مااعرف اسولف.. انطوائي

[مشكلتي]

السلام عليكم ورحمة الله وبركاته

انا مشكلتي يااخوان هي اني مثلا جالس مع واحد
ممكن لو اقعد اليوم كله ساكت لو هو مو من النوع اللي يسولف كثير
وصراحه هالمشكله متعبتني جدا جداااااا ومدري وش الحل

لو مثلا جالس مع مجموعة شباب ويتحاورون حول موضوع معين
انا اقدر اتناقش معهم حوله واشاركهم رايي الوضع عادي
بس لو مثلا مافيه سوالف او جالسين بس انا وواحد هنا اعاني

يعني تخيلوا بعض اصدقاء اعرفهم من 4 و5 سنوات ولا قادر افتح معهم موضوع
عمري 17 .. احب الناس والاجتماعات .. بس مشكلتي في ايجاد مواضيع اتحدث عنها

[M.ahmad]

عليكم السلام ورحمة الله وبركاته

ركز في بداية كل سالفه تُقال في المجالس كيف تكون طريقة فتحها ثم حاول تقلد ذلك مع أشخاص آخرين

وحاول إذا فتحت سالفه من عندك لشخص يكون فيها إضافة قصه سمعت بها أو حصلت لك حتى تكون السالفه ممتعه للمتلقي

وبهذي الطريقة مع الممارسه ستلاحظ نفسك سولفجي حق خطوط مليئ بالثرثره

-- ردد دائماً هذي الآيه الكريمه بنية الدعاء :

(( رب إشرح لي صدري ويسر لي أمري وحلل عقدتاً من لساني يفقهو قولي ))

[‏ღعـــڒٍۅڒٍ‏ღ]

.

الثقل شي زين
ولاكن الاخذ والعطاء والسوالف ومعرفه الناس تجاره
وشطاره .


اخوي ابدا بي سالفه وسولف وتشجع
مرا مرتين ثلاث
وشوي شوي
بتلاقي نفسك
بديت تتغير


تعال سولف معي بعلمك :y2o01875:

[Smile Syr]

هالمشكله كانت عنددي
كنت ما اشوف ناس كثثير ولما اقعد بين مجموعه اضل ساكته حتى نقاش كنت استحي
بس بعدين طفشت من هالحاله وكان لازم اثبت للشعب اني موجودده :MonTaseR_31:
فـ صرت اددخل بحوارات احاول اجيب اي موضوع شفت الخبر الفلاني وين طلعتو مبارح ايش سويتو كيف الشغل او الدراسه وهيك
اينعم انحرجت كثير بس الموضوع مشي وتحسنت بـ تعاملي مع الناس
:MonTaseR_1:

[ام سارونا]

مااحس انه مشكلة
"ذا كان الكلام من فضه فالسكوت من ذهب"
موب لازم تبدأ انت السوالف ليه هم مايبدون
انا اجتماعية لكن اذا جلست مع احد وماعندي شئ اقول اسكت ساعة ساعتين
محتاج ترفع مستوى الثقة بنفسك وتحس انك طبيعي اجتماعي موب انطوائي

:ah11:

[أنا فداهم]

السلام عليكم ورحمة الله وبركاته

-

أخي الحبيب

كيف تبي حل و الحل موجود عندك
إذا طردت الأفكار السلبية اللي فيك راح تتغلب على ذاتك و تثق بقدراتك
يا اخوي اذا ما كان عندك موضوع مو شرط تبحث عن موضوع عشان تتكلم فيه
خل كل كلمة تنطقها تجبر المستمع للإنصات
خل السكوت يكون له هيبة و الحديث يكون فيه منطق
ولا تقول عن نفسك انطوائي و وحيد
اعتذر على الاطالة
كنت هنا
فداهم

[جديلة ورد]

ليش مو قادر هل لان ماعندك سوالف تقولها
او انك متردد تقول سالفه ..!


انا اشوفها عاديه مشكلتك مو صعبه
اهم شي تكون واثق من نفسك
واذا على السوالف مو لازم انت تبداها
اذا تاخذ وتعطي بالكلام والنقاش عادي شي حلو
مع الوقت تتغير وبتسولف
هي تعتمد على الجرأه بس دف نفسك شوي:pv503112:

ربي يوفقك ..

