ..... السرية
ويفعل فعول للاهل .... والقرابة

الغاوي

05-04-18, 09:04 AM

يا مرحبا بالليل وانا خويه
يا مرحبا بالقاف اللي عنى به

ولا يهون القارظ راعي الاوليه
واحلام والنجم فوق راسي وتاجه

نجم ضاوي

05-07-18, 01:05 PM

ياخوك ياالقارظ .. بدلت ذيه بذيه
تلهث ورى الماء .. وتلقى سرابه

ابا اعطيك كلمه . واعتبرها هديه
المطر تحمله .. سود .. السحابه

لا .. تتبع اللي .. علومه .. رديه
بوجه المعازيب . . يصك . . بابه

وترى السمي بالجود يتبه سميه
وسلمان ذيب .. من . قومآ ذيابه

قافك عجبني .. وميه . على ميه
شربت .. من نبعه .. عذبآ شرابه

الله حسيبك .. هيض . قافك عليه
جرى .. عزيز الدمع . من اسبابه

تذكرت . . اللي قد . . بلاني بليه
تذكرت اللي هجر في الود احبابه

القلب يوجعني . . وتوجعني كليه
عوضي على الله . وما خاب طلابه

القارظ العنزي

05-10-18, 07:23 AM

يالضاوي خل الحب يمي ....... وليه
شكلك كبرت وسكر الحب ...... بابه
الحب يبغى له قلوب ........... قوية
وقلبك ضعيف ولا يتحمل ... صوابه
والجادل اللي ودك مصة ..... اشفيه
سابتك وعادت يمنا يا هلا ........ به
تبي هوانا وارسلت لي ......... هدية
وقالت حذاري ضاوي يدري .. جنابه
ضاوي خدعني واثره شايب ... بلية
ضيع لي عمري وقلبي ضيع . شبابه
دخيلك خله ينسى ذيك ...... البنية
ويالله نجدد حبنا في ......... غيابه
وش عرفه بالحب ....... والغشمرية
ما عمره شاف الزين ولا الزين جابه

نجم ضاوي

05-10-18, 04:13 PM

أفا يا القارظ .. تسوي بي كذيه
وانت الخوي ودوى روح منصابه

ماخبرتك معي .. علومك . رديه
وتطيع . . في الهوى بنت كذابه

عز الله .. جتني منك طعنه قويه
ماهو منك .. هذا كله من اسبابه

عوضي على الله .. فيك يا البليه
انت نصاب .. وهي . . بعد نصابه

العابكم مكشوف وما تخفى عليه
والذيب يبقى ذيب . لو وسط غابه

الله يهنيك .. مع .. ذيك .. العذيه
بس احذر . . منها . . تراها زلابه

لا تحسب انك . عايش ن تحت فيه
عمرك سمعت مستظل بجنح الذبابه

القارظ العنزي

05-10-18, 04:55 PM

وين الخطا يا خي وين .. الخطية
ما دامها جتني تشعب ...... ركابة
ابا احتظنها وهي تقبل ...... عليه
وابي اغني والحبيب ...... الربابة
الحظ قام وعشقتي ....الغشمرية
والحب حظ وسمح الله .. اسبابة
ليه تحسدني يالخوي ..... يالبلية
ما دامها كانت عندك ........ ازلابة
ابي اتزلب والزلابة .......... شوية
وننسى همومن فرقتنا ..... وغابة
وين الخطا قلي وين ..... القضية
حب وقع بالقلب وين .... الغرابة
هذا اعتراف منك كانت ... حظية
واليوم يوم جتني بانت ... عيابه
لا تظلم المجمول والله ..... فتية
وعلاج للعاشق يشفي .... صوابه
وانا ما خونك يالخوي وش عليه
ما دام هي اللي جت والله هلا به
ذي غلطتك قسيت وتوه ... ابنية
ما تحتمل خشونتك ..... يالقرابة
متى تعلم كيف تشري ...... هدية
هدية تفتح قلوب ......... ومهابة
الشغل ما هو خذني جيتك وهية
الشغل ذوق ولطف وتلقى جوابه

