مبدا الرجم

[نصف القمر]

السلام عليكم ورحمة الله وبركاته



زين مبدا الرجم الي والشمس حيه

بعد صليت العصر والفي مالي




يوم مديت النظر عود عليه

مانشوف الا مراويح الخيالي




لا بيوت ولاش زول ولا مطيه

غير انا في راس مرقابي لحالي




مع قدوم الوسم والديره خليه

والهبوب البارده هبت شمالي




كثر دمع(ن) هلته عيني عشيه

عقب وطيت العمامه والعقالي




ثم طرت لي بكرتن وضحا(ن) ثنيه

هي شريدة مابقي من راس مالي




بكرتن عفرا سهيف وعسوجيه

دمها دمي وفازت بالدلالي





بكرتن ربي عطانيها عطيه

واشكر الله ربنا معطي الجزالي




جدها جد السعد في الجاهليه

ف اول الغاره وحماي التوالي




انشدو هذال يوم الحرمليه

يوم جا في تالي الخيل اجتوالي




ردها الفارس على القوم اللظيه

وكعت السبق عقب طاح الموالي






مهل الشيباني

[عذب القصيد]

جزيت خيرا ..

موضوع يستحق القراءه ........ :ورد:

[نصف القمر]

عذب


الله يجزاك خير لمرورك..

[أورانوس]

لم أفهم معظم الكلمات
لكن ،،
يعطيك العافية !

[القارظ العنزي]

إحمد الله واشكره رب ..... العطية
يحفظ الله بكرتك حسن وجمالي
من اصول معربة ما هي ..... هفية
جدها مع ساسها اهل .... وخوالي
وش تبي بالرجم العالي .... بالثنية
دام الغالي حولكم دون ... الغوالي
دام البكرة عندكم دايم ..... حظية
وش حلاها من سياحة مع واصالي
تركب المركوب وتلكد ..... بالمطية
والرسن واخطامها بيدك .... كمالي
تنطلق من لمستك تبي .... الفضية
درهمانة يسعدك باول ....... وتالي
وان زهمته صاب الخطوة عنجهية
وصلتك دياركم قبل ....... الزوالي
وباقي القصة عندنا ما هي . خفية
بكرتك نتاجها روس ...... الرجالي

صح السانك فيض السحاب ، لاهنت على طلعت الرجم وما جاب ، فقط مجاراة بسيطة متواضعة ارجو قبولها بقبول حسن ، القارظ مر من هنا .

[الكــــايـــد]

`




صح لسانك أستاذي
مهل الشيباني
ابدعت في صوغ القصيده
ولآهي جديدة عليكم

بأنتظار جديدك


دمت كمآ تحب..~`

[أم الرجال]

.


لست ممن يجيد رصف الحروف
على طاولة القصيد
ولكن أدرك جيداً أنني الآن
في حضرة الجمال
أسلوب منفرد في الأداء
دام المد وأنتشى المداد

تحياتي لك

[عتيم]

..



قصيده جزله



صح لسانك


..