أنا فداهم
05-29-18, 12:58 AM
بقى بعض الدمع ينفض غبار الصمت في عز الظلام
ويرسم مآسي الذكريات في لوحة و بروازها الخدين
قبل ما يسأل عن الغايب و ينزف جروح الكلام
يرده عن ليالي الأمس طعنة بالظهر بيد الغالين
على البحر الطويل اللي بديته قبل أربع أعوام
سألت الورق عن البعد و جاوبني بقبضة السكين
تمايل غصن و إنزاح العمى و راودتني أحلام
وجيت أتنهد وكن الشمس تحضني بكل اليدين
غبي يا حلمي الوردي عيشتني بأرض السلام
ما دريت إن السلام عمره ما يجي بعدين
نشوف القتلى و الجرحى و العرب نيام
وتبكي القدس و تسأل عن صلاح الدين
نسد أفواهنا و كن الفم مربوط بلجام
ألا يا وين طارق بن زياد لو يجي هالحين
يا دمعة أب و و صرخة طفل بأراضي الشام
يا حرقة أم ثكلى ما لدعواها من يرد آمين
يا الله كيف نشوف أراضينا تروح ونكثر كلام
عمر الحكي ما ينفع و الفعل مكبول اليدين
ويرسم مآسي الذكريات في لوحة و بروازها الخدين
قبل ما يسأل عن الغايب و ينزف جروح الكلام
يرده عن ليالي الأمس طعنة بالظهر بيد الغالين
على البحر الطويل اللي بديته قبل أربع أعوام
سألت الورق عن البعد و جاوبني بقبضة السكين
تمايل غصن و إنزاح العمى و راودتني أحلام
وجيت أتنهد وكن الشمس تحضني بكل اليدين
غبي يا حلمي الوردي عيشتني بأرض السلام
ما دريت إن السلام عمره ما يجي بعدين
نشوف القتلى و الجرحى و العرب نيام
وتبكي القدس و تسأل عن صلاح الدين
نسد أفواهنا و كن الفم مربوط بلجام
ألا يا وين طارق بن زياد لو يجي هالحين
يا دمعة أب و و صرخة طفل بأراضي الشام
يا حرقة أم ثكلى ما لدعواها من يرد آمين
يا الله كيف نشوف أراضينا تروح ونكثر كلام
عمر الحكي ما ينفع و الفعل مكبول اليدين