نجم ضاوي

05-10-18, 05:49 PM

ما اخفيك يا القارظ حب ذيك البنيه
ما زال . . وسط القلب ويدق بابه

حبها عايش .. حتى .. اليوم .. فيه
غصبآ .. على قلبي . نوخ له ركابه

بس غلطته .. شاف . . نفسه عليه
وسهم التعالي . . لب القلب صابه

ايا صاحبي القارظ . تعال خذ بيديه
وسمعني قاف .. على لحن الربابه

مصيبتي في صاحبي . عزالله قويه
واللي حصل لي . . كله من اسبابه

خلاص ما ابيها .. ولا تفهمني خطيه
خلاص .. أنا عفته . . يكفيني عذابه

الله يهنيك .. بحب .. ذيك الغشمريه
ويملا .. السلا قلبك . . ويملا رحابه

القارظ العنزي

05-10-18, 06:57 PM

ابشر بعزك واتكل بس ........ عليه
والله لاخربش يالخوي في . اثيابه
واخذ حقوقك يا زبون ...... المنية
واقطع نفسها لين يبين ....... لعابه
دامك شكيت الحال وش باقي ليه
انت الكريم اللي عزيز ....... جنابه
عطني من اسرار المحبة ... شظية
ابي احدد مقتله او ......... صوابه
والله لو انه يختفي ....... بالسرية
الا نجيبه ونعتني في ....... عذابه
اللي جرح قلب الخوي مع .. خويه
والله لاهده وادفنه في ...... اترابه

ابوالليل

05-10-18, 08:20 PM

وانا معاكم دان....... يالمهمهيه
نرقى ونرقى لين ذيك السحابه
لجلك بجهز يابوضاوي... سريه
وخلي بيت الي يعادي ...خرابه
نبقى ثلاثه انت وانا..... سويه
والقارظ العنزي نغني ...طرابه
لالا يهمك قول هذا ..... .وذيه
حنا معك ياصاحبي. كالذيابه

القارظ العنزي

05-10-18, 08:43 PM

كفو يابو الليالي ذيب ....... السرية
ذيب العرب ومن سلايل ..... ذيابة
لكن ترى المجمول جاني ..... هدية
وصارت دخيلة وابو ضاوي . عذابه
وانا هواها وايضا هي لي .... هوية
عافت الضاوي وايضا صوت الربابة
بنت جميلة وجتني تبي .... الحمية
وقلبي تعلق في هواه وهوى ..... به
ولا يمكن اعطي عشقتي ...... للبلية
اللي تعود عيشته وسط ........ غابة
انا حبيب الشوق وايضا ........ وليه
روحوا بعيد وحذرا تلمس ..... ثيابه
زينن يهول والبلا في ......... اشفية
مورد الخدين ما هو ............ ازلابة
الزلابة النصاب مطفي ........ اضوية
عجز يصيد الريم ...... وضيع شبابة

ابوالليل

05-10-18, 09:22 PM

ان كانها تبغاك خذها هنيه
وخلي ابوضاوي يدور بداله
خلاص يالضاوي تراها البنيه
راحت ورجعتها ترا ..استحاله
ارفع كفوفك ودعي رب البريه
يصبر فؤادك على قلة وصاله
ولا تعال عندي وخذ ماربيه
احسن من اللي لجلها فيك حاله
تعال عندي باتجيلك... شهيه
لما تشوف الزين مسدول شاله
فيهن جمال وذات طلعه بهيه
يسحر اذا بين ويسحر. جماله

احلام عابره

05-10-18, 10:34 PM

ثلاث رجال تتحالفو ضد......بنيّه
وينكم ياصحاب ووين..... الذيابه

وليت يا زمان المرجله.... والحميه
واقبل زمان الدندنه....... والربابه

وينك يازمان الزنود .......الفتيّه
الي ترعب العدو وتدك ......بابه

بالله ياصحاب لا تزعلو .....عليه
مدري.القلم بهالليله ......شصابه

كن الهموم متكاتفت ن .....عليّه
مالِ هوى بشعر الغزل والصبابه

القارظ العنزي

05-10-18, 11:57 PM

ابوالليل

05-11-18, 07:49 AM

حرام ماني معهم ........ يالاجودية
ابو الليالي وابو الضاوي .... نوى به
قلوبهم السود شانت ........... عليه
من يوم حميت الترف وحميت بابه
كم وحدة راحت منهم ...... ضحية
دموعها معهم تمطر ......... سحابة
شدي عليهم يالجادل .... الغشمرية
يمكن يتوب اللي حظه ..... غدا به

