بفارقك

[أنا فداهم]

•

•

•

طاب خاطر جرحك لو الجرح قتـال
................... إبعدي عن دروبٍ كنت أجيها

لا تطري الرجعة و تبكي ع الأطلال
................... لأن رجعتك ما عدت أنا أبيها

من لا يعدك ربح لا تعده راس المال
................... جمرة الفرقا لا يمكن تطفيها

فرقاك أرحم ولا أبقى على هـالحال
................... و المقفية عند العرب عيبٍ تناديها

بفارقك و بغني على فرقتك مــوال
................... وجروحك مع الوقت بقدر أداويها

ياللي سمعتي فيني القيل و القال
................... ترى العقارب تموت و سمها فيها

خل ينفعونك لا شانت فيك الأحوال
................... و هزتك دنياك ولا قدرتي تجاريها

مثلي ما تلقى و لو هالزمن طال
................... وبعض النهايات ما تقدر تخبيها

•

•

•

[أورانوس]

أبيات تحمل كلمات قوية جداً
لم تأتِ إلا من اعتصار ألمٍ شديد

لاعدمنا جديد عطاءك

[ابوالليل]

كل ساع يلفينا على غير منوال
تكفى ترا لاعاد لك ترتجــــــــيها

دور سواها مابقى لك على حال
اللي ماتبغينا ترا مانــــبـــــــــيها

ياخوك قد قالو من اول بالامــثال
اللي نأت عن غيرها طز فيــــها

قد جاك يافداهم من الليل مرسال
يالله عسى تفهم حروف اتحويها

صح لسانك
انا اشهد

[الغاوي]

صح لسانك
ولا هنت
جزل

[أنا فداهم]

إي والله إنه صابني هم و غربال
بأسباب محبوبة كنت أنا أبيها

غارت علي و تقطعت فيني آمال
واليوم يابو الليل ما عدت أرتجيها

اللي تبيعك يا خلي علشان المال
سلم لي على حبها وسلم عليها

[ابوالليل]

إي والله إنه صابني هم و غربال
بأسباب محبوبة كنت أنا أبيها

غارت علي و تقطعت فيني آمال
واليوم يابو الليل ما عدت أرتجيها

اللي تبيعك يا خلي علشان المال
سلم لي على حبها وسلم عليها

ادري بان الحب ياخوك ........قتال
والبين مايرحم قلوبن .......يجيها

البارحه في غفلةن جاني مسال
قالو تراها راحت اللي....... تبيها

الدمع من عيني كما النو ..همال
ماغير قلت حسبي الله ....عليها

[أنا فداهم]

قريت قافك اللي كتبته والدمع سال
العبرة اللي فعيني ما قدرت أخفيها

لو هي بيدي سقتها لك قبل شوال
مير العوايد يا خيي ما حنا نقويها

لا لا تحسّب عليها ولا يضيق لك بال
كون أقوى وقول الله يستر عليها

[ابوالليل]

لكني ماشفتك بموضوعي يالخال
ولانت حالف يالخوي ......ماتجيها

البارحه ابوالليل تغربل ......بغربال
وللحين عيني ساهر الدمع فيها

[أنا فداهم]

لو جرحك بيبرى ،، كان رديت بالحال
لكن جروح المفارق الحكي ما يداويها

ياخي إطلق لنفسك روح قيدتها بأغلال
و انسَ اللي راح و خطوتك لابد تبتديها

[نجم ضاوي]

الله يعينك يافداهم على ذا الحال
ناخذ من .. ابياتك . عذب صافيها

سهم المحبه . . ياخوك سم قتال
صاب منك الروح . . الله يشافيها

عوضك على الله في كل الاحوال
والغمه .. اللي جتك . الله يجليها

خلك عزيز النفس . . والمثل قال
النفس الدنيه .. تطيح قدر راعيها

سلام مني عليك . . يا طيب الفال
اسأل الله نفسك .. يحقق امانيها


صح لسانك يا .. انا فداهم .. وسلم نبض قلبك وبنانك ...
رائع وجميل ما نثرته هنا يا الغالي ...
دائمآ مبدع في انتقاء عذب ابياتك ...

لا خلا ولا عدم ...