((قالوا تغزل والغزل يجرح الصوم؟))

[القارظ العنزي]

قالوا تغزل والغزل يجرح .... الصوم
متى تتوب وتعلن بالتوب ........ نية
قلت : الحقيقة صاحبي عنده علوم
روحوا انشدوه وعنده فتوى القضية
الشيخ ابو ضاوي مع البيض منجوم
كم وحدة راحت لضاوي ..... ضحية
هو شيخي اللي شال ذنبي . ومليوم
كل ما بغينا انتوب يقسم ....... عليه
بغيت اتوب وقال لا لا ... يا محروم
اصبر معي بالعشق وباقي .... شوية
اما نتوب ونقلع عن حبهن ...... دوم
والا معي للنار ونمشي ......... سوية
الله يصيبك يا بو ضاوي مع . القوم
اللي نووا بي شر وشر ......... البلية
منعتني لا توب وش حيلتي .. اليوم
غالي علينا والوفاء لي ........ سجية
امشي على خاطرك ولو كنت مظلوم
وعسى الولي يغفر ذنوب ... وخطية

القارظ العنزي

[الغاوي]

صح لسانك ولا هنت

والله يبعد نا وياك وكل مسلم عن النار


سلمت

[ابوالليل]

كنك بهذا الشعر ياخوك مغروم
صاحبك ناوي لك ترا شر نيه

تراه ابوسلمان ظامي ومحروم
يبغى يتسبح في بحور النديه

يسهر على لحن المعنا وكلثوم
ويقول ياليل الطرب الف حييه

انا اعرفه غاوي لعب وعقله يحوم
بعد العذارا عند ذيك .....البنيه

لكن صراحه جلسته تطرد النوم
يازينها معه السوالف ...حلييه

صح لسانك اخي القارظ
ابدعت بالوصف والله

[نجم ضاوي]

ههههههههههههههه طيب يا القارظ ...
خير ان شاء الله .. لي عوده بعون الله ..

[القارظ العنزي]

اللهم آمين وصح بدنك ولاهنت يالغالي الغاوي

[القارظ العنزي]

احذر من الفتنة يابو الليل ملزوم
ابعد عن الضاوي لا تزعل .. عليه
نصيحة مجرب ياما طاح ويقوم
ومرت عليه من الضاوي ..... بلية
احذر ترى سحره الاسود ومبروم
يرمي لك العقدة بلطف .. وخفية
سحره عظيم بين الاسحار مشؤم
ما ينفعك كثر القراوي ....... ونية

[القارظ العنزي]

ان شاء الله يالضاوي ههههههه بس لا تجيب العيد فينا اتق الله نحن صيام ورمضان كريم .

[ابوالليل]

عندي قرار اتخذته ومبروم
ماباتخلى عنه لوهي شويه

تراه ابوسلمان وافي وزيزوم
لو انه في بعض الوقت مايتيه

لكن عادي والله مافي عيه لوم
يرجع يجيب السعد ويقول هيه

[القارظ العنزي]

انا نصحتك وانت بكيفك يا شغموم
الله يجيرك من بلا كل .......... سية
ياكل عسل ضاويك ويترك لك الثوم
والثوم يمنع عليك الصلاة .... وتحية

[ابوالليل]

انا نصحتك وانت بكيفك يا شغموم
الله يجيرك من بلا كل .......... سية
ياكل عسل ضاويك ويترك لك الثوم
والثوم يمنع عليك الصلاة .... وتحية

من يوم ماعرفته وهو وافي لليوم
ماشفت منه يالسنافي... خطيه

دايم على هذا الخبر دايم الدوم
لالا تغالطني بالخكي .......ذييه

يمكن تكون انت منه ...مظيوم
يالقارظ العنزي تراني ....مجييه

[القارظ العنزي]