ماكنت متوقع تغير ........ عليه
يالقارظ العنزي نسيت الصحابه

تقلب مع احلام وين..... الحميه
وفلت ابوضاوي وصاحب. وصابه

القارظ العنزي

05-11-18, 08:34 AM

يا صاحبي يا بو الليل حقك . عليه
مير البلا باحلام ما ينصخى .... به
بنت خطيرة ورمحها ..... سمهرية
يا ويل والله من تحدد ..... صوابه
ابي السلامة وابي اثبت ..... ايديه
قبل الهزيمة يمكن نكسب ... ثوابه
وانت ورفيقك تستحل ...... البرية
فيكم خداع وتلعبون ....... الربابة
مثل ما قالت احلام ......... العذية
انتم بشر لا شك تقلب ....... ذيابة
قلوبكم فيها نية ............... ونية
واخشى على عشقتي ..... يالقرابة

نجم ضاوي

05-11-18, 08:45 AM

القارظ . . يلبد كما نيص ويلدغ مثل حيه
مدري على مثل ايش معي ناويها حرابه

وانا احاول ابتعد اخاف لا اصيبه بشضيه
اخاف بكره يقولون الضاوي خويه وصابه

يا العابره قولي للقارظ يخف عليه شويه
وقولي له . . ترى نجم خيك مغرم صبابه

احلام عابره

05-11-18, 09:20 AM

القارض اردني واناااا .اردنيه
لاهو يصخابي ولانا .اصخابه

والنجم صاحب يقدر ...خويه
ياهو نعم الاخو وعز الصحابه

وابوالليل الشن هجومه عليه
خله عن سهامي يصك ...بابه

تراني نويتله وبيّت الف...نيه
وشوفو من اولها السهم صابه

وانااصبحت اجوائي رومنسيه
وبخاطري شيله وجرت.. ربابه

يالعنزي ياعزوتي اقبل ...عليه
وهاتلي اعذب حروف الصبابه

هههههههه

القارظ العنزي

05-11-18, 09:55 AM

حاضر وانا عزك وعز ...... الخوية
يا جارتي وعدوان إلنا ....... قرابة
عدوان هم حكامنا ...... بالجاهلية
ينبيك ابن الضرب واللي حكا . به
يا حلام ترى الضاوي ناوي ... بنية
وحذراك ابو الليل بان .... بخطابه
ترى الجماعة يا بنت عمي ... بلية
مثل الذيابة تستعر وسط ... غابه
والا الرومنسي ما هم يمه .. وفيه
تعالي لام جمال نلعب ....... ربابة
عند الجبل ربعي ذياب .... السرية
منهم نجاح المساعيد ........ يا به
فيهم رجال وفيهم كل .... ابدوية
العزوة الي ما يطرون ..... السبابة
لك الكرامة وصدر المجلس هدية
والحب اللي قلبي إلكم .... هذا به

ابوالليل

05-11-18, 11:48 AM

صحيح لكن مانويت... الرديه
ماهمني قول البعض لاحكابه
لاتخدعك بقوالها... الاردنيه
ولايغرك مدحها ......والكتابه
تراك سعودي مير ..بالزعتريه
جالس تتبع قولة اللي. تشابه
احلام لاتغتري بالحكي ..ذيه
وسهمك اللي تهدديبه ما اهابه
ماني بجاهل بنت تلعب.. عليه
ولا زمان الجهل ونصك ....بابه
انا يماني عزوتي ..... حميريه
واللي يماني يفتخر... بنتسابه
منهو يبينا بطيب يالله ..حيه
فوق روسنا يامرحبا ..وياهلابه
واللي يجينا بالردى يشوف جيه
ننهش لحومه مثل نهش الذيابه
ماريد اطيل القول.... ياسامعييه
اليوم جمعه مايبيله...... شقابه

