المساعد الشخصي الرقمي

مشاهدة النسخة كاملة : ((أنا العاشق))


القارظ العنزي
04-25-18, 10:52 PM
أنا العاشق اللي في هواكم ألعي ... وانوح
أسامر نجوم الليل وارسل ....... تباريحي
حاولت اخفي العبرة ودمعي بدا مفضوح
تسابق دموع العين ونوح ..... المجاريحي
يا كم انتظرتك ترضي الخاطر .. المجروح
مع انك تماديت بعذابي ......... وتجريحي
صبرنا على هجرك وقلنا لكم ...... مسموح
لعلك تحن وتفهم اليوم .......... توضيحي
نعيش الأمل فيكم وفيكم لنا ...... مندوح
وانا من صدودك ضعت وزادت تصاريحي
تعالي تعالي شوفي كيف الجسد مطروح
يا ليتك تجي وتشوف الياقمت واطيحي
ولا حولي اللي اخبره بالبلا ......... وابوح
لعله يسلي خاطري كل ما ........ اصيحي
من اللي سبقني بخبرة ويفهم .. المنضوح
رمى به غزال الدوح والرمث .. والشيحي
رماه وخلاه اينوح ما بين السماء والدوح
ولا له صديق يطرب الحال ...... ويريحي

القارظ العنزي

الفيفي2017
04-26-18, 12:13 AM
صح لسانك ولافض فوك

نجم ضاوي
04-26-18, 01:52 AM
عطني تقارير .. حبك . . مع . . شروح
انظر في امره .. ارسل لك . بتصريحي

ما ودي .. اجي يمكم . . كذا . . واروح
ابي النتيجه .. تظهر .. في .. تشريحي

واعطيك العلوم واشرح موقفك بوضوح
حسب وضعك .. هذا . طبع المجاريحي

هيام الحب .. يبكي المحب . كذا وينوح
هذا ما بدى لي .. ولك كتبته بصريحي


صح لسانك اخوي الشاعر .. القارظ العنزي ...
ابدعة ورب الكعبه لله درك ..

لا خلا ولا عدم ...

القارظ العنزي
04-26-18, 05:57 AM
صح بدنك الفيفي 2017 لاهنت على المرور وتعطير صفحتي

الغاوي
04-26-18, 07:36 AM
صح لسانك
وعلا شانك
روعه ما شاء الله عليك

القارظ العنزي
04-26-18, 11:27 AM
صح السانك ابو ضاوي القاف صعب وغلق معي فاعذرني على عدم الاستمرار لاهنت

القارظ العنزي
04-26-18, 11:28 AM
الغاوي صح بدنك لاهنت


SEO by vBSEO 3.6.1