لا والله ما خبر فيه ... مثلوم
عز الله انه كل علومه . عذية
المسألة امزوح تبعد عن اللوم
هذا الصحيح ولا بعد ذا شكية

[ابوالليل]

انا ادري انها مزج هاذيك الاع لوم
وادري بانك طيب وصافي ....نييه

يالله عسى بقى على ذا القا دوم
ولانقرب دروب الغثا ........والاذيه

بعدين بنكمل
تراني هالحين ميت جوع ماعاد ادر ي
وش اكتب

[القارظ العنزي]

هههههههه انا فطوري باقي للساعة ٧ و ٤٠ دقيقة مطولة الشغلة بالعافية صيام مقبول ان شاء الله .

[نجم ضاوي]

أنا شايب ولد شايب من رفعت القوم
عمرها .. ما كانت .. افعالي .. رديه

لو اعيش العمر . . من الحب محروم
ما عندي .. باهلحرمان . . ايت قضيه

واكبر عليك .. سليط لسان . ومحيوم
خليتني في الشمس . . وتجلس بفيه

ارفع علومك .. وارضى .. بالمقسوم
خليتني دايج .. كمن .. لسعته .. حيه

يابخت .. من بات . . يا ملا .. مظلوم
حامل .. هموم دنياه .. وحمال الاسيه

يا القارظ .. وراك علم . اثاريك وعلوم
شكلك مخبل . . وتبي في الراس كيه

يشعاك ربي .. طيرت من عيني النوم
ليش .. سويت بي .. هذي .. السويه

زورني جده . وتلقى عند اخوك كروم
تلقى الجمال . . مابين قمري ونغريه

[القارظ العنزي]

اشوف شعرك يا فتى الجود ملغوم
خليتني مخبول وش ...... هالاذية
وعزمتني عزيمة كلها ......... كروم
يعني بها مجلس سوبي ... وسوبية
يعني ما من توبة يا سيد .... القوم
الله يستر من خوي ......... لخوية
لا والله الا بها علوم ......... وعلوم
يسعدك ربي كان فيها ....... بدوية

[نجم ضاوي]

اصبحت بي ملزم وصرت بك ملزوم
ولعن .. ابو خوي . . ما يفز لخويه

حظك ردي . وحظي . اليوم مشؤم
وصدمتي .. فيك .. عز الله .. قويه

انت ايس فيه كلام مافيه انا معلوم
خل المعاني . . في سطورك خفيه

[ابوالليل]

اصبحت بي ملزم وصرت بك ملزوم
ولعن .. ابو خوي . . ما يفز لخويه

حظك ردي . وحظي . اليوم مشؤم
وصدمتي .. فيك .. عز الله .. قويه

انت ايس فيه كلام مافيه انا معلوم
خل المعاني . . في سطورك خفيه

ايه بالله لاتبدي الخبابير للقوم
النجم قصده في حكيه ابدويه

يكفي فضايح يالعنيزي قدا القوم
تراه ابو ضاوي يحب ........ الخبييه

[القارظ العنزي]

أهم شي مطعومنا راحة .... الحلقوم
نسهر على الحمراء بليلة ........ هنية
وابو بكر سالم يغني من ..... البلعوم
اصوات تطربنا والقلوب ...... الشقية
واصوات من يسمعها يطيح . ويقوم
اصوات من بين الحناجر ..... شجية
وش حيلتك باللي من الحب محروم
ما عندك له علاج قبل ......... المنيه
شربة لحم من ضان مشحم ومفروم
افطر عليه اليوم عند ......... المسية

[ابوالليل]

أهم شي مطعومنا راحة .... الحلقوم
نسهر على الحمراء بليلة ........ هنية
وابو بكر سالم يغني من ..... البلعوم
اصوات تطربنا والقلوب ...... الشقية
واصوات من يسمعها يطيح . ويقوم
اصوات من بين الحناجر ..... شجية
وش حيلتك باللي من الحب محروم
ما عندك له علاج قبل ......... المنيه
شربة لحم من ضان مشحم ومفروم
افطر عليه اليوم عند ......... المسية