نجم ضاوي

05-12-18, 12:40 AM

يا سحابه امطري واروي ديار الاردنيه
بلغي عني السلام واحضنيها يا سحابه

وبلغيها ياسحابه .. صارت احوالي رديه
بلغيها عن غلاها كيف صاب قلبي وعثابه

انظري وضعي .. وخافي . . الله .. فيه
إنتي السبب يابنت في كل شي ن جرابه

انتي قضيه .. لا والله انتي اصل القضيه
كيف لو دريتي . انتي له طعامه وشرابه

مطعون منك .. بأربع .. جنابي .. شاذليه
ثلاث سنين . حبك في قلبي . محدآ درابه

الغاوي

05-13-18, 11:16 AM

يالربع عندي لكم بعض الاسئله
من هو يجاوبني ويعلمني جواب

الزين زين الوجه ولا قوام مدلله
ولا عيون ومبسم وريق يذاب

وين الحلا موجود وين المعضله
اللي تخلي قلب عاقل مابه صواب

ولا الخصر مبروم ضيق مسنده
ولا ردوف وكنها تضرب عتاب

وين الحلا يا ناس وين ابلمسه
وين الجمال اللي يسبب لي عذاب

نجم ضاوي

05-13-18, 01:04 PM

إن كان ما تعرف . فهذي مشكله
اما على نيه .. او فقدت الصواب

ياخي سؤالك . مافيه اي معضله
اسأل النفس وراح تلقى الجواب

الزين . زين الروح . . هي الاوله
ان كسبتها . . ترى الحظ لك طاب

اما باقي الاوصاف . تراها مكمله
هذا الصدق .. ماهو .. كلام كذاب

الغاوي

05-13-18, 01:16 PM

صادق وجبت العلم من اخره لاوله
هذا كلام الصدق ولكنه سراب

الشوق للمزيون يدور له يحضنه
والقلب ينسى الصدق لا شاف العذاب

والعين عن الادب تقفي مدبره
تبي وصوف الجسم والدنيا خراب

نجم ضاوي

05-13-18, 01:35 PM

الناس اجناس .. وكلآ . . له وله
والعقل عند بعض المخاليق غاب

اخر الجمال . . يا اخوك . . تلتله
تفتح لك الفيره . . مليون .. باب

القلب لا مال .. ما تقدر . تعدله
والرسول عزنا يا الغاوي بالخطاب

الغاوي

05-13-18, 01:45 PM

القلب لا هام في شي يجمله
ويزين بوصوفه وباطباعه انجذاب

والروح لا غنت الحان الهوا دندنه
تهوا وتعشق راعي الرقص لعاب

يالله تكفينا من بنات الملعنه
وترزقنا بنات الطيب لا طاب

نجم ضاوي

05-13-18, 02:18 PM

قرارك . . وانت الذي تتحمله
الحب يالغاوي .. اخرته عذاب

دامك بديت .. لا بد . . تكمله
بس احذر .. من غدر الاحباب

انصحك .. قافي هذا .. تأمله
قبل ياخوك .. لا يطول العتاب

هذا كلامي بإختصاره ومجمله
وانتظر منك . . رد .. الجواب

الغاوي

05-13-18, 02:25 PM

المشكله تدري وين يا خير الاصحاب
المشكله بالقلب لا نوا من هو يردعه

وحتى لو كنا مع الحب ما حنا باصحاب
لحظة نزل بالقلب شوقه وحنا نتبعه

غصب علينا يا خويي سود الاهداب
يتملكون القلب والعناء حنا نبلعه

ابوالليل

05-13-18, 03:37 PM

ياهاجسي غني من الشعر ماطاب
عندي كلام وبغى كلا.... يسمعه

الحب يبدا ببتسامه..... واعجاب
ولا بصوت ن. خلف حاجب تسمعه

الحب مايبغى اكابير........ والقاب
الحب اعمى يمشي مع من يوفي معه

لايغرك البهرج اذا بان .....كذاب
مسكين منهو من الخلايق ...يتبعه

هذي الحقيقه جابها لك من وصاب
ابوالليل من سد الشعوب.... الاربعه

نجم ضاوي

05-13-18, 06:49 PM

على راسي والله . يا شاعر وصاب
بس ليش العنا .. والمقفي . تتبعه

وإنت .. تدري الحب .. اخرته عذاب
لا إنته رويت القلب ولا اللي اشبعه

من شان الحب . . كلآ يتعلا الصعاب
ياما نصحت .. وهرجي محدآ يسمعه

مابقى حب . واللي بقى كله سراب
يلعن ابو حب . يسيل للرجال مدمعه

مابقى بالدنيا . غير حب . كله كذاب
