((يا ما حلا الخبزة على صالي الصاج))

[القارظ العنزي]

يا ما حلا الخبزة على صالي . الصاج
مع سمنة كل العرب ......... تشتهيها
تقلط عليها وقت الافطار .... يا حاج
تنسى العطش والجوع ونفسك تبيها
مع تمرة الجوبة وزبدة .... من انعاج
مع الشنينة زبدها ............. معتليها
وفنجال بن ريحته تشعل .... اسراج
عقب العماس وظلمة ........ تعتريها
ومن عقبها نمشي على كل ... منهاج
ونزور ربع بالملا ............ ونحتفيها
وين انت ياللي بالقصايد لك .. التاج
هات القوافي مسرجها .... ونحتريها

القارظ العنزي

[أم الرجال]

.



وعلى أوتار القصيد كان لـ العزفِ أصالة
أستطاب بـ أذني الكلام وأنا اقرأ لك
أبدعت يا العنزي وأمتعت ، فـ شكراً لك

تحياتي

[القارظ العنزي]

كفو يا ام الرجال هذا من ذوقك ولطفك يا ميمتي

[أعد النجوم]

صح لسانك اخوي القارظ

مبدع كالعاده

قصيدة راقة لي

تحيه لك ولقلمك

[القارظ العنزي]

صح بدنك سيدي أعد النجوم اسعدني مرورك لاهنت

[نجم ضاوي]

ادندن على العود . وارفع الصوت بالعاج
كلام موزون .. من قصايد لي .. احتويها

من علة ن .. في القلب . منها الفكر داج
علة ن ما تبرى . . إذا إني . . ما اكتويها

يالقارظ العنزي يانبراس على الراس تاج
يا صاحب الابيات . ينبوعها عذب وارتويها

تضوي .. في سما المسك .. كنها سراج
كل ليله على الواتس . انتظرها واحتريها


صح لسانك يالعنزي وسلم نبض قلبك وبنانك ...
ارويتنا من ينبوع شعرك العذب يا الغالي ...
رائعه تلك الابيات لله درك ...

لا خلا ولا عدم ...

[أورانوس]

ذكرتني بخبزة أمي لا استوت على الصاج
وبجنبها سمن ولبن وعسل تحتليها
تاكل النفوس منها ويعتلي قدرها تاج
وبالسوالف الحلوة مجالسها تمتليها


صح لسانك شاعرنا ولا عدمناك

[الغاوي]

كله تشهوي والحكي لج لجلاج
قال ايش سمن وخبز هو مشتهيها

خل من اللي للبطن حج يا حاج
وقت الذكر هلحين حث نفسك عليها

خلك من اللي دج عل غير منهاج
والخبز يالقارظ لااياك تقعد تحتريها

ابخرب عليك شهوتك بس ههههههههه
صح لسانك وعلا شانك

[القارظ العنزي]

الله من هم في خاطري ساج
ودنيا يالضاوي ما تشره عليها
غديت وكني بحق من . العاج
والا سجين ذبحته . محتريها
دنيا دنية وسادها كل . هلباج
ولا بقي للمتسحي حظ فيها
عز الله اني للوفيين محتاج
للي يدور المرجلة ويحتميها
ماهو سفيه سنته بس دواج
رجل ثقيل وخوته نشتريها

صح السانك ابو ضاوي وكلك ذوق لاهنت

[القارظ العنزي]

صح بدنك اورانوس كلك ذوق

[القارظ العنزي]

صح السانك الغاوي وتمون . انا كتبتها قبل الفطور وكنت جيعان واشتهي تلك الاكلة ولا تتوفر ساعتها لاهنت

[إحساس شاعر]

يا ما حلا الخبزة على صالي . الصاج
مع سمنة كل العرب ......... تشتهيها
تقلط عليها وقت الافطار .... يا حاج
تنسى العطش والجوع ونفسك تبيها
مع تمرة الجوبة وزبدة .... من انعاج
مع الشنينة زبدها ............. معتليها
وفنجال بن ريحته تشعل .... اسراج
عقب العماس وظلمة ........ تعتريها
ومن عقبها نمشي على كل ... منهاج
ونزور ربع بالملا ............ ونحتفيها
وين انت ياللي بالقصايد لك .. التاج
هات القوافي مسرجها .... ونحتريها

القارظ العنزي

صح لسانك واعتلى شأنك

جميل في كل حالاتك وحرفك دائماً ما يكون مطرباً وله وقع خاص في نفسي ..

وتقبل مني هذه المجاراة مع مشتكى يا عملاق ...

كلٍ على ما يشتهي يرفع العاج
والنفس تطلب والأماني تجيها
"
النفس لا جاعت بها حال وهّاج
كل المطاعم ودها تحتويها
"
تزبد وترعد كنها ضرب الأمواج
ما ودها إلا زادها في يديها
"
سبحان من يمنح لها صومها علاج
حتى تقدّر نعمة الله عليها
"
ومن بعد هذا جاك خطي بالأبراج
جتك الرسالة والسعد يعتليها
"
لي نفس ياالقارظ بها الشوق ولاج
والشوق وصّلها على من نسيها
"
لا مروي بوصله ولا منه مخراج
كنه يبي تعذيبها لو يبيها
"
العلم جاك ولا يخبّى بالأدراج
منك الحلول الصايبة نرتجيها

وسلامتك .

