ياجمر ياللي في يدي لا تغور .... عش في يدي لو كان مابي صلابه

[أعد النجوم]

يازمانٍ كثر فيك الخنا والفجور
من عقب عصر المكرمه والصحابه

لابارك الله فيك ياشين العصور
عصرٍ من كثر الفتن قمت اهابه

احس نفسي تنكوي لاني غيور
لاياكل اللحم الطري هالذيابه

عزمت يانفسي على عدة أمور
وأهمها أعصي الهوى والصبابه

ودي اني ممسيٍ تحت القبور
ولا اعيش في دنيا حوتها الكلابه

ياجمر ياللي في يدي لا تغور
عش في يدي لو كان مابي صلابه




....................بقلمي..............

[الغاوي]

صح لسانك وعلا شانك


الله يعصمنا من الفتن ما ظهر منها وما بطن

[أعد النجوم]

الغاوي

صح بدنك ياغالي

شرفتني بحضورك وتعليقك

تحيه لك

[نجم ضاوي]

جتنا أوامر .. كل ابوها وجور
حياتنا من بعدها صارت خرابه

لافرحه بعدها ولا حتى سرور
عصرنا هذا غدى عصر الحرابه

زادو في عمار اللحود والقبور
والرجل .. ماله قيمه ولا مهابه

وصرنا سالفه على مد العصور
هذا هو الغرب واللي لنا جابه


صح لسانك اخي .. اعد النجوم ..
جميل ما نثرته هنا ...

لا خلا ولا عدم ...

[أعد النجوم]

صح بدنك اخي نجم

اسعدني مرورك وابياتك الرائعه

تحيه لك

[همسة حنين]

صح لسانك

وكلك ذووووووق

ومبــــــــــــدع :ورده:

[ابوالليل]

يازمانٍ كثر فيك الخنا والفجور
من عقب عصر المكرمه والصحابه

لابارك الله فيك ياشين العصور
عصرٍ من كثر الفتن قمت اهابه

احس نفسي تنكوي لاني غيور
لاياكل اللحم الطري هالذيابه

عزمت يانفسي على عدة أمور
وأهمها أعصي الهوى والصبابه

ودي اني ممسيٍ تحت القبور
ولا اعيش في دنيا حوتها الكلابه

ياجمر ياللي في يدي لا تغور
عش في يدي لو كان مابي صلابه




....................بقلمي..............



مشكور ياراعي الجزيلات مشكور
هذا الكلام اللي لزوم ...يحكابه

موزون مابينه ولا اية..... قصور
يافطيس قم جر بلحون الربابه

هذا الزمان اصبح به شهادة الزور
تمشي ودار الصدق اضحت خرابه

ظلام دامس ماترى شعة.... النور
طفى عقب موت النبي والصحابه

يارب خلي دايم الحال .....مستور
وخللي لنا الاسلام عزه.... وهابه


صح لسانك
ابيات تحكي واقعنا الحاضر
انا اشهد انك جبتها
كتبت فاجزلت استمر على هذا المنوال
تحيه لقافك العذب
الخالي من التخيلات والمبالغات
لاتشوبه اية شائبه
تقبل مروري(ابوالليل)

[تيرابيثيآ]

الله الله :0741::0741:

صح لسآنكـ شآعرنآ ...

عجزت أقتبس جزء من القصيدة :MonTaseR_173:

كلها ع بعضهآ لوحة فنية متكآملة .. شآبوهـ :t:

و الله يعآفينآ ويجيرنآ من فتن هالزمن والله

سأكتفي بالصمت << بالله جد :MonTaseR_134:

فالصمت في حرم الجمال جمال :smoke1:

كن بخير وسأكون كذلكـ :MonTaseR_222:

[أعد النجوم]

همسة حنين


صح بدنك

شكرا على مرورك واطرائك


تحيه لك

[أعد النجوم]

صح بدنك

اخي ابو الليل


ومرورك وابياتك مقبوله وعلى العين والراس


شكرا لك على تعطيرك لمتصفحي


تحيه لك

[أعد النجوم]

تيرابيثيآ

صح الله بدنك


وشكرا الف شكر على مرورك واطرائك


تحيه لك

[شبح الشمال]

كلمات في غاية الروعه والجمال
وفي انتظار ابداعك القادم بكل شوق
تقبل مروري المتواضع