واكذب منه رجال .. يا حيف .. يتبعه

الغاوي

05-14-18, 11:20 AM

اليوم غير امس والجو غير الجو
والوقت والخاطر تغير مزاجه

كنت امس بالحب مولع ضو
واليوم مثل الثلج عشت ببراده

العشق هذا العشق ماهو من التو
من اقدم الازمان عاشوا لجاجه

مره يزيد الشوق ومره بلا نو
ومره جنون الحب ومره قراده

نجم ضاوي

05-14-18, 12:03 PM

وقعت أنا .. قبلك . وما فادني .. لو
وقلبي .. له الله .. يعجل .. بإفراجه

كنت اسهر الليل .. واراقب . . الجو
تيار الحب وسط القلب عالي امواجه

لاهم اللي راسلوني ولاهم اللي جو
وانا الذي قلبي بالحب مطلق حجاجه

يا صاحبي الغاوي نصيحه اتبع الضو
مالك بالظلام . . واهل الظلام حاجه

الغاوي

05-14-18, 12:15 PM

دندن على جوك وانا لي بعد جو
احب جو العشق واعشق زمانه

احب اغازل عشقتي ما بها لو
لو الزمان ولو كنا ولو فينا امانه

اعيش جو الحب ولو علينا تغلوا
خل الدلع فيهم وفينا العقل والتكانه

من طبعهم غنج الحكي والمشي هو
ميزه وميزهم الله وكلن في مكانه

واليا بغيت الصدق ان حبتك ماعرفتو
لحظة فراق ولا حز ولا حتى اهانه

نجم ضاوي

05-14-18, 01:06 PM

كنت احسبك صاحب وكنت احسبك كو
ووضعت . . لك في يمين القلب خانه

شيذت لك مركى .. واشعلت لك ضو
قلت هنا .. يسكن الغاوي وهذ مكانه

حتى القصايد معك .. تروق .. وتحلو
قلت هذا الغاوي الشاعر وهذا زمانه

اثرك طايح .. بالغزل .. وعايش الجو
ومهيتآ في الحب قلبك ومطلق عنانه

ليه التعب ياصاحبي ومن شان وشهو
خل الغزل لأهله واترك الحب وجنانه

خذها نصيحه ياولد .. قبل يا ليت ولو
ترى .. بعض المحبه . . اخرتها إهانه

الغاوي

05-15-18, 10:14 AM

تواعدنا مع العشاق وبعدها الغوا
مواعيد اللقاء والعشق لقلوب خسرانه

اداري حزني القابع وسط روحي اذا جو
واضحك للعيون اللي بالدفا دوم بردانة

انا ادري دروب العشق ظلما ما بها ضو
وانا ادري كل روح تترك العشق كسبانه

ولكن لا تلوم القلب لمن الضلوع شبت ضو
على لحظة لقا بالعيون الوصف ذبلانه

أقول لخاطري تكفى ويتحداني نو . نو
وأقول بليز ما اقدر وفيني الروح سهرانه

نجم ضاوي

05-15-18, 11:24 AM

نصيحتي لك .. اقفي . . مع اللي اقفو
كم واحدآ مثلك .. روحي عليه . شفقانه

يا كم . . واحدآ . . جو .. للحب . . الفو
واضحو قلوب في صحاي الحب عطشانه

تمشي .. في ارض . . ترها .. كلها هو
ارض .. جردا . . مابها .. زرع . . عريانه

ارجع لحولك .. قبل .. تصير .. حالتك بو
خلك مثلي .. مال الحب . في القلب خانه

خل .. دروب الحب . . دام .. كلها .. سو
لولا الغلا .. ما نصحتك .. ولولا .. الميانه

الغاوي

05-15-18, 11:34 AM

القارظ العنزي

05-15-18, 11:34 AM

الله يكافينا محبة الغوى .......... والضو
والغاوي والضاوي معه يكرب ..... بطانه
يا ناس توبوا شهر الفضيلة بدا ....... تو
اشوي ويعلن للمخاليق ............. تبيانه
وين الغزل عنكم قبل هالوقت .... يا هو
وين انت ياللي تشكي همه ...... ونيرانه
محبة بنات اليوم يا ربعنا ............. سو
من عاد منكم حصل الشف ...... والسانه
كله سوالف وامنيات وليت ........... ولو
وعند الصراحة ما فيكم من جاب برهانه
خلوا المحبة للي يعرفها وله ......... جو
القارظ اللي خذا المجمول ....... بارسانه
والشايب اللي تقاعد وبدا ............ يلهو
نصيحتي يتوب ويترك الحب .. واحزانه