عندي ملاحظه يالقارظ
ترا في اختلاف في الوزن في الابيات الاوله
انا جيت بكتب عليك رد لما قريت الابيات حصلتها ماهي قايمه على وزن واحد
اظنك كتبتها على وزنين
بس انا رح ارد عليك بالوزن الثاني
اللي هو المسحوب

عقب الفطور عاجز عن المشي والقوم
ابغى تمشا بس .........مافيا ......نييه

ثقيل من كثر الثقل جاني .........النوم
اريد اخزن وسجع القاف ...........هييه

ويننت يالضاوي نبي منك ........علوم
نبيك تحضر يابوضاوي .............هنييه

تراك عندي اليوم ياخوك .........معزوم
انا وانت والقارظ نسامر .........سوييه

نريد قافن يطرد...... النوم ......منظوم
حيا الطرب ياحي ملييون .........حيه

[القارظ العنزي]

احسنت يا بو الليل اعلم ذلك مسبقا . لو نركز على الوزن بالمجاراة كان تعبنا وغادرنا الساحة . وانما تركيزنا على الوزن في القصيدة الاصل والام . لانها هي المحسوبة وما تبقى سياحة فكرية ليس الا لاهنت وخفف علينا من النقد والا انكشفنا هههههه

[القارظ العنزي]

يالضاوي دونك ابو الليل به زوم
بدا ينقد ضعفنا ......... بالقوافي
يقول شف البيت بالبيت ملحوم
ولولا خويه يعضده .. ما يشافي
اليوم ابي حق غدا وصار مردوم
الحق صديقك قبل عج السوافي

[ابوالليل]

احسنت يا بو الليل اعلم ذلك مسبقا . لو نركز على الوزن بالمجاراة كان تعبنا وغادرنا الساحة . وانما تركيزنا على الوزن في القصيدة الاصل والام . لانها هي المحسوبة وما تبقى سياحة فكرية ليس الا لاهنت وخفف علينا من النقد والا انكشفنا هههههه

انا ادري بهذا الشي
ولولا اني اعرف انك شاعر متمكن لما انتقدتك
لاني قريت كل اشعارك ومجاراتك
ولم الحظ اختلاف في الوزن ابدا في اي بيت
الا هذا اللي اليوم كتبته
من محبتي لك نبهتك بهذا الشي
وانت ماتحتاج
شاعر ولك في الشعر ياخي شهاده
انا اشهد انك من هوامير ....الاشعار

وانا الذي حبه احب ............انتقاده
هذا ترا يالقارظ العنزي الذي .....صار

[ابوالليل]

يالضاوي دونك ابو الليل به زوم
بدا ينقد ضعفنا ......... بالقوافي
يقول شف البيت بالبيت ملحوم
ولولا خويه يعضده .. ما يشافي
اليوم ابي حق غدا وصار مردوم
الحق صديقك قبل عج السوافي

لاعاد تحرجنا قدم ضاوي ....اليوم
ولا عاد تبدي يابن خالي الخوافي

مابي يقول اليوم ياعيبة .الشوم
وتغدي سنيني يالسنافي عجافي

كم لي وانا من الذي قلت محروم
ولازلت احسب له بأنه .....خرافي

[القارظ العنزي]

بل كثير من مجاراتي خصوصا مع الضاوي فيها كسور . لانها تطول ومستمرة . بالنسبة للنقد نعم هذا طبع الادباء أما الانتقاد فهو غير النقد . فالانتقاد نوع من التأنيب والتأديب والنقد نوع من التقييم والتقويم وهذا ما ظننته فيك لاهنت .

