عمرنا للزواج

[رقه انثي]

انا من مواليد 1969 زوجي الرابع سنه بجامعه
ماقال لى عن عمره كم تتوقعوا بيني وبينه
خايفه ارفض واندم بعدها صح كلامكم اهم شي الزواج
الاحترام والتقدير ما العمر محد راح يساليني وبعدين قله ادب
ليه الاسئله خايفه كيف حياتي معه بسس

[M.ahmad]

ما شاء الله يعني عمرك 49 سنه

اجل على كذا تزوجتي شاب لازال صغير في السن

إذا كان كذلك بإستطاعتك تربينه كما تشائين وبدل أن تخافي منه هو من يخاف منك

[سافانا]

الزوج الرابع
بكذا نقدر نقول صبوحه الفرع الخليجي
هههههه ياروح البي
خايفه بعد كل هذي التجارب
انتي المفروض تكوني مصدر للمعلومات الموثقه
لكل من يرغب فالزواج
لانك بكل جداره
تملكي خبره عمليه لا يستهان فيها
اربع اصناف من البشر
من وين جاي هالخوف ياعذراء الشاشه

عموما
افعليها ولا تبالي
وحطمي الرقم القياسي في مجال الإرتباط
مافي خوف ماااافي .

[الغاوي]

اللي فيك مو خوف
اللي فيك رهبة الزواج ههه

الله يوفقك ويسعدك ويجمع بينكم اللهم امين

يبي يجيك متحمس ومتهور
انتي بدورك تحكمي بالموقف وهاوديه وعقليه


مثلك مثل كبير السن اذا تزوج صغيره

هي بشبابها وهو بخبرته
يعيشون اسعد حياة باذن الله


اذا توكلوا على الله
وتركوا عنهم كلام الناس وطنشوا

[ام سارونا]

والله مدري عن سالفتك موضوعك السابق 7 سنين
وهذا حول العشرين او اقل الفرق
اهم شئ هو وش راية ووجهة نظرة متقبل
الله يوفقك ويكتب لك الخير

[مرجانة]

يا عمري اذا اثنينكم مقتنعين باعماركم ليش الخوف
اعرف وحدة من معارفي تزوجت شاب اصغر منها بما يقارب الـ 15 سنة و مبسوطة معه

و طبعاً يعتمد على شخصياتكم و تفهمكم لبعض
اذا هو محترم توكلي على الله

[حنين النوارس]

الله يسعدكم ويتمم ليكم بخيير بناااات روحوا بخروا منها قوة الجذب امزح اختي على مااعتقد انك تدرسينه بالجامعه وحصل تماس كهربائي ههههههههه عادي يااختي عادي وكل من قال غير هذا في هذه الصفحه غيرااااااااان

الله يتمم بينكم على خير :MonTaseR_98: اظنك التي وضعت موضوع عن فارق السن قبلا

ومنه حتى الان انت لا تعرفين كم عمره الحقيقي ان شاء الله يطلع اكبر منك بيوم

[الجادل 2018]

تصدقين انتي تونسين والله ،،
مب المشكلة اللي قبل كنت أكبر 7 سنوات ،،
والحين هو صار سنة رابعة وانتي 49 وهو مب راضي يفصح عن عمره،،
سنة رابعة
يعني 21
22
يعني أنتي ضعف عمره ،،
زين
واللي انتي أكبر منه 7 سنوات وين رااااح !!!
يا ناس معليش أحنا بنستعبط:MonTaseR_196:
تصدقين رغم إني اليوم عندي شغل فوق ما تتصورينه
لكن
مشكلتج ذي كأنها فترة راحة فيه
ناس ينكتون والله الدنيااا بخير :)

بس بصراحة يعني بصراحة
الوحدة اليوم تاخذ واحد أكبر منها 7 سنوات
تقول اللهم سلم سلم ،،
يعني ذي ناضج وفاهم،،

شلون لو كان أصغر منها
الحين 7 والا 25 سنة
والا كل يوم تنخطبين من اللي أصغر منچ :)
سلملي قلب اللي ينخطب كل يوم
لااااا
واللي أصغر بعمر
منك هينة واللهي:)

بس جد جد
أن هالعرس أشوفه
ليس فير ماكافيء فحسب
لا
هو بصراحة
نكسة

خدعوها من قالوا
ظل راجل ولا ظل حيطه ،،
أخاف بكرة بس
موديج الجمعية يتسوق حلويات ،،