[ام سارونا]

صح لسانك
ويعطيك العافية

[احلام عابره]

صح لسانك مدد بلا عدد
اخوي القارض ابدعت

قصيده بعبق الماضي
راقتني جدا

احترامي

[خمسيني]

ابدعت ياشاعرنا الكبير

صح لسانك

يعطيك العافيه

[ابوالليل]

الله وكيلك حيل جوعان .....ياحاج
كل اكلة ن هالساع انا مشتهيها

يالقارظ العنزي ترا اشعارك سراج
ايه بالله مالك يالعنيزي ...شبيها

يازين لاحمستها شويه.... دجاج
مع شربةن ياخوك زود .....عليها

ههههه
تراني لازودت الابيات بفطر
صح لسانك اخي القارظ
لاهنت

[القارظ العنزي]

صح بدنك احساس شاعر ، ومهما جاريناك نبقى جمهورك اللي يقف على ساحل بحرك الطاغي ، وانما اقبل ما فاضت به القريحة ولو لم يفي بالواجب واعذرنا من التقصير ، فالظروف اليوم ليست كما سبق ، والقدرات الشعرية اصبحت متواضعة فالله يعين ، ومثلك يقبل ما تجود به النفس ولو قلة البضاعة :

يا ما رحبا بالقاف من صاحب التاج
تاج القوافي وبصمته ..... محتويها
الصاحب اللي يشتكي لنبة . اسراج
يقول غير الغالية ........... ما يبيها
يشكي هوى ريمية حطت .... الباج
فوق الجبين وحطمت .... مشتهيها
أم الثمان البيض وابيض من العاج
والا البرد متفلج في ........ شفتيها
ما لوم قلبك يوم يلعي .... ومنعاج
صوب الهنوف اللي تباكى ... عليها
اصبر على المزيون يا بير ... هداج
لو هي شحيحة حتى بلمسة يديها
والا الرخيصة ما بها عز ... وعلاج
لو اقبلت ابساع فيها ........ وفيها
انشد مجرب بينهن داج ثم .. داج
غير الثقيلة ما لك الله ....... نبيها

[القارظ العنزي]

صح بدنك عندك سلف الله يعافيك لاهنت

[القارظ العنزي]

صح بدنك أحلام عابرة هذا من لطفك

[القارظ العنزي]

صح بدنك خمسيني والابداع في مرورك لاهنت

[القارظ العنزي]

صح بدنك ابو الليل بل تمون وكلك ذوق ولطف لاهنت

[NORAH]

قصيده جزله
صح لسانك وعلا شانك

[القارظ العنزي]

الجزالة كلها في مرورك يا نورة لا عدمتك

[إحساس شاعر]

صح بدنك احساس شاعر ، ومهما جاريناك نبقى جمهورك اللي يقف على ساحل بحرك الطاغي ، وانما اقبل ما فاضت به القريحة ولو لم يفي بالواجب واعذرنا من التقصير ، فالظروف اليوم ليست كما سبق ، والقدرات الشعرية اصبحت متواضعة فالله يعين ، ومثلك يقبل ما تجود به النفس ولو قلة البضاعة :

يا ما رحبا بالقاف من صاحب التاج
تاج القوافي وبصمته ..... محتويها
الصاحب اللي يشتكي لنبة . اسراج
يقول غير الغالية ........... ما يبيها
يشكي هوى ريمية حطت .... الباج
فوق الجبين وحطمت .... مشتهيها
أم الثمان البيض وابيض من العاج
والا البرد متفلج في ........ شفتيها
ما لوم قلبك يوم يلعي .... ومنعاج
صوب الهنوف اللي تباكى ... عليها
اصبر على المزيون يا بير ... هداج
لو هي شحيحة حتى بلمسة يديها
والا الرخيصة ما بها عز ... وعلاج
لو اقبلت ابساع فيها ........ وفيها
انشد مجرب بينهن داج ثم .. داج
غير الثقيلة ما لك الله ....... نبيها

صح لسانك ,, رد شافي ووافي من شاعر متمكن ..

أسعدتني بهذه المقطوعة الرائعة الجزلة وبيض الله وجهك

يعطيك العافية

تحيتي

[الكــــايـــد]

صح لسانك مليون
شاعر بطل وقصيدة جزله

لا تحرمنا من جديدك
استاذي
القارظ العنزي

تقبل مروري
تلميذك الكايد

دمت كمآ تحب..~`

[القارظ العنزي]

لاهنت احساس شاعر ما عليك زود . هذا من لطفك .

[القارظ العنزي]

الله يكبر مقدارك الكايد وصح بدنك لاهنت