[Maher-94]

برأي مازال عمرك في هذا المجال صغير.. والدخول الى مجالات الحوار يحتاج الى جراءة
يعني من تصير 20 ان شاء الله راح تصير للاحسن..
ولكن نصيحة / اذا حاورت الناس او ناقشتهم، خلي نقاشك على قد تعلمهم ومعرفتهم، لأنك لو حاورتهم بموضوع اكبر من حجمهم عندها سوف تلاقي منهم الاستفزازات وكلام فارغ يجعلك تندم على تكلم مرة الاخرى وإذا تكرر معك ذلك يؤدي ذلك الشخصية الانطوائية ، حيث يضع في تفكيره ان مناقشة اَي موضوع مصيره الفشل...

بما انك في بداية شبابك ابدأ الان ببناء شخصيتك :eh_s(21)::eh_s(21)::eh_s(21):

[تيرابيثيآ]

مسآكـ جوري :MonTaseR_11:


شوف أول شي كونكـ مستمع جيد هذي خطوه حلوه يعني و كمان تقول انكـ تناقشهم وكذا ..
مشكلتكـ بس انكـ تكون البادي .. او ع قولتكـ ماتعرف تفتح سوآلف ..
انا بيوم من الأيام كنت احس باحساسكـ حتى لدرجة اني قبل لا اقابل الناس افكر ايش المواضيع الي بنسولف فيها !! خاصة لو ناس مو من عمري او مدري يمكن اول مرا اقابلهم ..!!
تخيل والله كنت احسني معقده مو انطوائية وبس .. حتى كنت دوم أقول :
" سأموت وحيده " << تأثير سبيس تون ماعليكـ :MonTaseR_26:
المووووووهيم .. صح عليكـ والله انكـ جبتها ع الوتر الحساس انطوائيه :30:.. والله الكلمة كانت تحز بخاطري يوم كنت اسمعها من هلي :eiwp:... !
تعرف .. يمكن تفكيرنا السلبي ع قولة البعض او اننا مرا نفكر بهالشي يخلينا كذا ..
يوم قررت اني اتحدى عمري والله احس السوالف بدت تطلع بروحها .. ف الأول كنت أكون مترددة وكذا لاني مو متعوده أكون انا البادية بس شو ماكانت السالفة بتحصل الناس تشارككـ .. والله حتى احس اني مرات اجيب العيد بسوالفي بس ماشاء الله البنات بطبعهم ثرثارات تصير السالفة رواية :57:و بعد من ضمن الأشياء كنت احب يكون عندي صديقة او اثنين بالكثير مو جو شلة و سوالف و كذا يمكن ها الشي الي خلاني انطوائية من الأول :blushing:!
بس يوم دخلت الكلية تميت افكر .. احس ماطلعت بالدنيا بشي الا كم صديقة .. رغم انه الحمدلله كل ماكون صداقة ع أيام الاعدادي او ثانوي كنت اطلع باصدقاء حقيقين :Dl3::Dl3: بس الواحد منا يبغى يكون ذكرى حلوهـ و سيرته تنذكر بالخير عند الجميع ... وتحصل دوم الي يسآندونكـ .. الي تشكيلهم ضيقتكـ .. تشآركهم فرحكـ وأحزآنكـ ..!
والحمدلله الحين صار عندي شلة و احب اتعرف ع الناس و اسولف معهم .. حتى لدرجة اني ما اطيق اجلس بروحي بعد :smoke1:

و أتمنى لا عاد تفكر بسلبية والله الدنيا مو مستاهلة :xss:

وماهي مشكلة عويصة كل المشآكل تنحل وربكـ كريم :0741:

وردة جوري :81:

[شَغَف]

الثرثرة كمان وكثرة الكلام مش حلوة :-/
من كلامك فهمت ان طبعك اساساً هادئ
وهذا طبع جميل .. الهدوء شي جميل مش كل شي هدرة :eh_s(12):
كيف تفتح مواضيع..
ممكن تسأله عن دراسته ، اذا يشتغل تسأله عن شغله وكيف ماشي
تحكي له موقف صاير لك
تفتح الجوال تخليه يشوف صور.. لو عندك اخوان صغار او عيال اخ مثلاً وكذا
تحكي له عنهم وعن بلاويهم <<الأطفال بلاويهم ما تخلص :105:
اوووو
تحش ع خلق الله هههه
لا لا هذه لا :Kq600697:

بس المهم انك تبدأ بأي شي وبأي نقاش وبعدين الموضوع بيجُر وراه موضوع ^^
بالتوفيق ي رب

[مخمليات]

الله ياخذ بيدك لما يحب ويرضى