الغاوي

05-15-18, 11:36 AM

القارظ العنزي

05-15-18, 11:41 AM

هههههه
انا احتطت لنفسي وبديت بالتوبة مبكرا . ولنا عودة ان شاء الله بعد رمضان المبارك وكل عام وانتم واعضاء المسك الغالي بالف خير . بس ودي اقهركم اليوم لاني في وجه رمضان منكم . ومتأكد ان رمضان له حرمة بينكم . ولا تعرضوا لي الا بخير . يعني ضامن السلامة لبعد العيد ههههه

الغاوي

05-15-18, 11:42 AM

القارظ العنزي

05-15-18, 11:48 AM

جزاك الله خيرا . نجم تلقاه مجهز السوبيا من بدري . وبعد ما ينتشي عقب الافطار يجيك مدحدر ومطبلها بقصيدة غزل تنبض بالصوم هههههه

الغاوي

05-15-18, 11:49 AM

جزاك الله خيرا . نجم تلقاه مجهز السوبيا من بدري . وبعد ما ينتشي عقب الافطار يجيك مدحدر ومطبلا بقصيدة غزل تنبض بالصوم هههههه

هههههه :MonTaseR_218:
ما ادري والله انتم ربع وتعرفون بعضكم زين

القارظ العنزي

05-15-18, 11:53 AM

يا رجل كل أهل الغربية السوبيا عندهم كالتمر عند أهل نجد . فالسفرة بدون سوبيا وفول جرة ناقصة ولا يقدر نجم ينكر ذلك . الحجاز على مذهب ابو حنيفة النعمان رحمه الله ههههههه

الغاوي

05-15-18, 11:54 AM

:Kq600697:

أورانوس

05-15-18, 12:26 PM

يا رجل كل أهل الغربية السوبيا عندهم كالتمر عند أهل نجد . فالسفرة بدون سوبيا وفول جرة ناقصة ولا يقدر نجم ينكر ذلك . الحجاز على مذهب ابو حنيفة النعمان رحمه الله ههههههه

امبييييه لا تعمم وانا اختك
لي اكثر من 25 سنه في الحجاز ولا ذقت السوبيا ولا احبها !:6:
وكثيرين زيي
هي تختص بأهل مكة اكثر شيء:MonTaseR_94:

اسفه دخلت عرض بس كنت اتابعكم بصمت من كم يوم

القارظ العنزي

05-15-18, 12:42 PM

صدقت ي لا نعمم . ولكن القاعدة في الحكم للأغلب . فالغربية منبعها ولهم فيها خصيصة . وهناك من يحرمها أو يحرمها حرمة التنزيه من خارج أهل الحجاز . ومن يتبع مذهب التحريم أو الكراهة من اهل الحجاز فهو المستثنى . لا عدمتك يا أخية .

نجم ضاوي

05-15-18, 04:29 PM

ههههههه حياكم الله وشهر مبارك الله يعيده علينا وعليكم ...
بالخير والعافيه والمسرات ...
اولآ : يا .. القارظ العنزي .. أنا واعوذ بالله من كلمة أنا في ...
في كل الحمد لله رمضان .. اتفرغ للعباده ولا اقدم على ...
الشعر ولا انزل اي قصيده في هذا الشهر الفضيل ...

ثانيآ : أنا من عشاق السوبيا والفول في رمضان او حتى ...
في غير رمضان لا اتركها واغلب الاوقات الصفره لا تخلو منها ...

ثالثآ : ليس كل اهل الحجاز يحبون السوبيا ولكن هناك الاغلبيه ...
في الحجاز يحبون السوبيا ...