بس خل أكون جادة فيما يلي على اعتبار ما اراه
صدق ما هو جرافيك
،،
التكافيء في زمنا الحالي
في الزواج
جميل أن يكون في كل شي،،
وبعد
الزواج لا عيب ولا حرام
بالعكس هو سنه الله ،،
لكن
تفكير وتدبير
من يفق المرأة سنا يعني النضوج والاستقرار والمسؤولية،،
ليس
الأندفاع ،،
والطيش و الزواج لمجرد زوجوني،،
يعني
الشاب اللي في الجامعة
ياخذ مصروفه من وين ؟؟؟
من أمه وأبوه ،،
شاب
أمامه مستقبل مهني وبناء حياة،،
أنا أفضل ياخد أصغر منه ،،
لسبب
نضج الرجل يجعله يلتزم أكثر
يكون صبور أكثر
يتحكم بساعات الغضب أكثر
خاصة في سنوات الزواج
الأول (( سنوات التعارف )) بين الأزواج
عواصف ومشاكل واختلاف وجهات النظر
عاطفة المرأة تجعلها ممكن من مشكلة بسيطة تكبر ،،
لكن
نضوج الرجل هنا يلعب دور كبير في ما يسمى
الأحتواء،،

مسألة الفارق العمري اللي أنتي تقولينها مب كبيرة وبس
لاااا
خطيرة والله ،،
بعدين
تخافين من احتجاج أهله ،،
بصراحة شي متوقع وجدا طبيعي
أنا أشوف أي مشكلة بنظرة موضوعية والأهم واقعية
فعلا الأم ما تتقبل ولا تقبل
اقتران ولدها
بأم ثانية ،،
صحيح أنتي ليستي كبيرة خل نقول بالمجمل،،
لكن واقعيا قد تفوقين عمر الأم سنا
ما فيه أم تقبل ،،
والله ما فيه صعب تركب فكرة أكثر من ضعف عمر ولدها،،
وأشوف نظرتها صح ،،
التكافؤ وينه ؟؟؟
أنا التحدث عن عصر الرسول (( صلى الله عليه وسلم ))
اعتقد واقعيا وعمليا لا ينطبق هنا ،،
وبعد
عمرج يدل على سن النضوج لكن
ما آراه لحظات طيش،،
ما أمانع الحلال لكن هناك شي
يقع في نطاق الواقع والمعقول والمقبول
وهناك ما لا يتحمل ذلك ،،


في النهاية
وين اللي بو 7 سنوات :)

أضحك الله سنكِ ،،
موفقة
يا رقة أنثى ،،

مررت من هنا
ضاحكة مستبشرة
الجادل ،،،

[شطرنج]

العمر بزواج لا يهم
اهم شئ التكافى الفكري بين الزوجين
واذا ما في نضوج عقلي بينك وبينه
فالأفضل انك ما تقدمي على خطوه الزواج الا شخص يناسبك
واساسا نسبه 75%من الشباب والبنات في عمر ما بين العشرينيات والثلاثنيات
ليس لديهم استقرار بالمشاعر
ولو تزوجتو بما أنه شب في بدايه عمره فبعد الزواج بيمل منك ويبحث عن أنثى ثانيه وثالثه وعاشره
وبما انك انتي سبق وتزوجتي المفروض لديك خبره في موضوع اختيار الرجل المناسب لا العكس
بغض النظر عن أهلك والا المجتمع لا يهم
اقولها لكي بإختصار شديد (اصلحي نفسك وروضيها وتخلصي من كل السلبيات وتحلي بالايجابيات الأنثى
الصالحة وبعدها اجزم ان بابك لا يكف عن طرق خطابك )
والله يوفقك ويكتبلك السعادة

[روزا]

،


ترا هي تقول زوجي رابع سنه جامعه
فيه ناس فهمت ذا الرابع زي في البدايه
امم ممكن متأخر وكمل جامعه .
اذا انتي وهو راضين ببعض وش عليك بالعالم
لاانتي عايشه معهم ولاهم معك
الله يسهلك ويوفقك .

[دُرة]

،


ترا هي تقول زوجي رابع سنه جامعه
فيه ناس فهمت ذا الرابع زي في البدايه
امم ممكن متأخر وكمل جامعه .
اذا انتي وهو راضين ببعض وش عليك بالعالم
لاانتي عايشه معهم ولاهم معك
الله يسهلك ويوفقك .




اوافقج الراي . .

[حنين النوارس]

عني فهمت انه رابع سنه في الجامعه ولكنها كتبت موضوعين وكلاهما تعبيرهما غير مفهوم
على الاقل كانت تجمعهما في موضوع واحد وتكتب باسلوب يستوعبه العقل من اجل ان نفهم وكذااا من اجل ردود سويه ناصحه لما فيه الخير لها
فهذا قسم للجاده ومثل هذه المواضيع وكل يوم مشكل بصياغه مبهمه يجعل العقل تطير للمريخ
:41556:

[مغلف أبيض]

.






إذا مترددة لا تتزوجينه :MonTaseR_218:

[M.ahmad]

صاحبة الموضوع صححت خطأ كتابة تاريخ ميلادها على هذا الرابط :

http://www.al2la.com/vb/t89065.html