[ابوالليل]

قد قلت لك اني في بحرك ولا شي
عندك من العلم الذي ......ماحويته

امطر علينا من البلاغات .....ياخي
حرفك وشعرك اشهد اني ...هويته

[القارظ العنزي]

علمي حويته وابتديته من لا شي
بديته بالقران ...... وعلم . قريته
وسنة نبيه عصمتي دام . انا حي
لين التقي الرسول بيوم . النهيتة
وشعر العرب مع الادب نلبسه زي
فيه الشرف وانسابهم .. ما نسيته
خبر معد ومذحج واخوانهم طي
وحمير سبأ والتبعي من ... هويته
وعلم العقايد حزته بشوي وشوي
لين انتهيت من الحديث وحويته
وعلم الغزل والحب ولا شاركه غي
والا الردى في نيتي ...... ما نويته

[ابوالليل]

سني صغير وحاوي من العلم اشوي
والشعر فطره يابن خالي .......لقيته

واحفظ من القران مايسر ......الحي
ودرب الردا ياخوك انا .........مابغيته

من بحرك الطامي ترا نرتوي ....ري
دريني باللي من زمن ......مادريته

روحي وسط ظلمه ولا شافت الضي
ياهيه لو تدري بدربن ........مشيته

[القارظ العنزي]

سني صغير وحاوي ن علم ن شوي
والشعر فطرة يا بن خالي .... لقيته

بيت من اجمل المداخل للقصيدة :

ترى شبابك ينفعك دوم ...... يا خي
قبل تشيب مثلنا ............ يالوليدة
ويفوتك اللي فاتنا يا بعد ....... حي
وتنسى القوافي مع حروف القصيدة
ويصيبك اللي صابنا بقلة ..... الضي
وتصبح همومك في حياتك .. عديدة
اطلب العلم وزوده في رضى ... الحي
الواحد المعبود رازق ............ عبيده

[ابوالليل]

اتشكرك على رايك
الذي شجعني كثير وخلاني اتحمس للكتابه

تسلم وتسلم فوقها زيد تسلم
على حروفك والقوافي .الفريده

يالله يلي عاطين ماء .....زمزم
فيه الشفا من كل بلوى عنيده

يعطيك من خيره وتبقى .منعم
وتعيش في عيشه هنيه رغيده

ياهاجسي قم اكتب الشعر وانظم
لعين خيي القارظ اجمل قصيده

القارظ اللي في الملمات محزم
لو ان داره عن دياري ......بعيده

من طيبته صرت بكلامي تلعثم
مشكور يلي مالك الطيب بيده

[القارظ العنزي]

انت الذي للطيب معدن ..... وملهم
اعجبتني واعجبتني ..... بالقصيدة
انت الشجاع اللي على الموت يقدم
يا نقوة الفرسان عز ......... البديدة
جتك القوافي كنها مي ........ زمزم
واللي بديته بالقوافي ......... نعيده
هات القوافي مسندة لي .... وارسم
ارسم عسير القاف باحلا ..... نشيدة
واخوي الضاوي معك دوم .... محزم
انا اشهد انه بالمواقف .......... وليدة

[ابوالليل]

كان بغيت العسر بالقاف تسلم
ابشر بقافن مايفكك ......بقيده
لكن خوفي بعض الاعضا ماتفهم
وتقول عنه شين كله ....عصيده
ياهاجسي هات الجزايل ولعمم
وجزل عليه القاف والزين ...زيده
في داخلي شلال شعر يتدحمم
والوان طيفه ترتسم من زنيده
اخدودها مثل الورد ووجهها اخجم
بوصافها كل الخلايق ....شهيده
وذيك الحواجب كالرصاص المقلم
وسهوم عينه كل زينن ..تصيده
روحي غدت يومه بالاعيان سلهم
في عالمن ثاني وصوفه فريده
شوفة حبيبي تطرد الحزن والهم
ويتوه معها الفكر يومك تحيده
هذا تراه القول يالقارظ ...اعلم
ماريد قاف من اللي قلته تعيده