رابعآ : يا .. اورانوس .. اذا انتي ما تشربي السوبيا فاتك نصف ...
عمرك الله الله على لذعت طعمها في اللسان ...
ذوقيها وانا اخوك وما راح تندمي وراح تشكريني ان شاء الله ...

هاه يا القارظ انت والغاوي اعتقد جاكم العلم ...

القارظ العنزي

05-15-18, 06:27 PM

أورانوس

05-15-18, 07:38 PM

المشكلة يقولوا اللي يذوقها ويكثر منها الله يخلف على عقله هههههههه
خلني بعيدة احسن
حتى بيتي ما ادخلها فيه ولا يشربها زوجي الحمدلله

اما ما تقولوا شعر في رمضان ليه ؟!
حلوة قصايدكم لا تبخلوا
بس في نفس الوقت اهم شيء العبادة وجمع الحسنات
الله يجعلنا واياكم من عتقاءه

أورانوس

05-15-18, 07:39 PM

كل عام وانت طيب يا بو ضاوي وشهر رمضان مبارك عليك وعلى الجميع . بالنسبة للسوبيا مع اني شمالي ومذهبي حنبلي صرف لكني أشربها بعد ثلاثا من صنعها حتى نتذوق اللذعة التي سحرتك قبلنا . وان استطعت ان ترسل لنا منها شيء عالزعتري بلا غلبة يا زلمة فعجل لنا ذلك لاهتت . أما الشعر فرومنسيته لا تصلح الا بعد السحر والسحور يا بو الاسحار .

اش سالفة المذاهب هذي ؟؟
كلنا سنة ما نتبع الا الرسول صلى الله عليه وسلم
ولو تمعنت وابحرت في المذاهب الاربعة لوجدتهم متفقين في مسلمات الامور
لم يختلفوا الا لطبيعة ظروفهم او مكان عيشهم ولكن مصدرهم السنة

القارظ العنزي

05-15-18, 09:53 PM

وما دخل ظروفهم وطريقة عيشهم في مذاهبهم يا أورانوس . المذهب هو ما ذهب اليه الفقيه بوجهة نظره لتفسير السنة ومقصودها عندما لم يكن هناك نص محكم . ويكون للرأي مكانه بالفقه . او يختلفون على صحة الحديث وناسخه ومنسوخة . فالمذهب وجهة نظر فقهية بحتة والاصول في الدين واحدة . أي عقيدتهم واحدة ولم يختلفوا عليها . فمثلا اختلفوا الصحابة في شرب النبيذ وهو نوع من السوبيا . فأخذوا بذلك أهل الحجاز والشام على مذهب عبد الله بن مسعود ورفضه من تبع مذهب عبد الله بن عمر . وصحيح النساءي مليء لتلك النصوص حول النبيذ والله أعلم وأحكم .

القارظ العنزي

05-15-18, 09:56 PM

آسف أقصد اهل الحجاز والعراق لا الشام . وتشددوا بذلك الحنابلة . كما تشددوا بنقض الوضوء من أكل لحم الجزور الا المالكية فهم يجيزونه وخاصة الشناقطة لا يرونه ينقض الوضوء والشافعية .

أورانوس

05-16-18, 03:05 AM

جزاك الله خيراً على افادتي
ولأول مرة أعلم أن السوبيا من أنواع النبيذ ! وأن هناك من حلله !!

المشكلة انهم يشربونه في اعظم الشهور ((رمضان)) !

القارظ العنزي

05-16-18, 06:06 AM

أختي الغالية أورانوس : نحن هنا نتكلم بلسان العرب ، لا عن ترجمة كلمة انجليزية . فالنبيذ لدى العرب شيء وترجمته من الانجليزية شيء ثاني ، فلا يذهب فكرك بعيدا . فالنبيذ في الشريعة الاسلامية هو ما نبذ من تمر او خبز او ما شابه في الماء يوم وليلة . فيشرب ثلاث أيام . ونهى عنه رسول الله صلى الله عليه وسلم بعد ثلاثة ، فالسوبيا نوع من هذه الانبذة يا أما خبز قمح او تمر أو بعض الفاكهة المفيدة للمعدة والطاردة للبلغم ومصفية للدم ومنشطة للجسم . هذا ونسأل الله العفو والعافية والتوفيق للجميع .