شعب جبان

[بكاء بلادموع]

السلام عليكم ورحمة الله وبركاته

شعب جبان

للإستماع أضغط
هنا (https://soundcloud.com/yasser-ibrahim-961176111/m86gpafvgu8n)


علمتيني اخاف اكتب
عن اللي جوايا
علمتيني اكتم
صراخي وبكايا
علمتيني اكون
شعب جبان

زمان

زمان كانت الكلمه
سيف بتار
بيها تعلا قصور
وبيها تتهد اسوار

زمان

زمان كان
القلم حاكم
والحاكم علي كرسيه مرعوب

نُطق القلم
هيكسرهه ويخَسرُه
ولا هيرفعه ويضمه
ويكون محبوب

زمان

زمان
كانت الهيبه في كلمة حق
تشق طريقها
في ظلام السلاطين شق
دلوقتي مين يقول
لحكومتنا لأ
زي زمان

يا بلدي خلتيني اخاف منك
والحريه بقت سجنك
وبقيت انا في سجني
بقيت انا السجان
بقيت شعب جبان

كرهتيني في اراضيكي
عشان تعبت اراضيكي
ومبترضيش

ورافضه اني بكرامه اعيش
معقوله اموت
علشان رغيف العيش
وعلي الملح كمان أتهان
وأبقى شعب جبان

عارف كلامي
ميعجبنيش

منا شعب فيا
الغني واللي يخاف
علي اكل العيش

وعلشان منخليش
الحقيقه تبان
هتقولوا عليا
شعب اخوان
شعب جبان

شعب اتهطل
وعامل بطل
عشان شارب
سيجاره حشيش

شعب ولازمه
طابور الجيش
علشان يعرف
معنى العيش
شعب جبان

شعب زمان
كان فنان

كان يتكلم
كلام تقسيم

نغمه وعارفه لحنها
كلمه تنطق عزفها
لو مش مصدقني
إسبلها
شعب زمان
يا
شعب جبان

بقلمي:
ياسر إبراهيم خليفه
(بكاء بلادموع)

[دولة الرئيس]

طرح مميز يسلمووووووووو

[الكــــايـــد]

كلمات فى قمة الخيااال

طرحت فأبدعت

دمت ودام عطائك

ودائما بأنتظار جديدك الشيق

دمت كمآ تحب..~`

[بكاء بلادموع]

حين يراود الإحساس
جسد القصيد
هل يجوز للحرف ان يكتب
غير الابداع

بإحساسكم
تجمل جسد القصيد
وروحه تجملت

بحروفكم
عزفت الأوتار
على مكامن الجمال
وبكم كل العطايا أُجزلت


شكرا لكم
إخوتي وأحبتي

[وجه القمر]

كلمات جميلة تلامس الاحاسيس

سلمت يداك و صح لسانك وكلك

يروقني اصرارك يا ياسر

لقلبك باقات ورد 🌹

[بكاء بلادموع]

شكرا لتواجدكم الكريم أحبتي


تقديري ومحبتي
وباقة ورد

[يمني شامخ]

ما شاء الله عليك اخي الكريم
دائماً مبدع بالكلمات والاشعار
صح لسانك ونبض قلبك
بأنتظار كل ما هو جديد

[بكاء بلادموع]

شكرا لتواجدكم الكريم أحبتي


تقديري ومحبتي
وباقة ورد