[القارظ العنزي]

تسلم لي يا بو الليل تسلم . وتسلم
عز الله جبت القاف ومثلك يجيدة
قاف جزيل وصاغه اليوم .... معلم
تكرم ويكرم ما في قافك . عصيدة
عليك باللي يفهم واللي ... ما يفهم
ما ينفعه لو تنشره ........ بالجريدة
الله يجيرك من بلا كل ....... مجرم
ويجمع شتاتك بالهنوف ... الخريدة
وعسى يجود الحظ ويصعد ويخدم
ويرزقك ربك رزقة لك ........ مديدة
ويسعدك ربي بالغلا وزين ..... مبسم
وتبقى حياتك بالخلايق ........ فريدة
قافك بحر والموج يردم ........ يلطم
وان ما فزع لي ضاوي رحنا ... هبيدة

[ابوالليل]

روح قول للضاوي تعال وتقدم
تراه زول الضاوي كلنا ..نريده

وشفيك ساكت يابو ضاوي تكلم
الروح لامن جيت تبقى سعيده

ولا انت يالرقارظ تراك انت مجرم
في سرد ابياتك ووصف القصيده

بالرد صرت اليوم ياخوك ملزم
نبغى نفيد اللي حكانا يفيده

خلينا ندخل في الغزل ونتنعم
نرقى ونطرد كل فكره ..بلييده

بمحيسن الاوصاف انا صرت مغرم
وصرت متشربك بسجنه وقيده

دخل غلاها وصار يجري مع الدم
والقلب بنبض به بداخل ...وريده

غزاني كنه حلم يوم انت تحلم
وكل ما نهيت الحلم ارجع اعيده

قد كنت سالي ماني بالحب مهتم
قلت باجرب طواني ......حديده

ياليتها في القرب واظمها ....ظم
من بين كل الناس ابيها الوحيده

[ابوالليل]

وش فيك بردودك تاخرت ياعم
كم لي اناظر لك ترد القصيده

من كثر مانا منتظر صابني غم
كني على المرقاب اراعي طريده

[القارظ العنزي]

ما دامني عندك انا اليوم .. مجرم
وش ينفعك الرد وحرف القصيدة
رفعتك للسماء وجيت ....... تلطم
كنك الشيعي يوم عيد ...... بعيده
انت شباب وبسيد البيض ... مغرم
وصارت حياتك دون الغالي زهيدة
والعود مثلي صار بالقاف ... يحلم
وعزي لمن مثلي تلاشى .. رصيده
خفف علينا وبلاش يالقرم وتظلم
ثم اشكر الله يوم جاب ... العنيدة
بنت تبز الزين وللقرم ........ ترهم
ما شاقها غيره ولا فاز ....... بايده
تستاهل المزيون وعساه ... يرحم
و ياخذ بيدك والحنايا ...... وديدة
قلي هو الضاوي وش فيه ما انظم
وش فيه غاب ولا يجامل .. نديده
له بصمة بالقاف وطاروق .. يفحم
قل له يعجل ترى ما بي ... شريدة

[ابوالليل]

مجرم قصيد منت من يسفك الدم
وان كان في قولي غلط اعذروني
ياخوك انا مؤمن بربي ...ومسلم
ابغى السموحه منك وانته تموني
يومي قريت القاف قلبي ...تحطم
والوجه متلون بالفيين .......لوني
ماعاد دريت الشعر وشلون ينظم
اتشربكت عند الكتابه .....عيوني
سامحني وانته وافي .....وتسلم
يالله قدرنا ........نرد ......الديوني
والضاوي مدري شفيه الله ..يعلم
وش فيه ساكت يابشر ..خبروني
يمكن عذوره معه مافي عليه ذم
وغير هالاخبار .........لاتسألوني

[القارظ العنزي]

