((كني صدى صوتك مع الهم ما فقت))

[القارظ العنزي]

الياضاق صدرك يا رفيقي ... فانا ضقت
لا تحسبني عقب ضيقتك ........ فرحان
كني صدى صوتك مع الهم ..... ما فقت
والا اليتيم اللي على كل .......... عنوان
لا خير فيني كان ما قمت ......... سبقت
هزيت الراس وقلت يا عزوتي ..... فلان
هات الخبر وش الخبر ليت .... ما انبقت
ولا انباق قلبك في هوى زين ... الالحان
وان كانها من غيرها جيت ..... واشتقت
إلشوفكم واللي يتعسر ترى .......... هان
لاجلك نسوق الروح وان سقت ثم سقت
ما ردها لو ضاعت فدوه ......... وهفيان
الياصار ما نوفي لكم معظم ...... الوقت
نبقى على ما قيل ذا مهايط ........ وبان

القارظ العنزي

[احلام عابره]

صح صح لسانك
مدد بلا عدد
قصيده رائعه
قرأتها ..فاعجبتني
لحّنتها..فاطربتني

حرف راقي

وبوح شجي

لا يستطيعه سوى قلم واحد

هو قلم القارض العنزي

استاذي وصديقي وعزوتي
القارض العنزي
ابدعت
وامتعت

لاخلا ولا عدم

[القارظ العنزي]

ربي يحفظك يا احلام هذا من ذوقك

[أورانوس]

[ القارظ العنزي ]
نعمَ الصديق أنت .. حين خرجت كلماتك مواساةً لصاحبك
أسأل الله أن يعوضه خيراً واياك

[القارظ العنزي]

اللهم آمين أورانوس هذا من طيب معدنك لاهنت ، أشكرك على مرورك وتعطير صفحتي

[الغاوي]

الله الله عليك
صح لسانك ولا هنت

[القارظ العنزي]

صح بدنك ولا هنت يالغاوي

[نجم ضاوي]

يا عزوتي . . بقلبك الطاهر لنا بنت
وفعلك المحمود . يا الغالي لنا بان

لاهنت ياراعي الكرم والجود لاهنت
وقت المدح .. لامثالك . . مننا حان

مثلك صاحبآ لي .. اوفيت له وصنت
وانت الصاحب اللي لاخوتي ما خان

انت الاخو انت الوفي اي والله انت
ما يفرق بيننا لا إنس والله ولا جان

مديت .. يد العون .. والخير قدمت
يا بخت من عان .. في دنيته انسان


صح لسانك يا القارظ عزالله انك وفي وصاحب واجب ...
بيض الله وجهك كفيت ووفيت وفالك البيرق ...

لا خلا ولا عدم ....

[القارظ العنزي]

لا هنت يا شبل الاجاويد ...... لاهنت
ولا هان صوتك عندنا طول . الازمان
انا اشهد انك وافي العهد ... ما خنت
ولا خان مثلك مع بلا الوقت ما خان

[عذب القصيد]

يعطيك ربي الف عافيه .....

[القارظ العنزي]

الله يعافيك عذب القصيد

[فراشة كريستالية]

صح لسانك ونعم الصديق انت
تحياتي لك

[القارظ العنزي]

صح بدنك ونعم فيك بنت عدنان هذا من لطفك

["أكتفاء"]

الله الله

صح لسسسانك

[القارظ العنزي]

صح بدنك أكتفاء ونعم بالله