ادري ما قصدك فيه والرب . يعلم
انك عزيز والقلب مثلك .... يريده
هذي هي امزوحي اشوش وادحم
ومثلك صبور ولا يبور .... ووليدة
ادحم وهات القاف مليان .. مفعم
بحروفه اللي بالقوافي ..... فريدة
والضاوي شكله ملتهي عنك . يلهم
متربع بين العسل ....... والعصيدة

[ابوالليل]

مشكور يلي تفهم القصد والقول
مليون ماتكفي عشانك ....هديه
ياخوك انا للحين والعقل .مذهول
معك الحكاوي كل ابوها ...حلييه
يمكن ابوضاوي بهاليوم مشغول
بالزينه اللي قلت انها .....ابدويه
او يمكن انه قاعد يدور .....حلول
للسالفه اللي بلتنا .........بليه
اصبر تراني الحين بادز ..مرسول
وستفسره واساله ليه ..الخبييه
تراه ابوضاوي من الحب ..مقتول
محتار من يوم فارقته .....البنيه

[*زهرة أوركيدآ]

ماشاء الله
صح لسانگ الله يعطيك العافيه ع القصيد الجميل

[القارظ العنزي]

ترى الامانة يا فتى وصلت . اليوم
عند الذي طيبه مع الناس معروف
الياضاقت الدنيا زما واعتلا حزوم
يعجبك فعله مع الجيران وضيوف
سلم عليه وقل له يالذيب زهزوم
عجل بها نيراننا تحرق .... الجوف

[القارظ العنزي]

صح خفوقك زهرة أوركيدا

[العـ(احمد)ـالمي]

ماشاء الله عليكم
شعراء جزلين ومافيكم حيله
وعسى الله يبعدنا واياكم عن النار وعذابها

ودي للجميع

[القارظ العنزي]

احمد العالمي الجزالة انت منبعها ومعدنها لاهنت على مرورك وتعطيرك متصفحي

[ابوالليل]

ترى الامانة يا فتى وصلت . اليوم
عند الذي طيبه مع الناس معروف
الياضاقت الدنيا زما واعتلا حزوم
يعجبك فعله مع الجيران وضيوف
سلم عليه وقل له يالذيب زهزوم
عجل بها نيراننا تحرق .... الجوف

من لايقدر صاحبه قول له قوم
من قدم عيني مابغينا بعد شوف

وانته كفو والكفو يكرم ومكروم
واللي حكيته من الخبابير معروف

يابن الاجاود يامخظرم ......وزيزوم
يلي عشانك قيلت ابيات.... وحروف

ترا اليوم الهاجس ضايع اعذرني اذا في قصور
وسلامتك

[القارظ العنزي]

صح السانك يا بو الليل ما يجي منك قصور وكلك ابداع لاهنت

[نجم ضاوي]

الله يسعدك .. يا القارظ .. دايم . الدوم
من .. معاه القارظ . . مايلحقه .. خوف

سبحت ببحورآ .. مانعرف .. بها . نعوم
كلنا .. عند باب كرمك .. ناقف . وقوف

ألكرم . . جاك . . من .. الله .. مقسوم
اصبحت عند اهل الكرم والجود معروف

[القارظ العنزي]

ناقف اباب الله انا وانت ....... والقوم
باب الكرم والجود عنده ...... لملهوف
والا البشر ما عندهم غير ....... معلوم
محدد رقمه على اوراق ...... وارفوف
ومن يزهد بفعل الخير ضايع ومحروم
ما ينفعه لو يمتلي الجيب .... وكفوف
مثل الذي يمشي بلا اغطا ..... وهدوم
يمشي ولا سجل مع الناس ... معروف
وصنايع المعروف تاقاك ........ وتحوم
اتحوم حولك تدفع الشر ..... والخوف

[احلام عابره]

والله عاد
ربنا قال
ولا تز وازرة وزر اخرى

لي عوده

[القارظ العنزي]

تشرفين بكل وقت يا احلام وحياك الله